تجمع المستوى الثالث (المذاكره والمناقشات قبل الدوره )

[وريدي]

طيب وكيف حتسوو مع العربي والثقافه

[juda]

الثقافه والعربي مجهود شخصي لأنها معلومات ماهي جديده وسهلة بأذن الله محا تاخد وقت في استيعابها والللله يوفق الجمييع

[شهد الغلا]

المشاركة الأصلية كتبت بواسطة toofey السلام عليكم

المشاركة الأصلية كتبت بواسطة toofey بصراحة بدخل في الموضمع على طول انا امس اشتريت الكتب من مكتبة دار الهدى مصورة وتصويرها جدا واضح المهم اني لمن فتحت الكتب عشان اطلع عليها قبل لانام طبعا انصدمت وحسيت اني ضايعة في الانجليزي وماني فاهمة اي شي حتى ماعرفت افهم شي عن فكرة الكتاب والمواضيع اللي فيه او عن ايش يتكلم طبعا ما ابغى احبطكم مع الرغم اني ماخذه كورس انجليزي من سنة تقريبا ودرجاتي في التحضيري مرة ممتازة ياترى التخصص مرة صعب وليه انا شايفته كذا لدرجة جاتني افكار مجنونة باني اغيرتخصص اوانسحب وماقدرت انام بس الحين فكرت وابغى مساعدتكم ياليت تساعدوني عشان ابدا اذاكر ابغى اعرف عن ايش يتكلم كتاب الريدينق وكيف اقدر اذاكره بلييييز لكل اللي قرا الكتاب اوانهى مذاكرته دلوني للطريقة الصحيحة للمذاكرة الله ينجحكم لا تهملو موضوعي وساعدوني بردودكم

المشاركة الأصلية كتبت بواسطة ابو الاء السلام عليكم ورحمة الله وبركاته اختي الكريمة نفس الشعور انتابني عندما شاهدت الكتب للمرة الاولى ولكن الحمدلله تيسرت الامور انتي ابدأي بالترتيب هذا ريدنق- فوكابلري - رايتنق - ليسنق بالنسبة للريدنق ابداي من بترجمة كل كلمة جديدة عليك وحاولي ان تلونيها بالفسفوري واكتبي الترجمة عليها ومع المذاكرة والتقدم في الصفحات ستشعرين بانك تكتسبين مفردات جديدة اذا خلصتي من الشابتر الاول منها انتقلي على الفوكابلري وكذلك المواد الباقية اهم شيء ابعدي عنك وساوس الشيطان والله يكون في العون

تووفي مساء الخير

نفس الإحساس

انا كنت ادب انجليزي في كلية التربية

درست سنتين وماكملت
ولغتي تعتبر طيبة مو مرة ممتازة
في التحضيري جبت 100

ولما اشتريت الكتب وبدات اذاكر شفت نفسي ماني فاهمة ولا حرف
نفسيتي تعبت
ابغى احول ماني عارفة محتارة
ومرة متضايقة
ايش اسوي؟؟
كلمت معلمة مصرية تدرسني قالت الكتاب 1500 ريال
يعني 4 الااف الكتب كلها عشانك
مرةة كثير
انا 3 الااف الجامعة اتسلفتها من امي والين دحين مارجعتها
دلوني على حل
>>>اكتئاب نفسي شديد

[juda]

شهد الغلا ياعسوله انا كمان نفس الشي لمن شوفت المنهج انا اتوقعته شي مررررررره سهل ومررره مو زي الي اتوقعناه بس لمن بداءت اترجم كل كلمه اشوفها قدامي ما افهمها على طول اترجمها صح ياخد وقت بس عشان الكلمات بتتكرر معاكي كتير وفي كل مره حاتشوفيها فحايسهل عليكي ان شاء الله غير كدا وانتي بترجمي حاولي تحفظي الكلمه وانا صح لسااعي في الصفحة ال11 بس اهم شي تستوعبي كل كلمه وحسيت شويه بالراحه لمن بداءت افهم عن ايش يتكلمو
والللله يوفق الجميع ويسهل عليهم

[s.w]

اول حاجة بغيت ارد على الناس اللي تقول كيف اذاكر
الشغلة ومافيها ان الواحد يسمي بالله ويبدا يقرا ويترجم الكلام اللي مو فاهمة صح بيحس انو ضايع اكيد لانو ماهو عارف اش المهم والاهم عموما الواحد يقرا ويسوي اللي عليه ولمن تجي وقت الدورة يكون على بينه ويصير يسال دكتور المادة كيف الطريقة بالزبط واش الاشياء اللي نركز عليها والاشياء اللي قراها ومافهمها هذا من وجهة نظري ان الشغلة استعداد لوقت الدورة في كل المواد مو بس الانجلش يعني حتى في الثقافة والعربي يقرا ويشوف الكتاب عن ايش يتكلم وبعدين يستفسر مزبوط من الدكتور
اسفة ع الاطالة بس حبيت ارفع من معنوياتكم وماتخلو المذاكرة لووود عليكم

