.·`¯ـ ¯`·.ღ قروب طالبات نظم المعلومات الاداريــ m!s ــة (لآستفساراتكم وتفاعلكم)ღ.·`¯

[m!ss dana]

بنات بسآلكم عن مادة اقتصاد دولي.. نظري او عملي

ميين افضل استاذه؟؟ وايش هي كتاب او سلايدات؟؟

[اسيرة الشوق]

المشاركة الأصلية كتبت بواسطة m!ss dana بنات بسآلكم عن مادة اقتصاد دولي.. نظري او عملي ميين افضل استاذه؟؟ وايش هي كتاب او سلايدات؟؟

السلام عليكم

انا اخد اقتصاد دولي مع استادة ايمان حسن ومره كان تمام هي الماده وسط بين فهم وتمارين وحفظ شرحها حلو و كنا نكتب وراها كل شي وفي اشياء سلايدات وهي ما تقصر تعطينا اش المهم واسئلتها واضحه و في تكاليف بس سهله

بالتوفيق

[naughty girl]

حابه اسأل عن لغات برمجه كيف الماده ومع مين ,, وتجاره الكترونيه كيف نظامها ,, ونظم معلومات بالانجلش ؟
بالنسبه لادارة عمليات خديجه ولا رجاء باهرمز الافضل؟

[عاشقة الندى]

مين اخدت ادارة مشآآريع مع أمل تركستاني ...؟

انا متخوفه منها ..
بس وقتها منآآسب اكتر من خديجه ..

[نجمة ليل]

أنا أخذت مع أمل سمعت انهم يقولو احسن من خديجة

[عاشقة الندى]

مشكورة قلبو نجمة ليل توكلت على الله واخدت معاها ..

طيب بنات ايش افضل كمادة حرة ..
سيرة نبوية .. أو .. علم نفس اجتماعي ..
أية الآسهل ومع مين ..؟

[اسيرة الشوق]

مساء الخير

بنات ما رديتو على بحث وتدريب؟؟؟؟

[غـنـى]

المشاركة الأصلية كتبت بواسطة m!ss dana بنات بسآلكم عن مادة اقتصاد دولي.. نظري او عملي ميين افضل استاذه؟؟ وايش هي كتاب او سلايدات؟؟

اقتصاد دولي خديها مع ايمان حسن لو لبنى ابو العلا احذفيها احسن لانها مو كويسة فيها

والماده صعوبتها متوسطة يعني تنفع اختياري واصلا دكتورة ايمان مراعية انو كتير اخدينها اختياري

وتدي بونس ماشاء الله عليها و شرحها تمام

بالتوفيق

[غـنـى]

المشاركة الأصلية كتبت بواسطة naughty girl حابه اسأل عن لغات برمجه كيف الماده ومع مين ,, وتجاره الكترونيه كيف نظامها ,, ونظم معلومات بالانجلش ؟ بالنسبه لادارة عمليات خديجه ولا رجاء باهرمز الافضل؟

لغات برمجة كلها على برنامج فيجوال بسيك انا ان شاء الله حاخدها ده الترم

تجارة الكترونية اخدتها مع عبد الله باسهل مهي صعبة المذاكرة من سلايدات المشكلة بس في التكليف حقها قروبات و تعملو مشروع جماعي يخص التجارة الالكترونية واسئلتو مو صعبة بالعكس
.. امم بس ماحستو اداني حقي والله اعلم

ادارة عمليات اخدتها مع خديجة كاانت عسل .. بس مدري اشبها الادمية متغيرة ما انصحك فيها
صايرة اسئلتها صعبة وتعاملها سيء اخدت معاها مشاريع صغيرة طلعت عيني

واستخيري و بالتوفيق

[غـنـى]

المشاركة الأصلية كتبت بواسطة عاشقة الندى مين اخدت ادارة مشآآريع مع أمل تركستاني ...؟ انا متخوفه منها .. بس وقتها منآآسب اكتر من خديجه ..

مراااا لالالا ما انصحك بخديجة اسئلتها صصعبة انا اخدت ادارة مشاريع معاها

وامل يناسو عليها كويسة وتدي بونس

بالتوفيق