بنات دراسات طفوله

[Rana Hesham]

طيب ذحين المستوى الثالث فيه 6 مواد وأنا إن شاء الله قررت أمشي ع الخطه <<تحمس نفسها وهيل لسه ماأنقبلت في القسم , بس 6 مواد مره كثيره عليه وأغلب مواد هذا المستوى ثقيله فحابه أحذف وحده ايش تنصحوني؟؟؟ ساكنه أفيديني ^_^

[روح الربيع]

^^
حتى أنا زيك ودي أمشي على الخطة لأن الكل نصحني أمشي عليها بس حاسة ستة مواد مرررة كثير ومحتارة أمشي عليها ولا لا !!! بس ان شاءالله باستخير والي فيه الخير الله ييسره وانتي كمان استخيري والله يوفقك =)

[ساكنه في بيتنا]

المشاركة الأصلية كتبت بواسطة r.h.m طيب ذحين المستوى الثالث فيه 6 مواد وأنا إن شاء الله قررت أمشي ع الخطه <<تحمس نفسها وهيل لسه ماأنقبلت في القسم , بس 6 مواد مره كثيره عليه وأغلب مواد هذا المستوى ثقيله فحابه أحذف وحده ايش تنصحوني؟؟؟ ساكنه أفيديني ^_^

خليني اراجع الخطه و اشوف المواد و اردلك ..

[ساكنه في بيتنا]

تحين دي المواد اللي مقرره عليكي ان شاء الله في المستوى التالت ..

طرق التدريس في رياض الأطفال
رياض الأطفال
علم النفس العام
أسس التغذية
إرشاد الطفل وتوجيهه
مراحل نمو الطفل


كل ماده من دي المواد فيها من المعلومات اللي لو راكمتيها و ما ذاكرتيها اول بأول وما انتبهتي للمحاضره ,, قولي على نفسك السلام ..

قلتلك قبل كدا موادنا مو صعبه في دراستها صعبه في كترت معلوماتها ..

فعشان كدا رتبي أمورك من بدري ,, لو بدك نصيحتي خلي الجدول نفسه بس نزلي مراحل نمو في المستوى الرابع و طلعي بدالها ثقافه لا عربي ,, عشان يخف عليكي الضغط و يكون كأنو عندك بس 5 مواد باعتبار انو العربي ولا الثقافه شي مفروغ منو ..


لأنو مراحل نمو مرررررررررررررره دسمه و كلامها كتييييييير ,, وما اعرف مع مين نازله و كفايه كليكي الحفظ اللي في باقي المواد ..

اشوف انو لو نزل في المستوى الرابع ما في مشكله لأنو مواد المستوى الرابع ان شاء الله اسهل و امتع ..


و في كل الأحوال استخيري ربنا و ربنا يكتبلك الخير ياااارب ,,

اي شي تاني نحن في الخدمه :) ..

[كرهك يالرياضيات]

هاااااااااااي بنات ساكنه في بيتنا ابغى اسالك انا معدلي 3.37 تتوقعي يقبلوني بيلزززززز ردي عليه

[ساكنه في بيتنا]

:)

ان شاء الله ليه لأ ..

لأنو هما يقبلوا من 3 وفوق ..

فإنتي قولي يارب , وربنا يكتبلك الخير لو كان في الطفوله ..

[Rana Hesham]

طيب ممكن تديني أسماء أستاذات ممتازات وأهم شي أسئلتهم تكون سهله مو كلها مقالي في هذي المواد ^_^
طرق التدريس في رياض الأطفال :
رياض الأطفال :
علم النفس العام : هيفاء هزازي << في غيرها ؟
أسس التغذية :
إرشاد الطفل وتوجيهه :
الثقافه الإسلاميه :

[ساكنه في بيتنا]

طرق التدريس في رياض الأطفال .. الماده دي بالزات اسئلتها لازم تكون مقاليه .. لو اخدتيها مع د. منال مديني .. ذ

الدكتوره مره عسل .. بس الماده تحسي ما تنفع معاها الا دي الأسئله ..

ما اعرف نازله مع مين تحين .

رياض الأطفال .. لو اخجتيها مع د. نهله حيكون احلى شي في العالم ..

اسئلتها صح و خطأ و اختاري ,, و آخر سؤالين بس مقالي .. تكلمي ولا صححي العباره ولا عللي سبب صحه العباره أو خطأها ..

علم النفس العام : ما اعرف و الله ا>ا احد يعطيها غير أ. هيفاء ..

أسس التغذية :البنات يقولوا هاله خطاب كويسه ,, اللي درستني مهي موجوده ..

إرشاد الطفل وتوجيهه + الثقافه الإسلاميه مااعرف نازله مع مين ..


ما عليكي انتي من الاستاذه دام انك تنتبهي للمحاضره و تكتبي معاها و تزاكري زي الناس اول بأول :) ..


ربنا يكتبلك الخير يارب ..

[Rana Hesham]

مشكووووووووووووووووووره والله يسعدك

[ساكنه في بيتنا]

العفو ,, و اياكي يارب :) ..