تجمع طلاب فرع شمال جدة (استفسارات + نقاشات + تعارف )

[Dr.MeMa]

السلام عليكم ورحمة الله وبركاته
نحن كل اسبوعين نروح رحلة الى شمال جده علشان حضرت اخويا يشوف الجامعه فحبيت اقولكم على بعض ما مر بنا
في البداية الصراحه العمال ماشاء الله انجزو لانو اول زيارة للجامعه كانت صحراء والحمدلله اليوم رحنا اصبحت مدينه تقريبا اكتمل منها ثلاث مباني أ ب ج واليوم لمن رحنا دخلنا الين جوا واخويا دخل وشاف القاعات , خلصو من البويات وحطولكم حديقة صغيرة فيها تقريبا 5 او 6 نخلات والقاعات بس يبغالها شويت غسيل او كنيس وترتيب الماصات اما المكيفات اتركبت والستاير عمال يركبوها وحطولكم لوحة كبيرة عند المدخل مكتوب عليها جامعة الملك عبدالعزيز والمدخل راح يكون من ورا
الصراحه المبنى حلو ومرتب واحلى شيء انو واضح احسلكم من المباني الكبيرة والي تضيع الواحد
اما بالنسبة للدراسة يوم السبت اخويا سئل واحد سعودي قالو في دراسه
الله يوفقكم
اي استفسار انا موجودة

[az0o0zi]

السلام عليكم ورحمة الله وبركاته
ياشباب انا انقبلت في كلية الحاسبات في شمال جدة
والى الان مانزلي جدول او مواد اوي اي شي كلكم زيي ولا انا عندي مشكلة
وبالنسبة للمواصلات في بعضكم قالوا ان في باصات تحرك من الفرع الرئيسي ياليت تعطونا معلومات عنها يعني متى تمشي ؟ ومن فين بالضبط؟
وحيكون في دوام اول اسبوع لطلاب شمال جدة
معليش عالاطالة
وشكرا

[فتى تثليث]

المشاركة الأصلية كتبت بواسطة az0o0zi السلام عليكم ورحمة الله وبركاته ياشباب انا انقبلت في كلية الحاسبات في شمال جدة والى الان مانزلي جدول او مواد اوي اي شي كلكم زيي ولا انا عندي مشكلة وبالنسبة للمواصلات في بعضكم قالوا ان في باصات تحرك من الفرع الرئيسي ياليت تعطونا معلومات عنها يعني متى تمشي ؟ ومن فين بالضبط؟ وحيكون في دوام اول اسبوع لطلاب شمال جدة معليش عالاطالة وشكرا

وعليكم السلام ورحمة الله وبركاته
بالنسبة للجداول ما أدري عنكم صراحة..بس ان شاء الله يفيدوك الشباب
أما بخصوص المواصلات فيه باصات وفرتها عمادة شؤون الطلاب لنقل طلاب فرع عسفان من موقع العمادة والسكن الجامعي الى الفرع الجديد وسوف يكون موعد المغادرة في الساعة السادسة صباحا
ؤائ استفساإاإاإاإراإاإاإت ثانية ان والشباب في الخدمة

[فتى تثليث]

المشاركة الأصلية كتبت بواسطة dr.mema السلام عليكم ورحمة الله وبركاته نحن كل اسبوعين نروح رحلة الى شمال جده علشان حضرت اخويا يشوف الجامعه فحبيت اقولكم على بعض ما مر بنا في البداية الصراحه العمال ماشاء الله انجزو لانو اول زيارة للجامعه كانت صحراء والحمدلله اليوم رحنا اصبحت مدينه تقريبا اكتمل منها ثلاث مباني أ ب ج واليوم لمن رحنا دخلنا الين جوا واخويا دخل وشاف القاعات , خلصو من البويات وحطولكم حديقة صغيرة فيها تقريبا 5 او 6 نخلات والقاعات بس يبغالها شويت غسيل او كنيس وترتيب الماصات اما المكيفات اتركبت والستاير عمال يركبوها وحطولكم لوحة كبيرة عند المدخل مكتوب عليها جامعة الملك عبدالعزيز والمدخل راح يكون من ورا الصراحه المبنى حلو ومرتب واحلى شيء انو واضح احسلكم من المباني الكبيرة والي تضيع الواحد اما بالنسبة للدراسة يوم السبت اخويا سئل واحد سعودي قالو في دراسه الله يوفقكم اي استفسار انا موجودة

