اليوم الوطني للعاطلين .إقتراح لابد ان يٌطبق ..

[عروقي شماليه]

المشاركة الأصلية كتبت بواسطة تلميذ منتسب 8 لا كلامي مو مثاليه يازمرده الله يحفظك لكن الخطأ لا يعالج بخطأ وهو المبدأ الذي بنيت عليه كلامي ولو اخذنا هذا من باب الانكار فنقول ان المنكر اذا ترتب على انكاره منكر اعظم منه فهو منكر نحاول فعلا الوزن بين الامور صحيح هناك شباب يبحثون عن عمل ولكن هل ايجاد العمل سيكون بعمل مظاهرة تخل بالامن انتي شايفه الوضع بالدول التي قامت بها مظاهرات كيف صار وضعها الان يازمرده نقول الحمد لله على نعمة الامن وان شاء الله الامور تتحسن وخاصه بعد صدور الاوامر الملكيه انا اعتقد ان هناك اناس تسعى لعمل المظاهرات لاشياء ليس لها صله بالوظائف ولا اقصد بذلك صاحبة هذا الموضوع وانما اولئك الناس يسعون لاستغلال حوائج الناس وتوظيفها في خدمه اهدافهم وسلامتكم

وش اللي خططآ..إنهم يطالبونً بحقوقهم تسميه خطاأ..بأي منططق..!؟


منتسب لحظه على مهلك..في ذمتك الذي تقولــه وكل حرف منـه..

نحن لم نقل مظآهره أو فوضى ولاشيء من هذا القبيل..أبدآ..


فقط كل شاب عاطل يحمل ملفه ويحتفل بـ(بطالته) في اليومً الوطنيً..


تكلم بعقلانيه وواقعيه ..لاتتكلم بمثاليه..تغطي ردودكً..

غريب أمرك..

[عروقي شماليه]

فااصل ..شويً..

صرآحتن أعجبني كثيرآ إفتتآح ( الخط الأخضر) اليوم في دبيً تحت قيآدة الشيخ: محمد بن راشد..

حيث حصل على شهادة موسوعة جينيس لأنه أطول مترو في العالم..كذلك لأنه بدون سائق..

واستقل الشيخ المترو ..مرورا بست عشرة محطه..للمترو..

ولوهلـه وبدون شعورً حينما وضع يده على الشاشه اللإليكترونيه لً يففتتح الاإنجـآز الهائل..

لاشعوريـآ :<قعدت أصفق لــه :))

موب داريً عنيً أكيدً لكن والله يعجبني الرجـآل المخلصين لخدمة مواطنيهم..

هو شيء عادي حاكمً يخدم مواطنين وهذا عمله أصلاً..

لكنيً صرت أستغرب هذي الأشياء لأني ما اشوفهـآ في واقعنا..

سوى مشاريعً طوى عليها صفحة النسيان..

وبعدين الشيخ : محمد يوم راح لسيارته كان شخص متواضع للغايه..

إستقل سيارته وذهب لوحده مع سائقه..ولا بشت ولا موكبً..

وذهبت سيارته بين بيوت عاديه للغايه..

شيء رائع وإنجاااز بشفافيه ووقت قياسي..

<متابعة أخبار العالم وخصوصا الاإمارات :))

[سكون الورد k.a.u]

