مشاكل نظام السنترا ,, والحلول المقترحه

[خطوات نحو النجاح بإذن ربي]

السلام عليكم ورحمة الله وبركاته.لوسمحتوا حملت كل البرامج إلا السنترا ماأدري ايش فيه أظن اني حملته بس ماني عارفه كيف ادخل على البرامج لانها بالانجليزي وهل يجب علي فتحها كلها قبل المحاضرة وكيف ادخل المحاضرة من خلالها أرجوكم ساعدوني وقولولي طريقة فتحها بالارشادات بالانجليزي كمان انا متورطة فاتتني 5محاضرات على ما اعتقد من امس احاول ادخل المحاضرة وماتفتح يقول حمل سنترا وكذا مرة احملها لكن ماني عارفه ادخل يبغالها شغل كثير.ساعدوني اللي يساعد الناس ربي يساعده.والسلام عليكم ورحمة الله وبركاته.دمتم بخير.

[خطوات نحو النجاح بإذن ربي]

بسم الله الرحمن الرحيم.السلام عليكم ورحمة الله وبركاته.أنا عندي إقتراح وأتمنى إنكم تتطبقونه لخدمة الطلبة والطالبات المنتسبين.وهو إنكم تعرضون في المحاضرات المسجلة للإنتساب محاضرات السنة التحضيرية هذه لهذين الإسبوعين والتي يحضرها الطلاب عن طريق السنترا لكن نحن لم تفتح معنا السنترا وحاولنا محاولات كثيرة لكن لاجدوى وبعضهم يفتحون المحاضرات لكن تقطع وكانت محاضرات الرياضيات والإنجليزي والحاسب والثقافة الإسلامية بإلإضافة للعربي كلها في المحاضرات المسجلة للإنتساب وكانت ماشية معانا زي الحلاوة الحمدلله وفهمنا بعض الدروس وكانت طريقة سهلة لكن اليوم إنمسحت كل المحاضرات إلا مادة العربي.أرجوكم رجعوها هي الطريقة الوحيدة السهلة لحضور المحاضرات وفهمها وحفظها إن شاء الله.وجزاكم الله خيرا.

[Naif Aljohani]

السلام عليكم

النقطة الي ابي اتكلم عنها هي : تطوير نظام سنترا لجامعة المؤسس

بعد بحث وصلت لوصلة برنامج الشركة المنفذه لبرنامج سنترا ينزل عندك في iPhone & iPad & iPod وهو
http://itunes.apple.com/us/app/saba-...353869348?mt=8

وانا حاولت ادخل عليه بس وجد المشكلة ان مدير البرنامج ماهو مفعل خدمة الاتصال بالبرنامج عن طريق اجهزه ابل.

ياليت احد يفيدنا

وشكرا

[مـ جدة ـلاك]

الصراحه نظام السنترا ماشي معايا انا 100%
والخلل دايما يكون من جهل بعض الاستاذات

او من الاتصال سواء عندي او عند استاذة المادة

لكن للان ماشفت فيه اي عيب .. الله يعينكم

[طيب القلـب]

انا ابي اسجل المحاضرات من متابعة المادة اللي في السنتر كيف اقدر اسجلها لان بصراحة الشرح فيها ممتاز ويوصل المعلومة بكل يسر وسهولة

[الملاك الأبيض]

جزيتم خيرا على هذا الموضوع القيم , اسمح لي انا اشارك ببعض المشاكل المهمة التي تحصل لنا ونرجو الحصول على حلول بشأنها :

1_ الاستاذات الي يستخدموا النظام وخصوصا لبنات الانتساب يكونو مو عارفين على النظام , الترم الي فات اجت كذا استاذة ماهي عارفة تفتح جزء الشات او تشوف اسئلة البنات وماقدرت تسمع اصواتنا ولا حتى تشرح لأنو كل شوي وحدة من البنات يقاطعوها باسئلتهم عن طريق الهيد فون وعملو تشتيت غير طبيعي , فياليت توفرو شرح وافي للنظام للاستاذات واهم شي انهم لايغفلو جزء الشات لأنو البنات يستخدموه للتواصل بين الاستاذة وبينهم في المحاضرات .
2- المشكلة الثانية برضو بعض الاستاذات مايعرفو كيف يسجلو المحاضرة او ينسو يضغطو زر التسجيل او تطلع وترجع والتسجيل كله يروح والنتيجة مافي اي محاضرات مسجلة في قسم المحاضرات السابقة .

3-فعلا وقت الصلاة ياخد من وقت المحاضرة فياليت يوفروا وقت اطول للمحاضرة او وقت مقتطع من غير وقت المحاضرة للصلاة .

4-جداول السنترا ماتتماشى مع جداول الاودس فمثلا الترم الي فات صارت معنا مشاكل رهيبة في السنترا نزلت المحاضرات وروحنا غيرنا في جداولنا الاودس بعض المواد ولما نفتح السنترا مانلاقي التحديثات في النظام وبالتالي يضيع علينا الحضور , وماتتحدث في السنترا الا بعد اسبوع وحتى ماتكون المحاضرات الفائتة مسجلة .

5 - الطلب الاخير ياليت قسم الطلاب يسجلو لنا محاضرات الدكاترة وتكون متاحة للطالبات والطلبة على موقع معين عشان كثير من الاحيان شرح الاستاذة في مادة معينة مايكون واضح وغير مفهوم ومانقدر نجيب اساتذة خصوصين ليساعدونا فلو استطاع الطلاب توفير التسجيل سيكون امر مساعد لنا كثيرا بعد الله .

هذا كل شيء واتمنى يوصل صوتنا ^^

[mawada ..]

نظام فاشل واحنا ما اخترنا ولا نبغى حرام والله ظلم ندفع 3000 وفي النهاية ما نفهم شي ولا نحضر محاضرات
احنا الانتساب مره مظلومين والله حرام

[mawada ..]

خلولنا هوا اختياري مو اجباري نبغى نحضر الجامعة ونفهم كويس ما بنحس اننا طالبات حقنا ضايع وما بنفهم شي من السنترا نحنا طالبات انتساب مو تعليم عن بعد يارب تقدروا تفيدونا

[miss roze]

الله يعين

[Rosh]

ارجوكم احد يفيدني موادي الترم هدا كلهااا سنترا دايما يجيني غير مسموح لك التسجيل
ولما اعمل فحص النظام كلو تمام و كلها يجيني عليها صح
بس مني عارفه ايش المشكله بليز احد يفهمني ع دا النظام المعقد والله الحضور كان احسن بمليون مررررا