جميــــع مايخص السنــــــه التحضيريه ..

[ميعاد]

المشاركة الأصلية كتبت بواسطة skittles مرره تسلمي ياتعمونه بس البلوزه الي قلتي مرره مافهمت كييف وغير كدا عندي سؤال يعني ممكن هوا شويا غبي بس صبرك عليا بالنسبة للجوالات الكاميرا فالجامعه ممنوعه ولاكيف لانو بشوووف بنات عااادي معاهم جوالات بكاميرا والبي بي كمان وناس تقول لا ؟؟؟ ويعطيكي العافيه

البلووزه مااتكون مرره عرياانه بس ذا اهم شي
الجوالات الكااميرا ممنووووووووعه لو شاافتك حقت الامن تسحبوا منك..

بس كلنا نجيييب معاااااانا وماانخليهم يشووفوه ندسه وعااادي..


سوري عالتدخل (:

[ميعاد]

المشاركة الأصلية كتبت بواسطة عبدآلعزيز أول شي يسلموو ع الموضووع من جد رآئع =) عندي استفسآر اللي هو بالنسبـه لـ الموآد اللي ذكرتيها هل هي من المسآر العلمي ولآ الإدآري ؟؟

للعلمــــي

المشاركة الأصلية كتبت بواسطة عبدآلعزيز وهل هي للبنات فقط ؟؟

للبنات والاولاد..

نفس المنااهج تقرييييييييييييبا ( في بعض الشابترز تختلف )

ولكن مو نفس الاختبارات..

[skittles]

المشاركة الأصلية كتبت بواسطة ميعاد البلووزه مااتكون مرره عرياانه بس ذا اهم شي الجوالات الكااميرا ممنووووووووعه لو شاافتك حقت الامن تسحبوا منك.. بس كلنا نجيييب معاااااانا وماانخليهم يشووفوه ندسه وعااادي.. سوري عالتدخل (:

تييب على البلايز مررره كويس
الي افهمواا اقدر اجيب جوال بكااام يعني مافي تفتيش وهبل
اللهم بس مااخلي حقين الامن يشوووفوه

[M!sS chocolate]

ميعـــــــــــاد

يعطيك العافيــــــــه عالمساعده كان في بعض النقص في موضوعي
من حيث النصائح وانتي كملتي النقص هذا .. يسعدك ربي ..

يعني فوزيه البلوي درست تأهيلي اهااااااااااااا يابختهم اللي درستهم
إنسانه قمممممممممممممه في الأخلاق وانسانه مخلصه في عملها
الله يسعدها دنيا وآخره ..

[M!sS chocolate]

المشاركة الأصلية كتبت بواسطة skittles تييب على البلايز مررره كويس الي افهمواا اقدر اجيب جوال بكااام يعني مافي تفتيش وهبل اللهم بس مااخلي حقين الامن يشوووفوه

يب أنا دايما أجيبه بس انو في شنطتي صراحه مااخرجه وان خرجته
أغطي الكاميرا بيدي وأتكلم واحاول اني المكان اللي أكلم فيه
مايكون فيه أي ظل للشؤون واهله ^_^ ...

[Faceless]

الله يعطيييييييييييييييييك العافية تشوكليت
الله يعيننا
انتم السابقون ونحن اللاحقون

[Randa39]

الله يعطيكي الف عافية يا عسل
ريحتني انا بكرة حودي اوراقي ويارب انقبل
وعندي اسالة لي عودة ان شاء الله

بس بجد الله يعطكي العافية

[M!sS chocolate]

وصلتني رســـاله من Butterfly Hope
وحرد عليــــها هنـــا لانو سؤالها حيستفيد منه كثييــــر ...

