مفيد لكل طلاب وطالبات الآداب

[سمووي 1989]

سلآم يآ شعب ..

د / سعيد علي سعيد آل الاصلع كيف وضعه جيد ولآ !

والله طحت في كم دكتور اسامي صعبه ونكات جيدهـ !

[نبض حياة!]

nour al3mr
الله يكتب لك اجر كل حرف كتبتيه و أستفاد منه غيرك
الله يجزاك خييييييير ويوفقك

[a7la_lolo]

احم احم وخرووووووووووووووو

انا جيت

نبض الحياه قالت وين بنات الاعلام


يلا نبدأ

السمستر الاول
1- اللغه العربيه .. استاذه سويل.. سبق الحديث عنها زي ماقالوا البنات
2-انقليزي1.. وحده تونسيه اعتقد اسمها نجلاء ماتفهم ولا تدري ربي وين حاطها بس عادي ممشين حالنا معاها

3-مهارات اتصال.. دكتوره رباب الجمال جدا عسسسل وحبيت ادخل اعلام عشانها قمة في الروعه بس انها مو منتظمه وتخسف كمان بالدرجات بس حاولي انك تخشي معاها عرض يعني تصاحبيها لانها مره عسل

حاسب الي .. نسيت اسمها اعتقد خلود الازوري .. ابدا مره لأأ وكفايه كدا
ثقافه 1.. والله نسيت قبل 3 سنين مو يحقللي انسى

خلاص ولا لسا باقي مواد؟؟


المهم


السمستر التاني:_

لغه عربيه 2.. عزه الغامدي مفهييه ولاداريه ربي وين حاطها بس تخاصم في البنات كأنها تدرس خامس ابتدائي بس الماده سهله

انقليزي2:_ اسمها هديل شيخ جايه من امريكا وكل المحاضره ايش كان في امريكا وايش سوت وعيالها مدري ايش فيهم وزوجها مدري ايش قال تجيب سيرة اهل البيت كلهم مستحيل تديك محاضره بدون ماتقولك سالفه عن اهلها بس الماده مافيها شي مشينا فيها

انترنت وبحث علمي:_ اسمها امممم نسيت بس الله لايسامحها لادنيا ولا اخره كانت تبغى مننا تكليف وسويته وجبته لها اخر اسبوع في التسليم وماكان في محاضرات رحت مكتبها مالقيتها حطيته ع المكتب وقلت للاستاذه الثانيه قوليلها اني جيت وهذا تكليفي يوم الاختبار بعد ماطلعت من القاعه قابلتها قلتللها استاذه وصلك التكليف قالت ايوه

وتنزل الدرجات الاقيf واروح اراجعها قالت ماعندك 20 درجه حقت التكليف ماوصلني
وسالفه طويله عريضه بس خلاص انتهى الموضوع < < اذا افتكرت اسمها ارجع اقوللكم

احصاء .. كنت ناسيه اسم الدكتوره وقعدت اقرا الردود امكن يمر عليا الاسم الا لقيت شطوره كاتبه مرفت افتكرتها فعلا زي ماقلتي حاسه انها مو عارفه توصل المعلومه بس اخدت معاها a ماكنت مصدقه بس فهمتني تماااااااااااااااام

ثقافه اسلاميه .. تهاني رجب؟؟ اذا جات الاحد ماتجي الثلوث واذا جات الثلوث ماتجي الاحد بس ماعندها تكاليف احفظي سوره من القران هي تحددها مع تفسير ومعاني كلمات وانتهى الموضوع ولاسئله طبعا موحده

نجي للسمستر الثالث كان حفله

كانوا حاطيني لغه عربيه وحولت اعلام وماقبلوني غير ثاني اسبوع يعني قعدت اسبوع باللغه العربيه حدث ولا حرج كانت نقطه سودا في حياتي مابغى اتكلم عنها <<<؟؟

عشان كدا كانت خلاص الشعب مقفله

لقيت
رأي عام .. مع جيهان يسري جديه جدا ومنتظمه ودقيقه بس حلو اسلوبها ماعندها فوضى بس اسألتها صعبه مقاليه اتوقعي ممكن تجيبلكم 4 - 5 اسئله مقاليه ودشششش وكلام كتير وتكاليفها كمان صعبه بس الحلو فيها انها تديكي حاجه تستفيدي مننها يعني مو تديكي تكليف كوبي وبيست وانتهى الموضوع لا تستفيدي انتي في حياتك بالذات الاعلاميه << احلى يااعلاميه

اقناع.. مع دكتوره رباب كانت الماده عايمه على بعضها لانو ماكان في مقرر دراسي كان كتاب عام لعامة الناس ندرس فيه ولاسئله صدمتنا في النهائي بس يلا اتعودنا عليها اهم حاجه طيوبه

ثقافه3..فاطمه الجلسي .. مرره لا,, اسلوبها مو تمام ماعندها اسلوب تتعامل فيه مع البنات ,, الاسئله طبعا موحده

واخدت ماده حره علم نفس اجتماعي مع دكتوره زيزي السيد كانت رهيبه بس الماده صعبه شوي وتكاليفها كمان صعبه بس اسألتها سهله

<< تعبت

السمستر الرابع

مدخل وسائل اعلام .. جيهان يسري سبق ذكرها
اعلام سعودي وتشريعاته .. رباب الجمال سبق ذكرها
خبر في وسائل الاعلام.. د.رباب ......
الثقافه 4.. منال باجابر مرررره عسل الادميه دي الله يسعدها ويوفقها دنيا واخره وطبعا الاسئله موحده
واخدت ماده حره مع استاذه اثار مليباري كانت قمة في الروعه ولاخلاق والحلو فيها انها متفهمه للبنات امكن عشان عمرها قريب من اعمارهم مادري بس كانت تقول ماحأعطيكم تكليف وتعب انا كنت طالبه زيكم واعرف شعوركم في كل حاجه كانت تقوللنا كدا

وبعدين كملت معانا د. اسمها سناء سالم جديده السمستر اللي فات جات من مصر برضو هي مره حبوبه وياعيني عليها غلبانه مره عسل واسألتها برضو حلوه تسأل البنات تقوللهم ايش تبغوا اسأله

وبس والسمستر الخامس لسا مادرستو بس المواد اللي نزلتلي

اعلام عربي واسلامي.. جيهان يسري
نظريات اتصال.. جيهان يسري

اعلام دولي.. مادري مين

قضايا اعلاميه معاصره.. حنان آشي

نصوص اعلاميه باللغه الانقليزيه.. حنان آشي

وبس اللي معايا تقوللي

وإن شاء الله اكون افدتكم

تقبلوا مروري

[نبض حياة!]

^
أمووت انا عالاعلاميات الخطيرات *_^
تشكرات يا حلوة كفيتي و وفيتي
الله يجزاك خير على كل حرف كتبتيه ..

[الشوق الجارح]

بصراااااااااااااااااااحه موضوع رائع وياليت يتثبت ..

انا بصراحه انتساب ..ما اتوقع افيدكم في شي ..

بس وين بنات علم الأجتماع يفيدونا ..

[نبض حياة!]

تسلمي يا شوق
كلك ذوق
وإن شاء الله التثبيت يجي من فوق :)