(تجمع طالبـــــــات المستوى{5-6}--لنقل اخبار الدورة التاهيلية )

[i still feel ya]

^^
مرحبتين ياعسل..
بالنسبه للسينتاكس..هو مع د/منال التاودي..
بصراحا المنهج حلو لزيزممتع..بجد زي ما هيا بتقول كانو رياضيات بمجرد ما تفهمي القاعدا اعتبري نفسك عديتيه وبأمتياز..
طبعا هو 6 فصول وكولها داخله معانا
اليوم البنات دخلو في نقاش معاها انو الاختبارات قربت ومافي وقت واحزفيلنا وكدا..
فقالت جايتلنا لسته طويله عريضه ممنوع نحزف نلخص نننننننن اشياء كتير ...

[ام حمدان]

lane332 صوتيات
عادت تقريبا نفس كلام المحاضره الي فاتت ونفس النقاط الي قلتها في ردي السابق وركزت على الكلام الموجود في الصفحات هذي
من ص43-48
اقروه وافهموه

وماااعطتنا شي جديد ومادخلنا في الرولز --ماادري بس متى نخلص هالماده :(

وركزت كمان على الsyllable
onset-coda-rhtyme-
زي الي اخذناه في اللينقوستك في باب الفونولجي
رجعت شرحته عالسريع
صراحه يبغالي ارجع لباب الفونولوجي+باب الفونيتكس في كتاب اللينغويتسك
لانه المنهج يعاملنا على اننا خلاص عارفين هالامور ومتاسسين فيها
فلازم ارجع اذاكرها حتى افهم الي استجد واضيف لها

وبس هذا اهم شي صار في محاضره اليوم

[ام حمدان]

lane331 مناهج بحث

كملنا اليوم شابتر3
وارسلت لكم الساليدات اليوم وهذا هو في المرفقات
والنقاط الي فيها هي فقط المطلوبه منكم في شابتر3 زي ما مس نجوى كاتبه في الايميل واقتبست كلامها تحت
يعني تقريبا من ص96-118 هو فقط المطلوب في شابتر 3 للامتحان وماعداه اقروه للفهم ولنفسكم
وهذا نص ردها

This part of the chapter will be included in your final exam. Enjoy . Mrs. Nejwa Knight Al-Ghoraibi

بالتوفيق

[nour al3mr]

أسئلة مس ليلى هـآشم في الفونتكـس مافيها كتـآبة بالشرح

على الأغلب تكون ترانسكـربشن لكلمـــــآت ماتكون الكلمة كاملة فقط على كم صوت تحت تحطه خط في الكلمة ..

تجيب المصطلحـآات في بوكس وتحت مجموعة كبيرة من التعـآريف عددها اقل من المصطلحـآت وتختاري المصطلح المنـآسب أمام التعريف وتكتبيه بالفراغ ,..,

تجيب مجموعة كلمـــــآت وتختـآري ايش الكلمة اللي الفـآول صوته مختلف وتحطي على الكلمة دائرة أما صوت الفـآول المشترك بين باقي الكلمـآت تكتبيه بين قوسين

الديـآكرتكس ( diacritics ) وهي الرموز الصغيرة اللي توضع الفونولوجيكـآل بروسيس phonological process تعطيك الاسم وأنتِ تكتبي الرمز على حرف منـآسب
وموجود جدول في الكتـآب اعتقد بالرموز والأمثلة أعتقد نهاية الفصل الثـآني

الـرولز الموجودة في نهـآية الفصل الثـآلث جات في احد الاختبـآرات بالطريقة التـآلية

جابت جدول فيه مجموعة أمثلـــــة .. وتحت الجدول جميع الرولز
واختاري الرول المنـآسب أمام المثـــــــآل الذي طبق عليه الرولز

جابت مـرة رسمـــــة الـactive & passive organs
نكتب اجزاء الجهـآز الصوتي أمام الرقم المنـآسب

تجيب الصوت وتكتبي الفيتشرز أو العكس تجيب الفيتشرز وأنتِ تكتبي الرمز الصوتي

هذا بشكـل عام أغلب صيغ اسئلة مس ليلى وما افتكـر أنها غيرت عنهـآ أبداً

[الأمواج]

^^
نفس طريقة اسألتنا للإنتساب السيمستر الماضي..
بس انتبهوا انها ماراح تكون خيارات ..
كل الكلام اللي تقولوا في الكلاس جدا مهم ويجي في الاختبار..
موفقيين يارب..

[الأمواج]

الفيكشن..
راح نكمل اليوم الجزء الباقي من رواية الإقناع..
وأسأله عليها نجاوب معاها..
نبهت الأستاذه شادن ان الاختبار راح تركز على الفكرة اللي نكتبها مو على القواعد والإملاء صح عليها درجات بس قليلة جدا مو زي الفكرة العامة..
وتحب البنت تكون فاهمة كثير وملمة في الرواية كاملو وتفاصيلها..
نبهت ان ماراح تقدري تجاوبي غير لما تقراي كثير كثير كثير من عده مواقع..
وقالت لا مانع لدي انكم تقروا من قواعد البيانات الخاصه بموقع الجامعة..للاستزداه..
بالتوفيق..

[white rose]

الصرف -333
المحاضره الخامسه
واعتذر عن التأخير وبالتوفيق للجميع

[ام حمدان]

lane350 ترجمة

قرات لنا من ص 59 الى 67
وركزت على الكلمات المظلله بالاسود في هذي الصفحات وعلى ضروره حفظها ومعرفه ترجمتها لانها تقول الامتحان ماراح يخلو منها
وتقول في الامتحان راح تحاول تجيب لنا شي سهل إن شاء الله لكن لازم نثري حصيلتنا اللغويه حتى مانتعب في الترجمه وناخذ وقت في البحث في القاموس وقت الاختبار
وشددت على ضرورة قراءه الكتاب ومعرفه قواعد الترجمه منه وتقول راح تستفيدوا منه كثير لو قريتوه

وبعد كذا ترجمت معنا قطعه من انقلش لعربي سبق ونزلتها لكم لكن بدون ترجمتها ونزلتها الان مره ثانيه مع الترجمه
في المرفقات

وكمان اعطتنا قطعه جديده نترجمها من انقلش لعربي بس ماكلمت التجمه تبعها المحاضره الجايه نكملها وانزلها لكم مره وحده احسن إن شاء الله

بالنسبه للقواميس خلاص اليوم اعطتنا الخبر الاكيد انها مسموحه

اما القواميس الالكترونيه ممنوعه


بالتوفيق

[رؤى م.]

الابلايد مع د. خولة الــ 10 فصول معانا مو 6 يا بنات

[i still feel ya]

لااااا رؤى..بالله عليكي لاتقولي كدا...مو معقول والله...السمستر اللي فات بس6 ليه كدا اساسا مافي وقت
اش حصل في المحاظرا طيب انا اطريت اطلع مرا القولون موتني..