انا مررره خايفه من الانجليزي .. وكمان المواد كلها انقلش انتي كيف قدرتي تتخطي ازمة انو كل شي انقلش فجاءه كدا معد تشوفي عربي!! مو بالله وحشيك العربي :) *اش تنصحيني اسوي في الاجازة دحين ؟؟ يعني بخصوص المواد والانقلش ؟؟

مادة الإنجليـــــزي حيتحسن لكن زي ماذكرت لكم في الموضـــــوع وهذا مو كلامي هذا كلام
الدكتور أسامه الطيب مدير جامعة الملك عبدالعزيز احنا لاننا أول سنه كان الإنجليزي لنا
معهد فكنا فئران التجراب للمعهد أما العام فكانوا مختلفين عننا في دي الماده حتى كتب الإنجليزي
كانت غير عننا ...

أما المواد الأخرى زي ماذكرت ميعاد انو الكتب بالإنجليزي وأسألة الإختبار بالإنجليزي وأي
كلمه ماتعرفي معناها أسألي عن معناها الأستاذه وتقولك معناها الا مصطلحات الماده
اللي ممكن لو جاوبت لك معناها كانها غششتك الجواب زي مثلا التعاريف في مادة الإحصاء
شرح الأستاذه كله عربي ولكن بعض الكلمات اللي مع مرور الدروس حتحفظوها زي مثلا أسماء
الامراض في مادة الأحياء أول درس حتقولكم هو بالعربي كل مرض اش معناها بالإنجليزي
أما المحاضره اللي بعدها خلاص حتكونوا عرفتوها حتقولها بالإنجليزي ..
كنا زيكم متخوفين ومحنا متخيلين كيف دراسه بالإنجليزي اول ماأخذنا الكتب وشوفنا كيف شكله
ونطالع الصفحات كله انجليزي سار وجهنا وخوفنا ومن دا الكلام وبمجرد مابدينا الدراسه
وجدت أنا بالنسبه ليا وكثيييير من صحباتي أيدوني إنو الدراسه بالإنجليزي أحلى من العربي
العربي كنا نذاكر كل كلمه في الكتاب عشان أسألة التعليل والفراغات وكدا أما الإنجليزي
لا حتكون انت عارف اش اللي يذاكر واش اللي مجرد كلام فاضي وصدقوني مرررررره حلوه
ومهي صعبه لأنها هيا كلمات عاديه عارفينها من زمان من دراستنا لمادة الإنجليزي زي مثلا
خليني اعتطيكم مثال أنا الجمله دي للآن ماراحت عن بالي
mass of the body is differentt of weight of the body
هادي كانت في الفيزياء مثلا جاك زي دا السؤال في الفيزياء والإختيارات
a- true
b- false

mass=الكتله
weight= الوزن

وباقي الكلمات عارفينها من الثانوي زي كدا باللهي مارح تعرفوا اش معنى السؤال
زي كدا ..
وكنصيحه لكم انتوا بعد ماتذاكروا الدرس وتترجموا الكلمات جيبوا زي الدفتر هذا
خليه خااااااااص للكلمات الجديده عليكي وقسميه على حسب المواد وكل قسم
الكلمات الخاص بها وتكتبي الكلمات الجديده عليكي ..

