هــــــنا نود تقديم نصائح لطلاب السنة التحضيرية (من تجاربنا)للي يبغى المعدلات العالية

[مني يغار الورد]

نبدأبخطة أ
الرياضيات
التحليل الكمي >>سمعت انه انحذف
ثقافة اسلامية
العربي
الانقلش
الحاسب
طبعا أهم شي المذاكرة أول بأول
وتفاعل مع الاستاذ/ه
الرياضيات
لازم اول ماترجعو البيت ع الاقل تراجعو المسائل بالنظر ع الاقل وتفهموها عشان لاتتراكم عليك الدروس وبعدين في النهاية تجون وتلقون حاجات كثير مافهمتوها بتتلخبطون لكن خلوكم اول باول
وحلو مسألة احنا ماكان فيه واجبات بس استاذتنا كانت تقول حلو ووريني وبذي الطريقة كانت تشوف الاخطاء الشائعة وتنبهنا
وعن طريق نفس الحركة كنا نعرف الاسئلة اللي جاية من طريقة تركيزها ع حاجة معينه وسجلو اي ملاحظات في دفتركم الخاص بالمادة اشرحو بطريقتكم الدرس اللي فاهمينه اكتبو عليه مفهوم وسجلو عليها ملاحظاتكم واكتبو انا ممتاز/ه انا فهيم/ه انا سوبر فهيم/ه والله الحركه جربتها رووعه
حبو المادة واستاذت/ها وهذي المادة لاني احبها جبت فيها درجه عااااليه جدا ولله الحمد
طريق الاسئلة
اختيار من متعدد صح وخطا
30 دوري اول
30دوري ثاني
الثقافة الاسلاميه
هذي المادة انا افضل انكم تقرو الدرس قبل ماتروحو الجامعه والله اضمن لكم تصير سهلة وكمان لمن تنشرح اندمجو اتفاعلو حسو انه برنامج ديني خاص لمن الاستاذ/ة تقول قصة والله كنت اتفاعل معها
وبعدين حاولو لمن ترجعو البيت تمرو عليه انا الصراحة ماسويت ذي الحركة الافي النهاية والحمدلله تقريبا درجتي صارت احسن بعد ماسويتها

ولكن لازم تركزو شوية لانه اسئلتنا صراحة كانت من بين السطور لكن ان شاء الله اول باول تصير اسهل
ولمن تجو في النهائي راح تكون مجرد قراءة
طريقة الاسئلة
نفس طريق اسئلة الرياضيات
اللغة العربية
نفس الشي اول باول اكيد ولازم تتفاعلو مع الاستاذ/ة تصير المادة ولاشي واكتبو ملاحاظاتكم اي شي جديد يفيكم ..بعدين اقرو الخلاصة اللي نهاية كل درس اقروها وطبقو عليها
والاسئلة نفس الشي
الانقلش
GRAMMAR
القرمر مافيه اسهل منها ياحبي لها مجرد قاعده وطبقو عليها واغلب القواعد في الكا 1 اخذناها من قبل بس ببعض التطورات واي قاعدة تاخذوها افهموها من البداية واكتبوا نفس الشي ملاحظات حطو شرحكم بالعربي
الاستاذه كانت تخلينا نحل الواجب انصحكم حلو ع الاقل شوي لكن اذا كانت ت/ي راقب عليكم فحلوووه كله خخخخ عشان ماتتفشلون ولاتغشون من احد
listening & speaking
برضك اليسسننق والسبيكينق مافيش اسهل منها حيكمون طبعا زي المحادثة وانتو تكملوها لازم تكونون مركزين في البداية بتحسون ماتلحقون شي (زيي خخخخخ)بس اللي متعودين في الثنوي والله بيصير سهل عليهم كانو في بنات في كلاسي كذا ماشاء الله واكتشفت انهم اللي ماشاء الله متفاعلين كانو بنفس المدرسه الله المستعان بس جلسنا كم يوم وصرنا متجاوبين
اهم شي في المادة دي الفوكابلري
طيب
كل chapter أو فصل
راح ينتهي بمجموع الكلمات اللي موجودة طيب لازم ترجمون كل كلمه وتحفظونها حتى لو تكتبونها في ورقة عشان تضمنو وكمان لاتنسو تمتبو ترجمتها بالنقلش انا انصحكم ترجموها اول باول حتى لو الاستاذ ماترجمها معكم لو ترجمونها قبل احسن عشان لمن تنشرح تحسوها سهله مو تتنحون
وكمان في البارت تو من كل فصل شي اسمه using language functions
يعلمكم وظيفة الجملة
طيب اللي وصلنا له انه الفوكابلري ووظيفة الجملة اهم شي
reading &writing
حلوين مرره برضك اهم شي الفوكابري في الريدينق وكمان معناها بالعربي وبالانقلش عشان تضمنو لو جات في جملة تانيه تكونو خلاص عارفين
الريدينق كانت مهم انه نعرف نرتب الجمله بس والفاصله وين تنحط النقطة يعني القواعد في الكتابه
الكتاب الرابع كان يتكلم عن البزنس ماالبزنس بس الترم الثاني اتغير صار فوكابلري ان يوز
الاسئلة
كانت برضك اختيار من متعدد ومااظن كان فيه صح وخطا غير في القطعه
طبعا حتكون
في اليسينينق
محادثة تسمعوها وتجاوبي عن طريقها ع 5 اسئلة سماعية وتسمعون مره تانيه مدري اذا حيتغير النظام
وبعدين فوكابلري
وفي الرايتنق
قطعه وعليها اسئلة
وفوكابلري
وبعد كذا الرايتينق اللي هيه قواعد الكتابة وانوع الجمل
وكمان ممكن يجي باي قسم بعض القواعد البسيطه زي ماجان يعني ON وين تجي وزي كذا
ولازم تسمعو الاستاذ/ة ايش يقولون لكم اللي تذاكروه