[toofey]

اختي شهد الغلا
انا كتبت موضوعي في المنتدى ولقيت ردود من الاعضاء مرة فائلتني وخصوصا من اللي في مستويات اعلى وقالو انها فترة وتتعودي ويسهل عليك الموضوع وطبعا كل شي في البداية صعب بس مع المحاولة تقدري تتمكني وخصوصا اننا بداية التخصص وزي ماقال احد الاخوان انه تخصص حلو ومطلوب للبنات
المهم انتي توكللي على الله وابدي معاي واعرفي ان الطريق احنا اخترناه ومافي رجعه ان شاء الله
انا حقول لك كيف بديت

[رورو]

حبيت أساهم معاكم ولو شوي هذا شابتر 2 من مادة الريدينق عملتُ بالسكنر وبعدين حولته لوورد
علشان اقدر انسخ منه واترجم هو صحيح مو كل الكلمات واضحه وبعضها ناقص لكن من باب المساعده
واتمنى تقبلُ مساهمتي

[أبو أحمد%]

للرفع

[الملاك الأبيض]

المشاركة الأصلية كتبت بواسطة juda مشكوووره ياعسل انا احا اتاكد من الحل حقي وان شاء الله يطلع صح بس الملف الورد مايشتغل عندي :( :( ليش !!

اخت جودا بالنسبة لملف الوورد يمكن مايفتح عشان انا النسخة اللي عندي من مايكروسفت اوفيس 2007 وانت يمكن نسخة 2003 عشان كذا ماتفتح معك .

على العموم انا نسخت الحل وجبته لكم واللي مافتح معاها الملف تتفضل وتشوف الحل :





انا راح ااكتب رقم التمرين والصفحة

واكتب كمان رقم السؤال والجواب تبعه اوكي :
تمرين 6 ص10-11
1- Dominant group
2- Minority group
3- Sociologiests
4-norm
5- characterristic
6- Repressed
الحين خلصنا التمرين الاول وبالنسبة للقطعة انتم ذاكروها واقروها وحاولوا تترجموا الكلمات بالديكشنري او من سياق الكلام اما الكلمات اللي تحتها خط فهي اهم من غيرها لانها هي اللي تتكرر معنا في خلال دراستنا فحاولوا ترجمتها في دفتر
إما الصفحات رقم 20 -21-22-23-24 هي عبارة عن تمرين على القطعه وكل كلمة موجودة تحفظوا تعريفها بالانقلش طبعا وتعطوا عليها مثال والتعاريف والامثلة كلها تطلعوها من القطعه
الحين تمرين 11ص29:
اختيار صح او غلط :
1- True
2- True
3- True
4- True
5- False
6- False
7- False
8- True
9- True
10- True
11- False
12- True
13- False
14- true

تمرين12 ص30-31 :
1-b
2-a
3- d
4- a
5- d

إما بالنسبة للاستراتيجية الموجودة ص31 فهذي ترجمتها للفائدة:
" كتابة الملخص بعد قراءة الريدينق يفيد في تلخيص ومعرفة النقاط الرئيسية التي وردت في القطعه الطويلة
والملخصات تستخدم عادة في الدرسات الاكاديمية لاغراض كثيرة .
من هذه الاغراض ان كتابة الملخصات تساعد على فهم وتذكر ماقراته بشكل اكبر ".

خلصنا الستراتيجية نيجي لتمرين 18 ص43 :
1- i
2- L
3- a
4- n
5- c
6- h
7- j
8- k
9- m
10- o
11- b
12- e
13- f
14- d
15- p
بصراحة هذا السؤال مش متاكدة من حله بس اتمنى نراجعه سوا .
التمرين رقم 23 ص 50 :
1- c
2- a
3- B
4- D
5- C
وبكذا نكون انتهينا من حل التمارين للفصل الأول في كتاب الريدينق ولله الحمد

وطبعا ابغى اذكركم بس انو ممكن يكون في اغلاط في حلي فالرجاء اليي يشوف أي غلط يرجع للموضوع حتى نناقشه سوا
والله ولي التوفيق .

[my-nana]

يابنات ياحلوات بجمع الحلول اللي هنا والشروح وبنقلها ع الموضوع الخاص بالشرح والحلول
شكرا لكل من ساهمت بالحلول او اي شي ثاني
/
بما ان الملاك الأبيض صديقتي الجديده فراح تكون مع