اخبار اقامه دورات للخريجين

[فراشه الجامعه]

بنوتات اتصلت وسالت قالت بنات كليه التربيه مافيه مشكله تحضروا محاضره بكره اللي هي قرارات مصيريه

لكن الثانيه لا


الدوره بكره فيها شهاده ياغلا وكلي حلا

احساس قلم اسفه نسيت لااسال لك انتي اتصلي عليهم بس انا متاكده انه يمديكي تاخدي الدورات دامك متخرجه من الجامعه

دعواتكم لي بالتوفيق في حياتي

[فراشه الجامعه]

هااااااااااااااااه بناااااااااات مين راحت الدوره

انا رحت كانت جدا ممتازه بس المشكله ماعملوا بريك للصلاة فاضطريت اخرج اصلي


بعدين اخر شي احسهم بسرعه مشوا الكلام يعني مافيه تنظيم
اهم شي اننا ااستفدينا على الاقل شوي

والشهادة تصدر بعد شهر

موفقين

[غلا وكلي حلا]

هلاااااااا فراشة الجامعه انا حضرت بصراحه جدا رائعه الدوره واستفدت منها كتيررررررررررر ايوه صح على قولك ماكانت منظمه بالمره بس والله شهر كثير

[ملامح خجل]

حتـــى أنــــا كمااان حضرت الدوره كانــت رآآئــعه


فراشة الجامعه حبيبتي


أنــا سألت عن بنـــات الكليه قالوا لي // عااادي يحضروا في كل الدورااات (( لأنه أخــتي حضرت معااي وقالت لهاا تعالي بس أهم شي تجيبي صوره من الوثيقه وتحضري قبل الدوره بيومين )) .....

الله يوفق الجميييع

[فراشه الجامعه]

هلا حبوباتي


دامكم حضرتوا كل وحده فيكم تكتب اللي استفادته من الدوره ذي خلونا نعمل ملخص للدوره دي عشان بكره لو سالونا ايش استفدتوا نقول لهم وعشان اللي ماحضروها يستفيدوا نبغى نحقق اكبر قدر ممكن من الافاده

خلونا نفيد ونستفيد اذا سمحتوا طبعا وبعد اذنكم


ملامح انا قالت لي بس الدوره حقت الثلاثاء يقدورا يحضروها والثانيه لا على العموم مشكوره علي المعلومه

ياشيخه ايش وراكي اصبري شهر ماانتي خسرانه شي بعدين انتي بتحضرين الباقيه يعني وانتي بتسجلي خذي شهادتك معاكي


انا راح ارتب الشي اللي كتبت في الدوره واحطه هنا باذن الله

وانتم كمان ياليت تحطوا اللي استفدتوووه

موفقين

[فراشه الجامعه]

ابدا اكتب لكم اللي استفدته من الدوره

اولا شي هناك قواعد عشان اقدر اخذ القرار المصيري واللي اولها اذا ارادكي لشي هيئكي له يعنى ربنا خلق كل وحده ويعرف قدرة تحملها وصبرها فاللي ابتلاها باعاقه او زوج قاسي او ...... الخ يعرف ربنا انك هذا قدراتك وتقدرى تتحملي هالشي عشان كذا ابتلاكي فيه اتمنى اكون بس وصلت المعلومه
فاللي تقدري تتحمليه انتي ماراح تقدر تتحمله وحده تانيه والعكس ماتقدري عليه
الثاني الرغبه والهمه فيه قرارات وحاجات كثيره تحتاج لقوة وهمه
بعدين انا خرجت للصلاه وجيت كتبت التالي

انه اذا كان هناك قرار فردي تبغى تاخذيه شوفي بالاول هل القرار هذا راح يتضرر شخص فيه والا لا ؟
اشووف نهايه هالقرار اللي باخذه هل اذا اخذته حيكون صح او لا فاذا كان هالقرار مايشاركني فيه احد واني اذا اخذته حيكون خير لي اخذه واتحمل نتيجه هالقرار ويكون على مسؤليتي

اما اذا كان هالقرار يشاركني اشخاص فيه هنا اتشاور مع هالاشخاص واخذ القرار بعدها
بعدين كتبت حيثيات اتخاذ القرار :
اولا اتخاذا القرار لايكتسب بالتعليم وانما اكثر بالممارسه والتجربه.
ثانيا اتخاذا القرار افضل من عدم اتخاذه
ثالثا ليس اتخاذ القرار مبنيا على العلم الشرعي فحسب.
رابعا اتخاذ القرار يحتاج الى عقليه متفتحه ومرنه.
خامسا ليس اتخاذ القرار هو نهايه المطاف بل في الحقيقه هو بدايته.

محاذير اتخاذ القرار
لاللمجاملات مااخذ قرار مجامله لشخص
لاللعواطف يعني مااتخذ قرار بناء على عاطفتي
لاللتردد والتراجع
للإذاعه والنشر يعنى فيه قرارات مااشارك احد فيها يعنى ماانشره ولااخبراحد فيها
لاللعجله مااستعجل في اتخاذي لاي قرار
طبعا فيه عوامل مؤثره على اتخاذ القرار منها العادات والتقاليد في المجتمع يعنى تبغين تدخلي مجال مثل الطب وانتي عارفه نظره المجتمع للفئه هذي ان فيه اختلاص و و و الخ

كمان المؤثرات الشخصيه _ والميول والطموحات

العوامل النفسيه اياكي ان تتاخذي أي قرار وانتي منفعله او في حاله نفسيه سيئه جدا هذا غلط

كمان مااخذ اكتر من قرار في وقت واحد

هذا اللي قدرت اجمعه من الدوره اللي عندي اشياء تانيه ياليت تقولها عشان ابغى استفيد اكتر بناات لاتفشلوني

[الإمبراطورة]

فراشه الجامعه

مررررة شُكرآآآآ

البنآت يمدحوآ فيهآ. واستفآدوآ منهآ..

كآن نفسي أحضرهآ.. ومآ شآء الله مآ قصرتي كتبتي المُلخص..

جـــــــميع الأنشطة المقـــــامة في الجامعة من هنـــــــــــــا ،،


...................
دُمتمـ سآلمينْ...
:)

[فراشه الجامعه]

بارك الله فيكي اختي

موفقه

[فراشه الجامعه]

ليش يابنااااات؟؟


زعلتوني

[غلا وكلي حلا]

ياهلا يافراشة الجامعه ماشاء اللله عليكي على قولتهم كفيتي ووفيتي عن نفسي مره استفدت كتييييييييير من الدوره وأهم شي إني أفكر بعقل قبل مأتخذ اي قرار سواء كان قرار مصيري او قرار عادي لأني صراحة كنت في الغالب متسرعه في إتخاذ قراراتي