حملة تغيير الدوام للماجستير المسائي للتقنيات خاصة ولبقية التخصصات ان احببن

[سواحة مو مرتاحة]

عزيزتي منارة ما قدامك الا حلين

يا تاخذي استثنائي
يا تأجلي هذه السنة وما يحقلك تاجلي الا سنة وحدة بس اللين تشوفي ظروفك السنة الجاية

وربي ييسرلي وييسرلك

[اللاتقليدي]

مناره انا بجد نفس معاناتك
اليوم المديره لعبت فيا لعب
كل ملاكي عشره حصص
جدولي بالراحه يتدبر
كل اللي احتاجه منها ساعه قبل الدوام
نزلتلي جدولي كله اخيره
و قلت اخلص حصصي و انزل من مكه
لقيت الساعه صارت اتنين
و انا في وسط زحمة المدارس و لسه جوة مكه
لفيت و رجعت البيت
بجد اذا الشغله مو جايبه همها
و على اعصابنا و الاداره مو متعاونه
و مافي لا تعميم ولا قانون يساعدنا
فما اعرف اذا كان صح نقعد نصرف من اعصابنا ووقتنا على شي اصلا مو في ايدنا
احنا سعينا للموضوع بكل شي بس اكثر من كده اش راح نعمل
ما اقول غير الله يلهمنا الصواب
و حسبنا الله و نعم الوكيل

[عماد الحسن]

والله يا أخواتي موضوعكم هذا يمثل مشكلة .
وحسب ما فهمت إن عدد كبير من الطالبات يواجهوا صعوبة في الإنتظام على الدوام الحالي سواءً للطالبات من خارج جدة أو حتى المعلمات بمدينة جدة نفسها، ومن أسباب المشكلة هو الزحمة الشديدة في جدة وقت الظهر ، وخاصة حول الجامعة.
وأعتقد بأن الوضع لو استمر على هذه الحالة فسوف تقوم عدد من الطالبات بالإنسحاب من البرنامج وهذه الصورة يجب أن تصل في أسرع وقت للمسئولين لأن ذلك يضر الطالبات ويؤثر على البرنامج بشكل سلبي، وقد قمت بدوري بمقابلة عدد منهم قبل تخرجي من الماجستير في شهري شعبان ورمضان ، وكررت المقابلة مع سعادة عميد الكلية وسعادة عميد الدراسات العليا في يومي الثلاثاء 17/10 والأربعاء 18/10 لمناقشة عدد من الأمور ومن ضمنها موضوعكم هذا.

وحتى تتضح الصورة أكثر يجب أن يصل الموضوع للمسئولين من عدة جهات وهذا الأمر متروك لكم ولمن يرغب من أولياء الأمور،،، والله يكتب ما فيه الخير .
وكما ذكرت بعض الأخوات فإن السلامة وراحة البال هي أهم ما في الأمر ، وكان الله في عونكم.

[ورده رغم الاشواك]

لا لا لا لا لا لا لا لا لا لا للانسحااااااااااااااااااااااااااااااااااااااب

الله فوقنا ياناس اقوى من كل تحطيم مافي شي اسمه دعاء؟؟؟؟؟؟؟اذا قال كن فانه يكون رغم كل الظروف والعقبات فلنتجه اليه بالدعاء انا زيك يامناره على حافة التحطيم لكن اقاوم نفسي واملي في الله كبير

ومن رأيي نكلم الدكتورات نفسهم اذا يناسبهم او لا واليوم لاحظت البنات لهم رغبه بس مافي تحررررررررررك كلهم خرجو على طول بس بكره ان شاء الله نخطو افضل من اليوم

[اللاتقليدي]

انا بس بافكر ما ينفع انه الواحد يمشيها بالتسويات
لانه هذي دراسه مدتها قد تطول
و بالنسبه لوضعنا
تتكلمي مع المديره
و المديره تراعيك مره
و ما تراعيك مره
و تتكلمي مع الدكتورات
و ناس تراعي و ناس ما تراعي
و انتي استحاله فيزيائيا تكوني في مكانين في نفس الوقت
عدا عن الضغط العصبي و النفسي اللي حتعيشيه
و انتي تحاولي تسترضي الاداره و تاخذي موافقه من القسم
مااااا أعرف بس انا بجد اليوم حسيت انه الموضوع مره مره صعب
و قررت اني اروح اسحب ورقي
او على الاقل اوقف هذا الترم لحد ما الاقي ارض ثابته اوقف عليها
الله يسهل للجميع
و مره شكرا لكل الناس على الدعم

[جيتارا]

الله يعينك يامناره انتي والاخوات اللي نفس وضعك

عموما د/سعيده قالت لو جيتي 2 ح دخلك ع المحاضره مايمديكي تكوني خرجتي من المدرسه ووصلتي؟

وبرضو قفلتها وما أظن انها تغير رأيها ولا اتوقع الجامعه حتتزحزح عن انظمتها مهما عملتي

بالذات انو مافي تعاون ابدا من قبل البنات

طيب لازم يكون عندك خطه بديله

ليش ماتتكلمي مع موجهتك بشكل شخصي بينك وبينها وتحكي لها ظروفك عشان تساعدك انك تخرجي

قبل الدوام بساعه

واوعديها انها ما تتأثر حصصك

او تاخذي تفرغ او استثنائي اذا كان في نظام يسمح بالشيء هذا

او تدوري انتداب لمدرسه في جنوب جده منو تقربي ع الجامعه ويمكن ربي يحطك في مديره كويسه

