ماذا بعد حياة ( الهكوناإأآ متاإأآتإأآ )

[~Me~]

المشاركة الأصلية كتبت بواسطة sokarah نسيت اكتب نصيحتي ان اهم شئ النفسية خصوصا قبل الاختبارات وايام الدوامات الطويلة اهتمو بنفسياتكم فرفشو لاتخلو السنة كانها جبل على قلوبكم وتاخذوها سنة حياة اوموت حلو انكم تهتمو بدروسكم اهتمو وذاكرو ولاتهملو بس بطريقة تخليكم تستمتعو بالمذاكرة ومتفائلين انوربي مايضيع تعبكم وكثرو من الدعاء في كل وقت خصوصا في رمضان ادعو انوربي يعطيكم الي تبغوه ادعو ربي يسهلكم هذي سنة وتدخلو تخصصاتكم الي تحبوهافي حاجة حلوة انصحكم تراجعو الي ذاكرتوه مع اصحابكم في البريكات الي مافهمتوه اسالو الدكاترة موعلى طول ملخصات تاخذو المعلومة من مصدرها افضل ومنها يقلكم هل هيا مهمة اولاوكمان في طريقة حلوة تسالو دكاترة خصوصا في المواد الصعبة وفيها تمارين طويلة ايش الاشياء المهمة في كل درس في دكاترة يكونو متعاونين جدا ويقلولكم اش الاشياء المهمة ولاتغيوبو حتى لوالماده سهلة لانو يكمن تحتاجو هذي الايام في نهاية الترم وكمان بتروح عليكم اشياء مهمة في الدرس ماتنعاد مرة ثانية ربي يوفقك ويسهلك وتصير مهندس قد الدنيا

مشكورهـ ع النصيحه ... ويعطيكي العافيه

المشاركة الأصلية كتبت بواسطة r_d موضوع جميل و حبيت أدلي بدلوي و أعطيك اللي عندي !!! انا بقولك وش اللي صار معايا .... كنت طالب زي زيكم متخرج من الثانوي و فرحان اني مسجل في الجامعة و منتظر اول يوم عشان اداوم فيه << الله لا يعيده من يوم المهم .... بداية الدوام كنت منتظم و ما اغيب و مسوي فيها لكن حاجة وحدة كانت ناقصة التعب هذا كلو اللي هيا المذاكرة .... و جات اختبارات الدوري الاول و قلت ان شاء الله ببدأ اذاكر قبلو بأسبوعين ... عدا اول اسبوع و انا مافكيت شي !! جا الاسبوع الثاني بدأ صوت في داخلي يلعب فيا و يقولي ... تقدر تلحق تذاكر قبل الاختبار بيوم اطلع فلها و ادشر !!! و انا طبقت الكلام ذا بس تعال شوف درجاتي في الدوري الاول .... فكرت اسحب من الجامعة وقتها بس ربك ستر وكملت الحمدلله !! نصيحتي لك انتا و كل طالب في دفعة 14 لا تهملوا دروسكم الين تتراكم عليكم لانو لمن يجيك وقت الاختبار و تشوف انو انتا ما فكيت شي صدقني حتتكاسل و ماحتقدر تذاكر و تفهم مزبوط !! وكمان نقطة مهمة ... بالنسبة للانجليزي انا لغتي كانت مش ولابد اطلع كنت وقت اختبار السبيكنق اتكلم انجليزي زي البنقالي لمن يجي يتكلم عربي << [color="rgb(255, 250, 205)"]الحمدلله عدى الانجليزي بخيره و شره [/color] فلا تقعد تفكر و تشيل هم اللغة صدقني حتعدي سهالات ان شاء الله !! وبالتوفيق لك و لكل طالب و طالبة في دفعة 14 و ان شاء الله تدخلوا التخصصات اللي في بالكم !!

طيب وأنقبلت في الهندسه ؟؟؟ < إن شاء الله إيوهـ

وحبيت أسألك كم أقل معدل انقبل في الهندسه !!