إشكرك يا اختي طمنتيني والله وبلغي اخوكي شكري

[سعيد الاحمري]

طيب انا ساكن في حراء معي سيارة ابي واحد يوصفني بالظبط كيف اطلع للجامعه مع العلم انا من خارج جده فارجو التوضييح

[قتيل الشوق]

حتى انا ياسعيد من برا جده لاكن ابوصفلك التوصيف اللي اعرفه
تمشي من الدايري لين يجيك كبري المطار بعد كبري المطار يجيك كبري عسفان اطلع مع كبري عسفان

وامش تجيك محطه ونادي الفروسيه وتفتيش بعد التفتيش تقريبا تمشي 5-7 كيلوو

تشوف مباني على حجاجك الايسر ابوووك يالتوصيف هع

ان شاء الله اني وصفت زي الناس

((((اقول ولا كلمه قال توصيف قال

والله ماتضيع الطريق سهل مايبيله شي وانا احمد ربي اني انقبلت بعسفان ابرك من الحوسه والزحمه داخل البلد بالمقر الرئيسي بس انتبه ولا تسرع ترا الطريق كله نياق وشيبان يمشون وهم نايمين انتبهوو تكفوون

[彡yS❤Ry彡]

المشاركة الأصلية كتبت بواسطة قتيل الشوق حتى انا ياسعيد من برا جده لاكن ابوصفلك التوصيف اللي اعرفه تمشي من الدايري لين يجيك كبري المطار بعد كبري المطار يجيك كبري عسفان اطلع مع كبري عسفان

قتيل الشوق خخخخخخخخ ايش جاب كبري المطار لعسفان

الوصف ياحبيبي اذا كنت من شارع حراء
اطلع كانك رايح المدينة اذا كنت في بداية شارع حراء مع تقاطع الاربعين
امسك خط الاربعين كانك رايح الصناعية وطول يطلعك ع طريق المدينة
امسك الخط يجيك مفرق ياخط الحرمين يمين ولا طريق المدينة يسار
خذ طريق المدينة وطوول
امشي لين تلقا لوحة مكتوب كبري عسفان يمينك واطلعه
بيقابلك خط محول لانهم شالوا كبري مبنى الحجاج طول كمان بتشوف كبري القاعدة الجوية
طول كمان
لين تلقى عسفان يمينك
> كبري المطآر ورا ورا هذي الكباري كلها

إن شاء الله تفهم من وصفي ترى المكان مايحتاج كله تمسك خط المدينة لين تشوف عسفان يمينك وانتهينا
تطلع الكبري
زي ماوصفلك قتيل الشوق
طول تلقى تفتيش طول بعده امكن حوالي 12 كيلو تلقى مباني على اليسار هذيك هيا الجامعة

>>> ووول يآآطول كلآمه

[khalid altaif]

^^^^^^^^^^^^^^^^^^^^^^^^^^^^^^^^^^^^^^^^^^

شكرا شكرا على التفاعلات الاكثر من رائعه واصبرو عليا في راسي شويه استفسارات راجعلكم صبر خخخخخخخ

[Qotaiba HBK]

السلام عليكم ~

كيفكم شباب ؟

عسآكم طيبين ^_^

اليوم رحت الجامعة الساعة 11 الصباح عشان واحد من صوحابي كان يبي يعرف موقعها فين، وعلى فكرة للي ما يعرف الوصف ترى الحكومة ما قصرت حطت يافتة للجامعة ومطبات اصطناعية ( كان لي نصيبي منها ) خخخ الموهم ترى لون المطبات اصفر يعني أحلى دلع خخخ

وعلى فكرة ترى المباني الجاهزة 4 مباني مش 3

[彡yS❤Ry彡]

مآشاء الله زآد واحد فآنتاستيك خخخخخ
أنآآ آحس ان الجآمعة في الشمآل عآجبتني ومبسسوط مآدري ليه خخخخخ
>> كل يوم كان متأخر مع زحمة خط الحرمين اللي ماتنتهي |~