او اذا زي ماقالت اليوم انو تقدم لنا الدوام ع 10 ممكن يعطوكي تفرغ لانه صباحي ؟

اذا كنتي متزوجه



في حل اخير صح مو قد كذا بس مضطره له

انك تحملي عشان تمشيها غياب واعذار من المستشفى مره للجامعه ومره للمدرسه والسنه الجايه رعايه مولود

ما أدري انا استنفذت افكاري ماعندي حلول غير كذا

الله يسهل لك ويعينك

[جيتارا]

الله يعينك يامناره انتي والاخوات اللي نفس وضعك

عموما د/سعيده قالت لو جيتي 2 ح دخلك ع المحاضره مايمديكي تكوني خرجتي من المدرسه ووصلتي؟

وبرضو قفلتها وما أظن انها تغير رأيها ولا اتوقع الجامعه حتتزحزح عن انظمتها مهما عملتي

بالذات انو مافي تعاون ابدا من قبل البنات

طيب لازم يكون عندك خطه بديله

ليش ماتتكلمي مع موجهتك بشكل شخصي بينك وبينها وتحكي لها ظروفك عشان تساعدك انك تخرجي

قبل الدوام بساعه

واوعديها انها ما تتأثر حصصك

او تاخذي تفرغ او استثنائي اذا كان في نظام يسمح بالشيء هذا

او تدوري انتداب لمدرسه في جنوب جده منو تقربي ع الجامعه ويمكن ربي يحطك في مديره كويسه

او اذا زي ماقالت اليوم انو تقدم لنا الدوام ع 10 ممكن يعطوكي تفرغ لانه صباحي ؟

اذا كنتي متزوجه



في حل اخير صح مو قد كذا بس مضطره له

انك تحملي عشان تمشيها غياب واعذار من المستشفى مره للجامعه ومره للمدرسه والسنه الجايه رعايه مولود

ما أدري انا استنفذت افكاري ماعندي حلول غير كذا

الله يسهل لك ويعينك

[موضي العريني]

المشاركة الأصلية كتبت بواسطة اللاتقليدي مناره انا بجد نفس معاناتك اليوم المديره لعبت فيا لعب كل ملاكي عشره حصص جدولي بالراحه يتدبر كل اللي احتاجه منها ساعه قبل الدوام نزلتلي جدولي كله اخيره و قلت اخلص حصصي و انزل من مكه لقيت الساعه صارت اتنين و انا في وسط زحمة المدارس و لسه جوة مكه لفيت و رجعت البيت بجد اذا الشغله مو جايبه همها و على اعصابنا و الاداره مو متعاونه و مافي لا تعميم ولا قانون يساعدنا فما اعرف اذا كان صح نقعد نصرف من اعصابنا ووقتنا على شي اصلا مو في ايدنا احنا سعينا للموضوع بكل شي بس اكثر من كده اش راح نعمل ما اقول غير الله يلهمنا الصواب و حسبنا الله و نعم الوكيل

هلا بالاتقليدي اليوم والله أفتقدك بس قلت أن شاء لله المانع خير

الله يعينك ويستخير لك الخيرة المباركة
والله تصدقي على أني بجدة بس أيش اليوم أستأذنت الساعة 12:20 وما وصلت إلا الساعة 1:35 عند بوابة الجامعة !!!
على أن دوامي على طول ينهي الساعة30: 1 الله يعين
الله يحلها من عنده

[eh_9199]

المشاركة الأصلية كتبت بواسطة جيتارا في حل اخير صح مو قد كذا بس مضطره له انك تحملي عشان تمشيها غياب واعذار من المستشفى مره للجامعه ومره للمدرسه والسنه الجايه رعايه مولود ما أدري انا استنفذت افكاري ماعندي حلول غير كذا الله يسهل لك ويعينك

حل ذكي يناسب بعض المتزوجات بس مدري كيف يكون التوقيت

[منـارة]

لا ماني متزوجة ولا ح أحمل لو كنت متزوجة تحايلا على النظام !

وكل الطرق الاخرى طرقتها بالفعل وما لقيت نتيجة

وما ينفع مررررة اقدم استثنائي ولا حتى اجازة دراسية .. فرزق عيالي اولى من الماستر صراحة ..

انا ماني يائسة يا وردة بالعكس ..

لكن مشكلتي في عدم توفر الوقت ولو انه كان عندي وقت كنت زنييييت عليهم زن لين ما يتغيير الوضع دا

وبعدين ماني فاهمة حكاية الانسحاب دي كيف تكون ؟ يا ليت التوضيح !

لانه اللي فهمته انه تأجيل القبول - غير التأجيل كطالبة ترم أو سنة اذا يسمح - غير الانسحاب
واظن تأجيل القبول غير متاح الان لانتهاء وقته وعندها يكون رقمي الجامعي لغيري

سؤالي : هل تأجيل الترم او السنة يكون بعد اصدار بطاقتي الجامعية ؟؟
وكثر التأجيل ( اظن لحد 3 اترام طوال دراستي في الجامعة صح ) هل يؤثر سلبا علي ؟
والانسحاب الكلي اللي يفقد قبولي في الجامعة ...هل سيؤثر علي في التقديم مستقبلا للجامعة ؟

يا ليت ألاقي من الاخوة الكرام رد للاستفسارات دي..
عشان نعرف بالضبط اش النظام في حال احتياجنا للتأجيل ك حل أخير ..

عودة للحلول ...

انا ماعندي ولي أمر ينفع يدخل للمدير .. فأخويا صغير ..
فمييين من البنات تقدر تقنع ولي امرها ؟؟

يكفينا اتنين ثلاثة ..

عشان نرتب دخولهم مع بعض ..

رجاء كل وحدة قالت ظروفها صعبة أو ما تسمح تكلم ولي امرها فووورا !