الأسئلة والاستفسارات عن كلية طب الأسنان ..

[Dr~NanoOok]

المشاركة الأصلية كتبت بواسطة * رولا * آها مرة شكرًا د. مزاج طيب بالنسبة للاعتمادات اللي حصلت عليها الكلية ما لقيت في الموقع غير اعتماد المنظمة الأوروبية هل دا معناته إنهم فشلوا في الحصول على الاعتماد الأمريكي؟

كليتنا حصلت على الاعتماد الاوربي من كم سنة

وفائدة الاعتماد الأجنبي .. أنه شهادتك لما تتخرج من عبدالعزيز بأنها معتمدة من دولتهم
يصير كأنك متخرج من جامعة أوربية !
وقوة الشهادة هذه تفيدك في التقديم للدراسات العليا والوظائف

~

والآن يسعوا للحصول على الاعتماد الأمريكي << وهو الأقوى

من السنة اللي فاتت بدأت زيارات لجنة الاعتماد للكلية والعيادات للتقييم
وفعلا حصلت تغييرات ممتازة في الكلية خلال السنين السابقة لأجل استحقاق الاعتماد

وباذن الله نصير أول كلية تحصل على الاعتماد الأمريكي بالشرق الأوسط ^_^

[Dr~NanoOok]

المشاركة الأصلية كتبت بواسطة evil teeth سلام عليكم ورحمة الله وبركاته وأيضا ( الرازي ) وين ألاقي هذا المحل بالنسبه للي عايشين في مدينة جده !!! وهل هناك كلاسات مشتركه بين الجنسين ؟ وشكرا .

الرازي موجود في شارع خالد بن الوليد
فين بالضبط وجنب ايش .. يبغالها حوووسة للوصف

لكن لو وصلت هناك.. أسأل أحد المحلات بالشارع وحيدلوك

وهذا الشارع مشهور ببيع أجهزة الكمبيوتر والبرامج
وبعض محلات الأدوات الطبية كمان

وأسهل وصف للوصول ليه.. انه قريييب من شارع فلسطين حق الجوالات


~


ولا يوجد كلاسات مختلطة

[السندوي3]

اسمع احمد ربك انك طب اسنان فى الرياض ......

اما انك تحول جامعه الملك عبدالعزيز انسى مش تحطيم ....لكن عميدنا للقبول والتسجيل تعرف اش ناشف ....

لو كنت باقيلك ترم واحد فى الرياض تصدق ايش حيحطك سنه تحضيريه ....هذا كلام اكيد ...

وانت اسئل واتاكد بنفسك ....

[goodone]

أحد طلاب med10 نصح بشراء كتاب Medical Terminology: A Short Course لانه حيكون المقرر لطلاب الدفعة الجديدة في كلية الطب ، سؤالي لطلاب الدفعات السابقة: ما هو رأيكم في الكتاب ؟ وهل تعتقدون انه حيفيدني كطالب في كلية طب الاسنان ؟

[Dr~NanoOok]

المشاركة الأصلية كتبت بواسطة goodone أحد طلاب med10 نصح بشراء كتاب Medical Terminology: A Short Course لانه حيكون المقرر لطلاب الدفعة الجديدة في كلية الطب ، سؤالي لطلاب الدفعات السابقة: ما هو رأيكم في الكتاب ؟ وهل تعتقدون انه حيفيدني كطالب في كلية طب الاسنان ؟

هو التلخيص والمختصر من الكتاب الكبير اللي كنا ندرسه بسنة أولى
والكاتبة هي نفسها للكتابين واسمها Chabner

ورح يفيدكم ويُعتبر كمرجع ليكم لكل المصطلحات

[goodone]

المشاركة الأصلية كتبت بواسطة dr~nanoook هو التلخيص والمختصر من الكتاب الكبير اللي كنا ندرسه بسنة أولى والكاتبة هي نفسها للكتابين واسمها chabner ورح يفيدكم ويُعتبر كمرجع ليكم لكل المصطلحات

خلاص حروح اشتريه وان شاء الله استفيد منه ، انا تصفحت الكتاب بشكل سريع في موقع الامازون ووجدت فيه بعض المعلومات التي ذكرتيها في موضوعك عن المصطلحات الطبية

الله يعطيكِ الصحة والعافية يا دكتورتنا ، ما قصرتي

[Dr~NanoOok]

الله يعافيك =)

وافضل المكتبات للكتب
عندك مكتبة المريخ ولا تنسى تقولهم التخفيض حق الطلاب
و مكتبة الكتاب الطبي و مكتبة تهامة
كلهم اسعارهم كويسه ومرررررره ارخص من جرير

اتصل عليهم واستفسر عن الكتاب وعن سعره وشوف الارخص
لان فارق السعر يوصل لـ 50 ريال واكثر

[شريره علي احمد]

لوسمحتوا ابغى اسال ماهي متطلبات الالتحاق بكلية الطب؟؟وهل درجة القدرات والتحصيلي تاثر
وشكرا

[Dr~NanoOok]

المشاركة الأصلية كتبت بواسطة شريره علي احمد لوسمحتوا ابغى اسال ماهي متطلبات الالتحاق بكلية الطب؟؟وهل درجة القدرات والتحصيلي تاثر وشكرا

لدخول اي كلية بالجامعة لازم تدرسي السنة التحضيرية وعلى حسب معدلك ونسبتك فيها
تدخلي التخصص اللي تبغيه

القدرات والتحصيلي تدخل في نتيجة قبولك بالسنة التحضيرية فقط

[goodone]

المشاركة الأصلية كتبت بواسطة dr~nanoook الله يعافيك =) وافضل المكتبات للكتب عندك مكتبة المريخ ولا تنسى تقولهم التخفيض حق الطلاب و مكتبة الكتاب الطبي و مكتبة تهامة كلهم اسعارهم كويسه ومرررررره ارخص من جرير اتصل عليهم واستفسر عن الكتاب وعن سعره وشوف الارخص لان فارق السعر يوصل لـ 50 ريال واكثر

بصراحة سعر الكتب مرتفع في جرير وعن تجربة ، ولكن - احيانا - لا غنى لي عنها ، لأن بعض الكتب (الغير علمية) ماتتوفر الا عندهم ، بإذن سأحاول الحصول على ارقام هواتف المكتبات اللي ذكرتيها

ما راح انسى لك هذه النصيحة ، جزيت خيراً دكتورتنا الفاضلة ، الله لا يحرمنا منك