في البدايه مارح تعرفوا طب اش أذاكر مدري ايش كيف أقولكم انا كيف كانت بدايتي ومنها
أحكموا مادة الإحصاء اول شابتر ( باب ) مسكت كل كلمه فيه وترجمته وذاكرت الدرس
اللي ترجمته مافهمت حاجه عدت مره واثنين وثلاثه مافهمت ماعرفت جلست ترجمة الباب
كاااااااامل ومسكته بشويش وحاولت إني أفهم نفسي قولت ياأنا ياهو وجلست عليه أسبوع
كااااااااامل رغم إنه أقل جزء في الكتاب وبعدها عرفت كيف أذاكر مو كل شيء تذاكريه
اللي تحسي فيه كلام يجي عليه سؤال ... أقولكم شيء بس ماتقولوا لأحد عشاان
لاحد يضحك علي المقدمه حق كتاب الكيمياء ترجمتها وجلست أقراها شوفتوا لأية درجه
ماني عارفه كيف أسوي ماني عارفه اش أذاكر ..ولكن مااستسلمت وقولت خلاص وجلست
أبكي ورميت الكتاب وخلاص مابا أذاكر لا عدت مره واثنين وثلاثه ومليون مرره
لحد مافهمت الشابتر حق الإحصاء ذاكرته مرتين كااامل عشان افهمه وفعلا يومة الإختبار ماجلس
معايا حتى نص ساعه أول مره جلست عليه أسبوع كامل ويومة الإختبار نص ساعه
شوفتوا الفرق .. ولمن جيت عالشباتر اللي بعدها خلاص عرفت كيف أذاكر في المحاضره
معايا قلم تخطيط اخطط كل شيء تقوله الأستاذه شيء مو مكتوب وهيا قالته أكتبه على طول
ويومة الإختبار أذاكر من كل شيء وأركز على التخطيط وبعدها عرفت عن ملخصات أشرف
بركات من الدكتور اسامه هذا موجود معانا في المنتدى ودحين هو طب بشري سألته برساله
خاصه لاني لاحظت انه ممتاز من مواضيعه اللي في المنتدى كل شيء مفيد ينزله
وقولت له أبغى ملخصات اش من ملخصات تنصحني بها وقالي اشرف بركات للإحصاء
واشتريته وذاكرت منها ومن الكتاب وفعلا فهمت كل شيء ومرره حبيت الماده بعد مافهمتها
عشان كدا قولت لكم في النصايح لموضوع لالاتتحطمــــــوا لو فشلتي لاتقولي خلاص مااقدر
لا حااااااااولي لحد ماتوصلي للنجاح هادي لسى سنه جديده ولازم تتعرفي عليها بطريقتكي..

وعن اشتياقي للعربي أقولكم صراحه أبغى الدراسه الإنجليزيه لأني أحب الإنجليزي
ههههههههههههههه سرت لمن امسك كتب اخواني العربي اطالع فيها يالله أحسه حاجه
غريبه كدا انتوا جربوا الشعور هذا بعد نص الترم الاول روحوا امسكوا كتب اي أحد
بشرط يكون الكتاب بالعربي حتشوفوا كان الكتاب قدييييييييم والله حلوه الدراسه
بالإنجليزي راااااااااااائعه احفظ كلمات كل درس بدرسه وحتمشي هادي نصيحتي للي
ضعيفين بالإنجليزي ..

نصيحتي لكم في الإجازه دي ألعبي ومتعي نفسك وسوي كل اللي تبغيه عشان بعدين
لمن تجي الدراسه ساعتها أبغاكم تكونوا دوااافير التحضيري لانك لو دحين جلستي
تدرسي لك اي شيء مارح تجي الدارسه الا وتحسي نفسك زهقانه لكن لو لعبتي
دحين حتجي الدارسه وانتي تحسي لك نفس تدرسي .. في البعض دخل معهد انجلش
والله لو تقدروا يكون أحسن لكن دحين ماعاد باقي شيء على رمضان واحس صعبه
في رمضان معاهد لأنو في رمضان تحسي الوقت يجري ولكن اللي تقدر تدخل معهد
حيفيدها الشيء دا واللا ماتقدر مو معاناها انها حتروح فيها في التحضيري لا بس مارح
تكون لها مادة الإنجلش زي اللي دخلوا معهد خصوصا في المحادثه لأنو بعض الدكتورات
أجانب ومايعرفوا عربي لمادة الإنجليزي فقط لكن المواد الثانيه لا عربيين ومصارييا ...

بس تعبت يدي بس فدااااااااااااكم ..

[عبدآلعزيز]

سؤال هل نبدأ السنه التحضيريه مع المدارس ولآ قبل ولا بعد ؟؟

[ǁ غــلأآإ ، رٍوٍحــي ǁ]

سؤال هل نبدأ السنه التحضيريه مع المدارس ولآ قبل ولا بعد ؟؟

طعبـآإ تبدأوآ مع المدآآرس ..

يمكن أول يومين مايكون في درآآسه .. عشان يبغوكم تعرفوآآ المبآني ..

وعارفين بحوستكم وانكم بتضيعوآ اول يومين ^_^