والقسم الرابع والله مدري بالضبط ايش حيكون لكم
وكنا الترم الاول
30 دوري اول
30 دوري ثاني
40 نهائي
الحــــاسب
وقسم بالله ممتعة وسهــلة خاصة انه اغلبكم اختوها بالثنوي انا مااختها وجبت درجه عااالية جدا الحمدلله
طبعا حتتكلم عن البور الوورد الانترنت الايميل الاكسس الاكسل وفي البداية حاجات نظرية
وحتركزو ع بعض الصور زي الفلوبي اللي بالوورد اللي يحفظ الشغل يعني الصور وع شو تدل
طبعا حيكون الاختبار عملي ونظري
ولازم تكونو مع الاستاذ/ه لمن تشرح لانه في اشياء ممكن ينبهوكم عليها واو ماتروحو البيت طبقو وسوو ابداعاتكم وكمان حيكون فيه واجــب حلوه بنفوسكم وحيكون تنسخوه ع سيدي
وشو كمان
العملي لازم تكونو مدربي لانه شويه يبغاله سرعه شدوا حيلكم
حيكون في الوورد
تكتبون نص تدرجون صورة - رمز- تعداد نقطي -فاصل - تذييل وزي كدا
البور برضك
تسوو شريحه -تدرجوا صورة تخفو شريحه معينه وكمان تضيفو تذييل إلخ والشغل كله يبدا بانشاء مجلد وتحظون شغلكم عليه
الاكسل
والله ماني فاكرة بس اهم شي انه سهل
الاكسس
شويه يبغاله شغل يعني يبغالكم متدربين عليه زين مازين
الانترنت والايميل مايبغالها كمان حريفين اكيد حتعرفو عن الاوت لوك وكيف تشتغلو عليه
وفي اشياء تانيه منها التعلم عن بعد ومني فاكره ايش كمان
النظري زي ماقلت يعتمد ع الصور اللي في كل برنامج
وكمان الاختصارات وبعض الاشياء اللي تحسونها مهمه لازم تجي
طبعا انا ايش كنت اسوي ماكنت اكتب في البداية وندمت لانه الاسئلة تجي من الشرح هوه نفسه اللي بالكتاب بس الاستاذه كانت تختصر وتقول هذا مهم وزي كذا
بس بعدين صرت اكتب الشرح حقها صرت ماالقى صعوبه الحمدلله
طريقة الاختبار
الدوري الاول والتاني كان 70
والنهائي 30
والله ماني فاكرة تقسيم الدرجات بالضبط
بس كان برضك فيه واجبات
حبوووو الموااد كل يوم كررو انا احب الماده كذا انا احب المادة كذا وشوفو كيف
هرجي كثير بس ان شاء الله تستفيدون إذا عجبتكم الفكرة كملنا خطة ب اذا حسيتوا ماافدتكم مع اني متاكده انكم قدها وقدود
ويالااا اي احد عنده شي افاده يقوله
بالتوفيــــــــــــــق
أدعولنا