مين قاعد ينزل القرارات tajamo3 gilmaghooreen

[اميره بضحكتي]

المشاركة الأصلية كتبت بواسطة خالد9921 < داخل عرض ض1 فيه ردود بتقول يمكن مو اكيد ما جاء خبر رسمي بخصوص التيست بانك حقكم بس حقيقي لو شالوه و صار كل شي من الكتاب مرجعكم هوا بالاختبار بجد بجد ظلم حتى لو عند العيال المفروض العيال يسوو زيكم مش يقولو عادي !! اذا تبغى تطبق نظام زي كذا اقل شي طبقه من بداية السنه ع كل الدفعه اما نص الدفعه تيست بانك ونصها كتاب !!! حتى لو اختبارات الكتاب سهله النفسيات حتكون لااااااا من قبل ما تذاكر لانو حاطه في بالها التيست بانك زي زملائها قبل ترم !!! الله يقويكم يا فتيات ض1 وان شاءالله ينسمع كلامكم لانكم تطالبو بأبسط حقوقكم احلى شي ثقافة اخذ الحقوق بإحترام (: وانا بصراحه ما جيت رديت هنا الا اني احب اي عمل او شغله زي كذا من ابسط حقوق الناس تطلب المساواه بأي شي خاصة اذا اعتراضاتها واقعيه ! موفقات

يعطيك العافيه هدا الكلام الي يرفع المعنويات مو الي يقولوا حسد هع هع

[د.مشاعل]

المشاركة الأصلية كتبت بواسطة اميره بضحكتي انا عارفه يا عسل انو التسيت بانك بالانجليزي بس يفرق لمن يكون سوال وجواب وشي مرتب مو زي لمن تكون الدونيا شربه وانتي تقعدي تحوسي و تحطي لنفسك اسئله واجوبه ويسير بدل ما تترجمي كم كلمه في التيست بانك تسير تترجمي كتاب ><

صح كلامك .. يلا ربي يسهل :)
للان مافي شي أكيد ^^ نشوف اش يطلع معاهم :(

[Majed7]

تبغوا الصراحه هذا ظلم بمعنى الكلــمه .. صح إنهم سوو لنا كم حركة مزبوطه الترم اللي فات ونقصتنا للاسف ,, لكن لو تذاكروا من الكتاب أو السلايدات راح يكون من أفشل قرارات الاقسام الجامعيه ؟!

طبعا نحنا مقهورين منكم لانو إنتو خطة البونس ( أنا أسمع بالبونس بس ما عمري شفته ههههههههه ) .. اليوم شفت واحد من أصحابي يقولوا أعطونا بونس 34 درجه وأنا درجه وحده ويا رب لك الحمد ^_^

ما نطلع عن موضوعنا .. نعم للتيست بانك , نعم للاحتجاج الراقي >~ ماخذها من مظاهرات مصر ههههههه

موفقات ^_^

[~RAN~]

المشاركة الأصلية كتبت بواسطة اميره بضحكتي ^ ^ ^ يا حلوه في فرق كبير احنا ننتكلم عن ماده مو باب ولا اتنين عن ماده كامله يعني دوري اول وتاني ونهائي وبعدن مسائلة باب ولا بابين ما تفرق مو كتاب كامل وكمان هدي الماده مهمه للي يبغوا تخصصات طبيه خلينا واقعين شويا ^^ وموفقه حياتو

خخخخخخخخخخخخخخخخخخخ شكلك اخذتيها بجديه

عموما انا كنت بمزح
ومن كل قلبي اتمنى انهم يخلوا التست بانك
لو غيروه راح يصير أكبر ظلم في تاريخ جامعة الملك عبدالعزيز
الا اذا انهم سهلوه اكثر ماراح يصير ظلم

موفقين

[خالد9921]

الي يرفع المعنويات مو الي يقولوا حسد هع هع

ربي يعافيك .. حسد ايش خخخخ دا ابسط حقوقكم ياستي
رغم انو مالي علاقه بالموضوع
بس اتحمست لكم ابسط حقوقكم لو صح الخبر ان التيست بانك يرجع
انتو ما حتتسكنوا لحالكم .. حتتسكنوا مع ناس درست عالتيست بانك !!
وانا عارف قد ايش عملية اللغه بالتيسك بانك مو مره سهله
الماده بحد ذاتها لو بدون تيست بانك يحتاج لها مذاكره خاصه للمصطلحات وحفظهاااا كويس

يا حلوه في فرق كبير احنا ننتكلم عن ماده مو باب ولا اتنين عن ماده كامله

صحيح فيه فرق من ناحية كمية الضرر
بس من حقها كمان تطالب بالمساواه بين اللي درسو بعض المواد الترم اللي راح والجدد دا الترم
ابسط حقوقي اطالب بنفس عدد الدروس
عالعموم يارب كلكم تنالو مطالبكم وتتسكنوا بأحسن الكليات (:

[~RAN~]

المشاركة الأصلية كتبت بواسطة خالد9921 صحيح فيه فرق من ناحية كمية الضرر بس من حقها كمان تطالب بالمساواه بين اللي درسو بعض المواد الترم اللي راح والجدد دا الترم ابسط حقوقي اطالب بنفس عدد الدروس عالعموم يارب كلكم تنالو مطالبكم وتتسكنوا بأحسن الكليات (:

ههههههههه يب والله كلامك صحيح كالعاده

بس مابغى اتكلم اكثر علشان لا احد يزعل

الله يوفقهم ويوفقنا وان شاء الله مايتغير التست بانك

وآآمين يارب ع الدعوه

[Mo0jraD e7SaS:~]

اقوووووووول ريحوا اعصااااابكم اليوم

بكرا بينكشف الستار كل وحده تسأل استادتها

وبعدين نحكم ...

