تجمع طالبات صعوبات التعلم ضروري للأهمية

[المهنا2010]

جزاكم الله خير هذا كله من طيب اصلكم يالأجوديات
ماعندي مانع انه نظغط على انفسنا ونقلص من عدد الايام ويش رأيكم انه نضم مادة استخدام الحاسب الالي في التربية الخاصة اللي هي يوم الاربعاء مع يوم السبت او العكس اللي موافقة ترد ,,,

[حنونة1431]

يابنات ريحوني يعني نزل جدول صعوبات تعلم ولا لا

[استبشار]

ياحنوووووووونة الجدول نزل من أول وله موضوع مثبت كتبته شواطي البحر

انا لما شوفت موضوعك بعده بكم ساعة كتبت شواطي موضوعها وافتكرتك شوفتي الجدول

ان شاء الله ترجعي تشوفي ردي وتروحي تشوفي موضوع الجدول

سلاااام ياحلوة :)

[استبشار]

على فكرة يازوجة المهنا نفس فكرتي هيا اللي اقترحتيها انتي

اننا نضم مادة الاربعاء ليوم السبت لأنه لما شيكت على جداول بقية المسارات

لقيت استاذة الحاسب تعطي دبلوم التربية كله محاضرتين بس ان شاء الله لما نشوف بعض

ونشوف الاستاذات ونتعرف عليهم نتفق مزبوط وان شاء الله الاستاذات يكون عندهم رحابة صدر

:) تصدقو بنات احس اني اشتقت لكم وانا ماشوفتكم لسى :)

[حنونة1431]

الحمد لله شفت الجدول مدري كانت بصيرتي معمية من القلق
وانا اضم صوتي لصوتكم بنسبة لضم محاضرة يوم الاربعاء وتكون السبت
وإذا موفقين نبدا من السبت نوقع على ورقة باسماء البنات ونروح للاستاذة لينا على ماأظن هي منسقة القسم
ولا ايش رأيكم

[رحمك الله يا ابويا]

يا بنات صعوبات التعلم اعطوني خلفيه عن القسم وما هو مستقبله الوظيفي كاني سمعت انه قسم قديم وفي طالبات كتير متخرجين منه انا تخصصي رياضيات وقدمت توحد والان بافكر اني احول صعوبات وسلامتكم

[استبشار]

الصراحة ماعندي فكرة عن القسم لما نبدأ الدوام كل شي ببين

وبعدين اذا ع الكلام فاللي سمعنا كثير عن مستقبل هذا المسار وغيره ناس يقولوا مافي وظايف ومو مطلوب
وناس تقول له مستقبل يعني لو جلسنا نسع حنتعب وانا من كثر الحيرة والتفكير بطلت اسمع لأحد
والله ليا فترة وانا ادور في النت ايش المسار اللي له مستقبل وماستفدت شي

بس شوفي للأمانة انا في اختبار القدرات قابلت بنت من بنات العام تخرجت من مسار تفوق وموهبة وقالت

ان اغلب اللي توظفو بدفعتهم كانو تخلف عقلي وإعاقة سمعية

بعدين مسار صعوبات تعلم تحسي المسار المنسي او المخفي اللي الواحد مو عارف هل هو مطلوب

ولا لأ يعني محد يمدح فيه وفي المقابل محد يذم

إن شاء الله يكون كلامي خفيف عليك يا ( رحمك الله ياأبويا ) :)

أنا عن نفسي متحمسة لهذا القسم مرة الحمد لله

والخير في ماأختاره الله

الله يوفقنا جميع وحياك الله معانا يا (رحمك الله ياأبويا ) سواء في تخصصنا أو اي تخصص ثاني

[janaelward]

انا توني اشوف الجدول

الحمد لله عجبني انو الاثنين هو يوم الرحه عندنا

وانا يابنات معاكم في تغيير الجدول ياريت يوافقون لنا

إن شاء الله لما نتقابل بكره نتفق على كل شي

بنات اش رايكم نحط ريشه على روسنا عشان نعرف بعض بكره

ههههههههههه مجرد اقتراح

[المهنا2010]

اسمعوني يابنات اللي يقول ان التخصص ماله مستقبل وفية ناس تقول له مستقبل ومادري من هذا الكلام اسمعي حبيباتي احب اقول ان الارزاق بيد رب العالمين وكل واحد ياخذ رزقه والمكتوب في هالدنيا ماتدرين يمكن تجيكي وظيفة او لا بس لاتقلقين وتقول التخصص اللي اخذته ماله مستقبل فيه ناس اعرفهم حق المعرفة تقديرهم مقبول وجاهم ابتعاث وناس تقديرهم امتياز مالقوا وظيفة انتي لوتفكرين بس شويه حتلاقي صعوبات التعلم له احتياج كبير حتى في المدارس الحكومية لان بعض المعلمات يشتكون من بعض الطالبات انه عندهم صعوبه في الفهم وكمان انا سمعت انه بيعملوا دمج في المدارس للسبب اللي ذكرته لكم بس انا عن نفسي مرتاحة كثير لهذا التخصص واستخرت اكثير من مرة والحمد الله ,,,
وبخصوص انه نقلص من عدد الايام ان شاء الله اذا جينا يوم السبت نتفق وتكون يدنا وحدة ونهجم عليهم ومانخرج الا وهم منفذين اوامرنا !!!!

[المهنا2010]

بشرى ساره السواق وافق اللي يبغى يرد علي علشان تتفقوا على السعر ومتى الموعد