وانا شفت من الشروط لازم يكون في الرياضيات والانجليزي والفيزياء b وما فوق

طيب لو واحد لا قدر الله خبص في وحدهـ من دي ايش الوضع ؟؟؟؟

[~Me~]

عندي سؤال دحين الكافأهـ الاغلب يقول تستلموها بعد شهرين حنتسلم حق شهرين ولا حق شهر بس !!
يعني مثلاً درسنا شهر 11 و 12

حيعطونا 12 بس ! ولا 11 و 12 دفعه وحدهـ .؟

[لهيب الزهور]

المشاركة الأصلية كتبت بواسطة ~me~ عندي سؤال دحين الكافأهـ الاغلب يقول تستلموها بعد شهرين حنتسلم حق شهرين ولا حق شهر بس !! يعني مثلاً درسنا شهر 11 و 12 حيعطونا 12 بس ! ولا 11 و 12 دفعه وحدهـ .؟

ايوا المكآفأة تستلم بعد شهرين

بس راح تكون حقت الشهرين

وبعد كدا تنزل بانتظام شهر بشهر

بالتوفيق

[~Me~]

المشاركة الأصلية كتبت بواسطة لهيب الزهور ايوا المكآفأة تستلم بعد شهرين بس راح تكون حقت الشهرين وبعد كدا تنزل بانتظام شهر بشهر بالتوفيق

يعطيكي العافيا

ويوفقك الجميع إن شاء الله

نصيحه للي يعني يبغى يجمع فلوس يحاول يقنع ابوهـ يعطيه 500 ريال في الشهر ويقتصد ويعيش عليها اذا يستحي من ابوهـ << زيي

يكلم امه اذا يستحي من امه << زيي

يخلي ولد عمه يتكلم قدام ابوهـ يعني يقول واحد من العيال في الجامعه كان ابوه يعطيه 500 ريال كل شهر ويجمع مكافأته وصار معاه لما اتخرج 60 الف دحين لا يزعج ابوه لا في مهر ولا في سياره ولا فشي

ومن هذا القبيل يعني زبط نفسك

والمكافأه لا تصرف منها شي


انا حسبتها لو كل شهر الف ريال يعني السنه 12 الف

يعني 5 سنوات بـ 60 الف ريال


يعني مبلغ حلو مهر العروسه أو قيمة السيارهـ الجديدهـ

[R_D]

طيب وأنقبلت في الهندسه ؟؟؟ < إن شاء الله إيوهـ

وحبيت أسألك كم أقل معدل انقبل في الهندسه !!

وانا شفت من الشروط لازم يكون في الرياضيات والانجليزي والفيزياء b وما فوق

طيب لو واحد لا قدر الله خبص في وحدهـ من دي ايش الوضع ؟؟؟؟[/QUOTE]

ابشرك الحمدلله انقبلت بعد جهد جهيد !!
و طبعا شروط القبول في الهندسة يكون مجموع درجاتك في الانجليزي و الفيزياء و الرياضيات فوق 80
و عادي اذا خبصت انا مثلا جبت في الفيزياء 77 بس الرياضيات جبت 88 و الانجليزي 99 و 87 و الحمدلله قبلوني .. المهم اذا خبصت وحدة حاول ترفع الباقي ولا تحبط نفسك و تقول خلاص ما حنقبل اذا خبصت في دي المادة ...



اقل معدل كان في الجنوب ( الفرع الرئيسي ) : 86 و الشمال ( عسفان ) : 85 !! ان شاء الله اكون افدتك و الله يوفقك ان شاء الله

[رونــا]

موضوع اكثر من رائع ان شاء الله ربي يوفقكم يارب ويصلح حالكم ويعطيكم الي تتمنوه ويكون لكم شأن في هذي البلد وفخر لينا يارب
التحضيري شي سهل لو انك اول باول تذاكر وحاول تحسس نفسك انو عندك بكرا اختبار بهالمادة وذاكر ولا تهمل مادة وحدة حتى لو قالو لك سهلة مايحتاج تذاكرها خليها ليوم الاختبار ماعليك من احد الي هتتعبو ماهيروح ع الفاضي فشد حيلك في كل المواد لا تفضل مادة ع مادة
بالنسبة للانجليزي لا تشيل هم المدرسين اجانب و خليك بالكلاس تحاول تتكلم انجليزي واذا فاضي الحين شوف برامج مو مترجمة اخبار طبخ اي شي عود نفسك على الانجليزي وبتحس لغتك واستيعابك للغة افضل
الله يوفقك وان شاء الله ربي مايضيع تعبك بالتوفيق :)

[~Me~]