بالنسبه ليا معليش بس ما راح اصدق لين انا اسمع الخبر بنفسي ....

اميررره يا عمري ريحي اعصابك اليوم

وبكرا يصير خير.....

[No_0ne]

المشاركة الأصلية كتبت بواسطة majed7 تبغوا الصراحه هذا ظلم بمعنى الكلــمه .. صح إنهم سوو لنا كم حركة مزبوطه الترم اللي فات ونقصتنا للاسف ,, لكن لو تذاكروا من الكتاب أو السلايدات راح يكون من أفشل قرارات الاقسام الجامعيه ؟! طبعا نحنا مقهورين منكم لانو إنتو خطة البونس ( أنا أسمع بالبونس بس ما عمري شفته ههههههههه ) .. اليوم شفت واحد من أصحابي يقولوا أعطونا بونس 34 درجه وأنا درجه وحده ويا رب لك الحمد ^_^ ما نطلع عن موضوعنا .. نعم للتيست بانك , نعم للاحتجاج الراقي >~ ماخذها من مظاهرات مصر ههههههه موفقات ^_^

صح عليك و قصم ... انا صرت اتحلم بالبونس كنه فارس الاحلام ...
الكمياء الي كنت اقول اقطع يدي و هيدونا بونس فيه ما ادونا ...بس ان شاء الله هيدونا السمستر دا بونس زي المطر هتزوج4 قصدي هيدونا بونس في 4 مواد كولها ...
^^^^^^^^^^^^^^^^
كني طلعت عن الموضوع صار موضوع بونس خخخخخخخخخخ ...
على العموم الموظاهرات موضه 2011 صار شي و الا شي تضاهرو لانو من جد هيكون ظلم كبير لكم .... و ان شاء الله ما يشلو لكم التيست بانك ...

[خالد9921]

يب والله كلامك صحيح كالعاده بس مابغى اتكلم اكثر علشان لا احد يزعل

ثانكيو .. والحمدلله انو صحيح
انا لما اطالع بموضوع زي كذا ما اشوفه تيست بانك او غيروه
بقدر ما اشوفه فرصه حلوه لخوض تجربة وثقافة المطالبه بالحقوق
بغض النظر عن كمية اي مطالبه او حق .. العداله والمساواه واجبه الين مثقال الذره واصغر كمان !
من حقي اقول ريحة باب الكفتيريا كان ورد امس بغيابي
ولما جيت اشتري اليوم صارت ريحته بيض !
اهم شي نكون مُقنعين لدرجة كبيره وقمة القناعه في التيست بانك او كمية الدروس بالنسبه لكم بالماث وغيرو !
رغم انو الخبر مش اكيد دوبي شوفت موضوع ما احترم مصدره مع احترامي ض1
لكن سواء صح او ما كان صحيح خليكم زي اللي راح وفات وخذو اي شي من حقكم
وماحد بيزعل ان شاءالله مافش زعل اذا الكل مقتنع بأنو الآخر من حقه ما ينظلم
موفقين وموفقات (:

[اميره بضحكتي]

المشاركة الأصلية كتبت بواسطة ~ran~ خخخخخخخخخخخخخخخخخخخ شكلك اخذتيها بجديه عموما انا كنت بمزح ومن كل قلبي اتمنى انهم يخلوا التست بانك لو غيروه راح يصير أكبر ظلم في تاريخ جامعة الملك عبدالعزيز الا اذا انهم سهلوه اكثر ماراح يصير ظلم موفقين

يا حياتي انا ما زعلت ومن حقك تقولي الي تبغى

احنا هنا عشان نتناقش

وع قولهم الاختلاف لا يفسد للود قضية <<<<<< ما اعرف ادا كان المتل صح ولا لا

تعرفي احنا نفس القضية راح ناخد اشياء في الاحصاء يقولوا انها ما كانت عندكم

بس هدا يهون جنب الطامه الكبيره الي هيا الاحياء

وتعرفي شبتر 4 في الماث والله احسن انهم يعطوكم في امثله كتيره عشان يثبت في راسكم

اما الاحياء كلوا حفظ وقرف

والله يوفقكم

وان شاء الله ما يزودلكم شي

والي يقهر من جد الفيزياء يارب يحذفولك الشابتر الي حدفوه لنا

واظن حقون الفيزياء يسوها لانهم مرررا كويسين حتى اسئلتهم حلوه ^^