المشاركة الأصلية كتبت بواسطة تلميذ منتسب 8 لا كلامي مو مثاليه يازمرده الله يحفظك لكن الخطأ لا يعالج بخطأ وهو المبدأ الذي بنيت عليه كلامي ولو اخذنا هذا من باب الانكار فنقول ان المنكر اذا ترتب على انكاره منكر اعظم منه فهو منكر نحاول فعلا الوزن بين الامور طيب شلون نعالج الخطأ برأيك ؟؟؟ مافي غير هالطريقه ، خطابات وارسلنا ، برقيات عاجله وتكبدنا سعر كل حرف بالبرقيه ، حاولوا الشباب يدخلون على الملك وطبعاً مافي أمل انك تشوفه غير بالحلم .. ويمكن مايجي بالحلم الا اذا كنت شيخ او مسئول كبير هههههههههه ونفس الشي بالنسبه للوظايف .. الشباب ذبحهم الجوع وذبحتهم رغبتهم بالزواج ، والبطاله دمرت مستقبلهم ، لو تشوفهم على الفيس شلون يشكون ماتصدق ان اللي يقول هالكلام شاب ؟؟ والله حالتهم تصعب على الكافر .. ولازم ياتلميـذ ننظر للحال العام .. يعني شف الوضع العام عندنا ؟؟ بطاله كاسحه الشعب كسح .. والأجانب مترأسين علينا بديرتنا !! انت ترضى يكون مرؤوسك هندي ولا غيرهـ وياخذ مبلغ وقدره وانت تطلع لك بـمبلغ زهيد حتى مايسمح لك البنك تاخذ قرض عليه ؟؟؟ وهو يآمر وينهي بديرتك ؟؟ قالوا : انتم ماانتم متعلمين وحنا اضطرينا نجيب الاجانب علشان نرتقي بالبلد !! هذا هم تعلموا .. يعني طيااااار يصير سواق لموزين ؟؟؟ ومهندس بترول يصير حارس أمن ؟؟؟؟ ياشيييييخين خااافوااا يوم تقشعر منه الابدان .. انا نفسي ان الله يمحي كل من تسبب بهالوضع المزري ، ليكونوا لغيرهم آيه صحيح هناك شباب يبحثون عن عمل ولكن هل ايجاد العمل سيكون بعمل مظاهرة تخل بالامن من قال انها مظاهره ؟؟؟ هي مسيرهـ محترمه هادئه بدل الاعلام شايلين علاقي اخضر فيه صورهـ من مؤهلاتهم ! انتي شايفه الوضع بالدول التي قامت بها مظاهرات كيف صار وضعها الان ماقلنا اننا مانبي حكم آل سعود ، او نبي نسقطهم من الحكم ؟؟ حنا قلنا يآل سعود وظفونا ترآنا شعبكم متعلمين وعاطلين ، ولا شاطرين تجيبون بدعايات السباكين والخياطين السعوديين ، وطالع الشاب ياقلبي عليه يقول : انا خياط سعودي وافتخر !!!!!! اي تفتخر ياشيخ اقعد بس !! يازمرده نقول الحمد لله على نعمة الامن وان شاء الله الامور تتحسن وخاصه بعد صدور الاوامر الملكيه هههههههههه ، صدقني جلدك مايحكه الا اظفرك .. اما تقعد وتقول ان شاء الله بعد الاوامر .. يتحسن الوضع !! معصي يتحسن .. منهو اصلاً راد على الاوامر ، انت شف التجار والوزراء ايش مسوين بالبلد ، هل الاوامر غيرت شي باستبدادهم بالبلد ؟؟ انا اعتقد ان هناك اناس تسعى لعمل المظاهرات لاشياء ليس لها صله بالوظائف ولا اقصد بذلك صاحبة هذا الموضوع وانما اولئك الناس يسعون لاستغلال حوائج الناس وتوظيفها في خدمه اهدافهم وسلامتكم

صدقني النآآآآس الحين مو هامها شي .. النآآآس جوعانين وعاطلين وحالتهم بالبلاااااا .. والاسعار كل مالها تطلع وتزيد .. والدوله تتفرج علينا .. وماهم شايلين هم غير سعر الشعير !!!
وش نبي بالشعير حنا يطلع سعره ولا ينزل ؟؟؟
>> لايسمعني ابوووي لانه يربي غنم والرآعي كل شوي يقوله الشعير ارتفع هههههههه

تلميــذ ، واللي يسلمك حط نفسك مكان الناااااس نفسك تتزوج وتتوظف بس ماانت قادر لانك ماانت موظف ..
انت يمكنك متزوج ومتوظف علشان كذا صعب تحس بالشباب اللي على الفيس وباقي المنتديات ..!

تحياتي لشخصك الكريم ، ومعليش تحملنا ^_^
دمتم بود

[عروقي شماليه]

المشاركة الأصلية كتبت بواسطة صقر الشمال هدوو ء كلاام الاخت عروقي شماليه كلام مافيه شي ابد مطالبه بحقها كــ مواطنه وهذا الامر تشكر عليه في بطاله والذي عايش بنعمه يحمدالله ويشكره عا نعمته ويدعي الي اخوانه وخواته التوفيق بالعمل والوظيفه- الدال عا الخير كفاعله مطالبه بحقوق شرعيه مافيها حرام وذكر عا سبيل المثال ماحصل للمعلمات في الشمال والكل يذكرها لما طالبوو خادم الحرمين بتعيينهم وتمت الموافقه عا ذلك ربي يطول بعمر الملك عبدالله اعطاهم ماطلبوو اعتقد كلاام اختي عروقي شماليه صح والمفترض نقف صف واحد معاها-- هذي وهي فتاه اين الشباب؟ امر غريب عجيب فتاه تطالب بحقوق الشباب ليس تقصير من شانها لاوالله لكن اين الشباب الم يكن لديك اخ او صديق عاطل وفي امس الحاجه للوظيفه اترك الجواب لمن ينام عا بساط الفقر الساكت عن الحق شيطان اخرس! عذرا عا الاطاله واتمني اسمع خبر عاجل توظيف الشباب في اسرع وقت مادام ملكنا عبدالله والخير من الله ثم بجهوده

صآدقً أخيً..