المشاركة الأصلية كتبت بواسطة r_d ابشرك الحمدلله انقبلت بعد جهد جهيد !! و طبعا شروط القبول في الهندسة يكون مجموع درجاتك في الانجليزي و الفيزياء و الرياضيات فوق 80 و عادي اذا خبصت انا مثلا جبت في الفيزياء 77 بس الرياضيات جبت 88 و الانجليزي 99 و 87 و الحمدلله قبلوني .. المهم اذا خبصت وحدة حاول ترفع الباقي ولا تحبط نفسك و تقول خلاص ما حنقبل اذا خبصت في دي المادة ... اقل معدل كان في الجنوب ( الفرع الرئيسي ) : 86 و الشمال ( عسفان ) : 85 !! ان شاء الله اكون افدتك و الله يوفقك ان شاء الله

يعطيك العافيه ... وافدتني كثير مو شويه


وإن شاء الله ما اخبص فشي

طيب كيف تنحسب النسبه انت تقول 86

الي انا اعرفو المعدل من 5 ولا في طريقه معينه !! كيف طريقة الحساب يعني 86 كم تساوي في المعدل !!

[~Me~]

المشاركة الأصلية كتبت بواسطة رونــا موضوع اكثر من رائع ان شاء الله ربي يوفقكم يارب ويصلح حالكم ويعطيكم الي تتمنوه ويكون لكم شأن في هذي البلد وفخر لينا يارب التحضيري شي سهل لو انك اول باول تذاكر وحاول تحسس نفسك انو عندك بكرا اختبار بهالمادة وذاكر ولا تهمل مادة وحدة حتى لو قالو لك سهلة مايحتاج تذاكرها خليها ليوم الاختبار ماعليك من احد الي هتتعبو ماهيروح ع الفاضي فشد حيلك في كل المواد لا تفضل مادة ع مادة بالنسبة للانجليزي لا تشيل هم المدرسين اجانب و خليك بالكلاس تحاول تتكلم انجليزي واذا فاضي الحين شوف برامج مو مترجمة اخبار طبخ اي شي عود نفسك على الانجليزي وبتحس لغتك واستيعابك للغة افضل الله يوفقك وان شاء الله ربي مايضيع تعبك بالتوفيق :)

إنتو الرائعين بالكلام الي تفيدونا فيه

أمين ويوفقكم ويعطيكم الي تتمنوه في الاشياء القادمه وتكونو إنتو السابقون ونحن اللاحقون ويكون لكم شأن في هذا البلد يا إلي انتو أكبر مننا وسبقتونا

يب شي مره مهم انو ما تفضل ماده ع ماده

يعني مثلاً في الثانوي كنت تكره الكيمياء وكدا ومدرسك فيها غثيييييث و من الي يرمي نكت ابو كلب وتسلكولو عشان الدرجات


خش الجامعه كأنك أول مره تدرس كيمياء خش كدا متمحس لكل المواد ماخد انبطاع كويس اخدع نفسك حتى الي سمعناه انو مدرسين الفيزياء في الجامعه تعبانين وكدا لا انت خش كدا كأنو المدرسين كلهم مزبوطين و مستوردين يمكن ياخي يعجبك المدرس وفجأه تحب الماده يعني خليك متفائل

يعطيكي العافيه اختي

[R_D]

المشاركة الأصلية كتبت بواسطة ~me~ يعطيك العافيه ... وافدتني كثير مو شويه وإن شاء الله ما اخبص فشي طيب كيف تنحسب النسبه انت تقول 86 الي انا اعرفو المعدل من 5 ولا في طريقه معينه !! كيف طريقة الحساب يعني 86 كم تساوي في المعدل !!

شوف فيه حاجة اسمها نسبة عامة و نسبة خاصة ... النسبة الخاصة هذي طريقة حساابها على حسب الكلية اللي انتا تباها فمثلا نحسب نسبة الطب الخاصة : يبغو مجموع درجاتك في الكيمياء و الاحياء و الفيزياء و الانجليزي و تضرب درجة كل مادة في عدد ساعاتها و تقسم على مجموع عدد الساعات في النهاية يبغو المجموع حقها يكون فوق 85 !! و حساب النسبة الخاصة لكلية الهندسة نفس الطريقة لكن المواد هي الفيزياء و الرياضيات و الانجليزي !


اما النسبة العامة و هي المعدل من 5 يتم حسابها بنفس طريقة النسبة الخاصة لكن هنا بتحسب جميع المواد كمهارات الاتصال و الحاسب و والاحصاء !!

ان شاء الله تكون الصورة اتضحت عندك و اكون وضحتلك مزبوط !!

[khalid al]

اهنيك على الموضوع بس مافهمت حاجه ههههههههههههههههههه