خلونا نداكر سواااا < خطهـ أ >

[M!ss 5o05a]

تشكيرااااااات اختي فيل ذا دارك ..

ان شاء الله الكل يستفيد ..

الله يكون معاك يامطول الغيبه هذي نفس حالتي في الفيزكس الحمد لله على كل حال

لحن الحياه هاا فين وصلتي في الرياضيات ..

اليوم مسكته من 8 الصبح ل 1 الظهر خلصت 1.1 1.2 وحليت التمارين وكلش

الحمد لله الماده مررررررره لزيزه ...

وعندي ملاحظه : اللي تلاقي وقت تحاول تتطلع على الاسئله اللي ماهي معانا أختي تقلي كانوا يجيبوا منها في الاختبار نفس الارقاام بس طبعاً التمارين اللي تكون نفس فكرت الهمورك اللي معانا ..

بالتوفيق:)

[لحن الحياهـ]

^.^
والله انا مدري ايش اقول
احس اني معرف للاشارات اكبر - اصغر اكبر او تساوي - اصغر او تساوي
ما افرق بينهم
معرف متى اقلب اشاره التبااين دي ؟؟
مرره تلخبطني

و سؤال 1 و 2 و 3 و 4 في 1.1
مافهمت السؤال
انا لين دحين ماخلصت 1.1
مرره احس وقتي زحمهـ ^.^

[M!ss 5o05a]

مافهمت قصدك بالنسبه للإشارات ..

بس اذا قصدك في في المتباينه اللي فيها القيمه المطلقه زي كذا مثلاً 1\2> l 3-1\x l

هنا تشوفي اذا المقدار اللي في القيمه المطلقه اصغر من العدد راح تحصري المقدار بين العدد نفسه مره بالموجب ومره بالسالب ..

اما اذا كان المقدار اللي داخل القيمه المطلقه اكبر من العدد مثلا1> l1-xl

هنا مره تخليها زي ماهيا x-1 اكبر من 1 او (1-x )- اكبر من 1 وبعدين تحليهم عادي وتحددي مجموعة الحل

وبالنسبه لمتى تغيري الاشاره في هذي الحالات بس:

1- اذا قسمتي او ضربتي في عدد سالب ..2- اذا قلبت الكسر... البسط مقام والمقام بسط

وسؤال 1و2و3و4 ماهي معانا

بس حلينا زيها مع الاستاذه أول شئ يقولك سؤال 1 : عبري عن 1\9 بعدد عشري

ونحن نعرف ان الاعداد العشريه(decimal) تنقسم لقسمين يااما تكون (repeating) يعني اللي بعد الفاصله يتكرر

مثلا ...1,343434 _...6,999 او تكون (terminate) يعني ماتتكرر وتوقف عن عدد معين مثلا:9.56

والحل مره سهل بس تقسمي 1 على 9 يطلع 0.1111 او تحطي شرطه على 1 معناه انه مكرر.

وبقيت التمرين نفس الفكره..ولاحظي تمرين 2 زيه بالزبط.. واذا عندك اي سؤال عادي اسألي

ان شاء الله تكوني فهمتي وليا رجعه بتمرين 3-4 مررره لزيزه

يااااااااااحلوين اي احد عنده سؤال في الرياضيات ولا تمرين مافهمه يسأل..

[miss-rahaf]

اهلآلآ وسهلآلآ ببنات نفس خطتي

انا امس خلصت من الرياضيات

بس فيه كم تمرين اتمني توضيحه

من 1.2
سؤال 65
انا عارفه المطلوب وصف الدائره مركزها الى هوا نقطه الاصل ونصف القطر
بس اخذ الاول ولا الثاني
لمن رسمت الدائرتين طلعت وحده جوت الثانيه

ايش احل يعني ؟؟؟

وايضا سؤال 13
هل صح نقول اكس =-1 و واي= 4/3

=====

1.3
سؤال 6
طلعت d=(-2,2)
لكن الـ r ماعرفته

اتمني بليييز تساعدوني في حل هالفقرات

[بريق انثى]

يابنات مافي كتاب اشتريه واحصل تمارين الرياضيات كلها محلوله فيه ^ـ^

ابغى حاجه محلوله جاهزه وانا اذاكرها واتدرب عليها

والله علقت عند تمارين 1.2 هذا وهم يقولو انها سهله

[M!ss 5o05a]

مس رهف اول شئ بالنسبه لـ 65

صح حلك راح تكون الدائرتين جوت بعض وهو طالب توصفي النقاط بالنسبه للدائرتين

ومن المتراجحتين واضح انه النقاط اكبر من 1 واصغر من الـ 2 يعني راح يكون الحل

The points lying outside the circle with center (0,0) and radius 1, but inside the circle with center(0,0
and radius 2

وسؤال 13 صح جوابك ياقمر..

وبالنسبه 3.1 واللهي لسا مافتحته بس الجواب راح يطلع من النص مغلقه الى مالا نهايه الموجبه

بريق انثى بتلاقي كل الاجوبه هنااا

http://www.skaau.com/vb/showthread.php?t=117434

انا حملتها من موضوع تاني ومره استفدت ..

الله يكون مع الجميع موفقين حبايبي

[لحن الحياهـ]

اممم
يسلموو يا سكر
وانا حكمل مدااكرهـ واي شي يصعب عليا حجي ^.^

[soha zarie]

fekra junan ya nasoo 3leha

bl twfee8 ya 7elween

we mra thanx

[بريق انثى]

يعطيكم العافية يارب انا خلصت الرياضيات الحمدلله سهله

قاعده احاول احل التمارين هذي مره مفيده

http://fkandil.kau.edu.sa/Files/0000...Exam%20110.pdf

http://fkandil.kau.edu.sa/Files/0000...nal2%20110.pdf

بس فيه 1.3 ماني فاهمته لاني ماحضرت المحاضره فياريت اللي فاهمته وتقدر تساعدني تقول المختصر المفيد منو

[لحن الحياهـ]

بريق انثى ^.^
الله يوفقك ياارب
ويسهلها عليك

انا عن نفسي اللي حضرت ^.^ احس نفسي مش فاهمه الا الاسئله السهله ^.^
شوفي 1.1 كلو فاهمتو معاد الاسئله من 41 لين 54
مدري ايش يبغو دول .. احسهم معقدين شوي ..
ممكن احد يساعدني فيهم :)
<< ادري زودتها معاكم بس ايش اسوي مالي غيركم ^.^