وفعلاآ كثير من النساء حصلن على حقوقهن في التوظيف..

وإن شاء الله باقي شبابنا وشابآتنآ..

لكنً شيء لاحظته هنـآ..

لاحظت أن اأغلبً المؤيدون هن غالبا فتيآت واعيـآت ومثقفـآت.وأششكرهن ...!

الشبااب..ليس فيهم أحد عآطل..؟!

تلك النسب واعدآد العاطلين تخص من.؟!

أبسط حقوقً العاطلينً..(وظيفه)..! فقط...!

ولو أننا تكلمنا عن باقي الحقوق.ً فإننا لن نحصيهاً..


أشكركً أخي على كلامك الوآفي..

جزآك الله ووآلديك الجنه...

[زمردة 2009]

المشاركة الأصلية كتبت بواسطة عروقي شماليه الوآقــع يتحدث.........!

كلام قووي وفي الصميم

ألا لعنة الله على القوم الظالمين

[زمردة 2009]

سكون

وأنا أشهد قال أوامر ملكيه الله بسماه محد معبرها ولا هم دارين عن هوا دارها كلام بالهوا بس

يابنت الحلال النارماتحرق غير رجل واطيها

[عروقي شماليه]

سكوون لاخلاآ ولا عدمً..

كفيتيً ووفيتيً..

مثلك يُفتخر فيهـآ

أشكركً

[سكون الورد k.a.u]

المشاركة الأصلية كتبت بواسطة زمردة 2009 سكون وأنا أشهد قال أوامر ملكيه الله بسماه محد معبرها ولا هم دارين عن هوا دارها كلام بالهوا بس يابنت الحلال النارماتحرق غير رجل واطيها

يابعد تسبدي انت ِ والشماليه ..

والله مالي وقت طويل عرفتكم الا اني حبيتكم

بالنسبه للمسيرهـ صرآآآحه انا احتري يوم 24 / بفارغ الصبر ..

مع اني متأكدهـ انه رآآآح يوقفوهم قبل يصير آي شي >> هذا حالنا من بادي الوقت .. هذااا طبع الاياااام ِ ...

>> قمت اغني هههههههه

[تلميذ منتسب]

8
سكون الورد ، زمرده 2009 ، عروقي شماليه

استهدوا بالله وحكموا العقل وجنبوا العاطفه شوي

قلنا ياجماعة الخير عندنا سلبيات بالمجتمع وعلى رأسها البطاله ولا ننكر هالشئ ابدا

ولكن هل الحل بالدعوة الى المظاهرات ؟

يعني بالمظاهرات راح يتوظفوا الشباب ؟

انا اتمنى ان نكون اكثر وعي واكثر انتباه

وان لانكون ادوات لاشخاص بفيس بوك او غيره لا نعلم عنهم شئ يأثرون علينا من قبل استغلال حوائجنا وتهييج عواطفنا

قلنا ان شاء الله مع الاوامر الملكيه الخير جاي

وانتم تعلمون عن الاعانات للعاطلين التي سيتم صرفها ان شاء الله مع بدايه محرم

يعني يوم بدا الموضوع نرى فيه تحسن يأتي هؤلاء ويقولوا مظاهرات

وطالب بحقك والله محد يمنعك انك تطالب بحقك

لكن مو بالفوضى والدعوه لها

وهل كل من قال لي حق يخرج الى الشارع ويعمل فوضى وعندما يُسأل يقول انا اطالب بحقي ؟؟!!

انا لازلت اقول ان اصحاب تلك الصفحات لهم اهداف اخرى بعيده عن موضوع البطاله

ولكن طالما ان رفع شعار البطاله سيفيد في تحقيق تلك الاهداف فمن المؤكد انه سيتم رفعه الان كشعار
وبعد ذلك تتوالى رفع الشعارات الاخرى تباعا

طبعا ياعروقي شماليه انا اعلم انك الان مرتفع ضغطك من هالكلام ولكن معليش طولي بالك :)

وسلامتكم

[كرزه...]

من الممكن ان يصير فوضى وتدخل الشرطه وتصير مشاكل ..لكن هم مالجأوا لهذا الوضع إلا وطفح الكيييل اغلبه خريجي الجامعات ماعندهم وظائف..للأسف مع احترامي لبلدي احيانا مايجي معاه إلا كذا زي ما المصاريا سووه في الخطوظ وبردوا على قلوبنا.. اعتذر عن المداخله