العياده النفسية لضحايا السنه التحضيرية (( خطة أ و ب ))

saSOti · #1 25-01-2011, 02:00 PM

هادي حالتي وحالة كتير من البنات بس بإذن الله بإذن الله حشد حيلي الترم الجي وأكون متفائله اني راح اجيب مو بس 5 الا 10 كمان بإذن الله ... ومشكوره ع الموضوع ياسحر البيان الله لا يحرمنا من امثالك يارب

HaMo0ody · 25-01-2011, 02:08 PM

أول شئ حاب أثني على الموضوع الرائع صراحتا والمثمر ما شاء الله عليكي يادكتورة دايما تجي في وقتك,.,.كعادتك طبعا,.,.وما ودي أكثر في هذ1 الشئ لآن الكل متفق عليه ولو جلست أكتب يمكن بيخلص اليوم وما وفيتك,.,.

وثاني شئ أنا بتكلم عن نفسي وعن وضع أكثر الشباب إلي يدرسوا معايا يعني بجيب حقايق وترى راح أطووول وهذ1 إعتذ1ر من البدايه عشان لا أشيل همه بعدين,.,.

تدرون وين المشكله, المشكله ماهي في دكتور ولا في ماده ولا في شرح ولا في صعوبه ولا شئ المشكله فينا >>ووأظن إن إلي جالس يقرأ راح يقول مو قديمه كل شوي بنسمعها,.,.

طيب أنا أظن من كثر مايسمعوها الناس ويقروها خلاص معد صارت تأثر فيهم وأنا جاي وبحاول أحلل أغلب المشاكل,.,.إلي الطلاب(سواء بنات أو أولاد),..

طبعا تحصلي بداية الترم الكل يسعى وراء التغير وما شاء الله تنافس ملحوظ على الصفوف الأوله شئ مو طبيعي وكلهم حماس وجد وإجتهاد,.بعد أول عتبه أو خلينا نقول أول أإختبار يمكن 50% من الحماس والمثابره تحصله تبخر وين راح ما تدري,.طبعا البعض يقول جلست وذاكرت وكتبت وحليت وبرضه الدرجه ضعيفه طيب هذ1 يعني إنك تستلم وخلاص مع أول إختبار,.!!!!!طيب لو سويت إلي في بالك وبدأت مسلسل لميس,.,.خخخخخخخ’,,.أمزح أقصد مسلسل الغيابات والتأخير ولا مبالاه يعني راح تحصل شئ أحسن من إلي أخذته لا والله مستحيل وبعيد عنك,.,أما لو أتخذت الإجراء الثاني وعرفت غلطك وإنك كنت مقصر وهذ1 شئ أكيد لآنه لو ما كنت مقصر ما كنت أخذت الدرجه السيئه إلي تقول عنها بالعكس أانا ما أعتبرها سيئه بقدر ما هي جيده ليش,.؟,.؟لأنها عطتك كف وصحتك من نووومك وخلتك تتنبه إنك يا فلان الفلان والله يبالك كمان مجهود أكثر يعني تشتغل أكثر مو تسحب نفسك من البدايه وتستلم,.,.وصدقني لو سويت هالشئ ومشيت عليه وتنبهت لغلطك صدقني راح تدخل الإختبار الثاني وإنت واثق من نفسك وصدقني ما راح ياخذ الإختبار وقت معك وما راح تصدق إنو هذ1 إختبار وراح تندم لأنك ما أديت في الإختبار الأول (مع العلم إن مستوى الأسئله واحد بس التغير كان منك مو من الأسئله)ولو أستمريت على نفس الرتن راح بإذن الله تحصل شئ فوق 4,.

في نقطه قريتها لأكثر من وحده إلي هيا الدكتوره أو الدكتور ما أقدر أفهم منه أو ما يعرف يشرح طيب هذ1 المشكله سهله ولها أكثر من حل وش راح تسوي طيب لو هذه الدكتور من 15 سنه وهي على نفس الحاله على قولت الدكتوره سحر يعني عنادك وتذمرك ما راح يغير فيه شئ يقد ماراح يضرك إنت على قدام طيب الحل بسيط حاولي تغيري الشعبه لو تقدري لآن أكثر الدكاترة ما يهتمون في الغياب والتحضير-طيب نفرض ما تعرف تشرح وتحضر كمان- طيب دامك جالسه جالسه في المحاضره يعني حاولي تلقطي ولو معلومه حرام تدخلي شئ ومغصوبه عليه وفي الأخير تخرجي منه بصفر طيب بعد لمن تنتهي شيكي عند صحباتك هل عندهم كلاس في وقت البريك بتاعك ودكتورتهم طيبه أحضري معاهم وما أظن إن في أحد من الدكاترة يرفض أحد يدخل عنده طيب لو فرضنا ما أنحلت المشكله خلاص نجلس ما نسوي ولا شئ زي ما إحنا عشان نرسب ونلوم في الأخير الدكتورة لآنها ما تشرح في حل كمان أمسكي الكتاب المسكين إلي شارينه بالسعر الفلاني وباقي جديد على الرف حولي تترجمي منه وتذاكري منه طبعا الكل را يقول لا صعب إنجليزي ما أفهم منه طيب في البدايه صح راح تتعبي بس والله ما يمر أسبوعين إلا وإنت متمكن وتفهم منه الحمد لله حنا عندنا الوسائل إلي تساعدنا وتحفظ وقتنا من قواميس ولابتوبات وغيرها كثير ولا تخيلوا إنكم زي زمان القاموس كتاب ويالله أجلس دور على معنا الكلمه بين الكلمات وأجلس في الصفحه ساعه أو أكثر بس ترجمه كيف راح يكون وضعك,.؟,.؟.؟
أحمد الله وحاولوا تستغلوا الأشياء إلي توفرت لنا ولله الحمد ونقدر من خلالها نخرج المعلومه بكبسة زر,.,.نرجع لموضوعنا لو ما نفع الكتاب معك عندك الملخصات ويا كثرها في المكاتب والمكتبات روحوا لها ترى أكثرها توصل المعلومه بشكل يعني أسهل من الكتاب لآنه مترجمه,.,
وبكذ1 صدقوني راح تجيبوا درجات حلوه مرره أنا كل إلي كتبته هنا جربته والحمد جاب نتيجه معي أنا غيرت كلاس وأطريت إني أغير السكشن تبعي وأحضر كل يوم من 8 كله عشان الكيمياء لآن مدرسها ما كنت أفهم عليه طبعا هذ1 كله صار حبي(يعني بدون ما أكلم لا عمادة ولا شئ أنا من نفسي أشتغلت وغيرت وطلعت ونزلت)والحمد لله زبط الوضع,.,.

بس والله المحزن الدكتور إلي كنت عنده زي الللوز يفهم ويشرح ويقطع نفسه وهو من كثر طيبته ما يرد أحد يسأله لو كان إش لدرجة إنه يعيد المسأله مو مرة أو مرتين أربع مرررات وغير كلاسات المراجعه ومع هذ1 كله تحصل الشعب يتكلموا في الصفوف الخلفيه ولا همهم وتعال يوم الدرجات تحصل الواحد لمن يسمع درجته يخرج بكل وقاحه ومسوي زعلان ويقل الباب وراه ويفصفه ليه,.,.,.؟.؟؟؟ مو هذ1 إلي إنت جنيته على نفسك وتستاهله,.,.؟؟؟

أستغرب صراحتا من الناس إلي يقولون الوقت ما يكفي الوقت أنا ما أنكر إنه عامل ممكن يستخدموه ضدنا بس يمكديكم تتغلبوا عليه بالتمارين المكثفه الحمد لله ما قيد مر علي نص الوقت وأنا مو مخلص,.,.
يعني ترى كل مشكله ولها حل وأبشركم هذا الشئ إلي كتبته مو من فراغ لا والله كنت ماشي عليه والحمد لله معدلي الحين فوق 4.5 ولله الحمد يعني أشتغلوا على نفسكم ولا تضيعوا نفسكم وترى كل مشكله ولها حل وماراح تحتاجوا لا مدرس خصوصي ولا شئ كل المسأله مسألة تعب شوي رواح تحصلوه لمن تطلع درجاتكم وراح تذوقوا طعمه صح,.,.

وآآآآسف يادكتورة على الإطاله والإنبراشه أدري إني طولت بس أنا مالي دخل قلتلك في البدايه إني بطول,.,.خخخخخخ

على العموم هذ1 إلي كان في بالي وإن شاء الله الكل يحاول يعدل من نفسه ويصحح من أغلاطه ولا يبقى يراوح في مكانه تحركوا سوى ترى هذ1 مستقبلكم مو مستقبل الدكتور إلي ما يعرف يشرح وغيره فكروا بعقلانيه وصدقوني إنكم تقدروا زي ما أنا قدرت وغير إنتو كمان تقدروا,.,.

وآآسف مره ثانيه على الإطاله ويالله عن إذنك أتركم مع الدكتورة وراح أكون بالجوار دايما,.,.

بالتوفيق للجميع,.,.,.

سندس الخريف · 25-01-2011, 02:15 PM

السلآم عليكم ..

جذبني الموضوع .. ولمن شفته بااسم سحر البيان عرفت انوه في فايده ..
انآ ولله الحمد ماعندي صعوبه في الدروس وفهمها .. مشكلتي ادخل الاختبار مااعرف استخدم القوانين
واكون متذكره قانون قانون..
والحمدالله كان في الكيمياء عندنا دكتوره مرا تشرح مزبوط ..

الحمدالله على كل حال

.
.
.
متآبعه يادكتورتنا..

سحر البيان · 25-01-2011, 02:15 PM

أنقطع النت رجعت لكم ثاني ....

طبعا شايفة عندكم شكاوي كثير ... فضفضوا براحتكم

بس بدون تجريح .... أن شاء الله أقرأ ردودكم كلها ... بس اكمل معاكم دامكم متحمسين

و الحقيقة لا تلوموا الدكاتره .... لان في أشياء بديهية تكون معروفه عندكم

و أنتم شايفين المنهج طويل

زائد أنه ساعات الشرح الكثير أو الملاحظات الكثيره ما تكون بمصلحة الطالب لانه تفقده التركيز ....

لو لاحظتوا أنه في السؤال الاول ... من المعادله العامه للغازات .... طلعنا أربع معادلات كل معادله ساعدتنا في حل أو معرفة أحد المتغيرات .....

كثير من مواضيع الكيمياء و الفيزياء ما تخرج عن هذه الفكره ..

мαѕooяy · 25-01-2011, 02:19 PM

^^
كلامك كله صحيح ...

الله يوفقك ويسعدكـ ... //
يآريت كل الطلاب والطالبات يكونوآ فآهمين التكنيكآت اللي في الجامعه

سحر البيان · 25-01-2011, 02:22 PM

السؤال الثالث .....

لو طلبت منكم من المعادلات السابقة توجدوا ... المولار ماس ( الكتلة الجزيئية) لاي ماده ...

أعطوني المعادله ..... لو عرفتوا ترتبوها .... أحسن و أحسن

لخطة أ ( خطة ب ) لا تشوفوا ههههه

عدد المولات يساوي = الكتلة على المولار ماس ( ترجمته بالعربي الكتلة الجزيئية) نقرتين لعرض الصورة في صفحة مستقلة