~| استفســــــآرات الطــــــــآلبات .. حيّــــآكن |~

[إلهام]

نــــــــور

اللهـ يسعدكــ يــــــــــــآآآآربـ ويفرج همكـ ..
الحمد لله يــــــآآربــ ريحتيني وأكيد ريحتي كثير ...والله يجعل كل حرف كتبتيهـ في ميزآن حسنآتكـ
مآرآح أنسآكـِ من دعآئي
...~

[nour al3mr]

^
ويرزقك بالمثــــل و يطمن قلبك = )

[miss sun shine]

للان مانزلتلي مواد تخصص وربي خايفه اتورط فالجدول..يابنات مين صار له زيي وسوت جدولها زي ماتبغى وكيف حيكون الحذف والاضافه يةوم السبت يعني ايش اسويي عشان مااتنح :)
..يارب فرج همي ياكريم..

[ريم17]

المشاركة الأصلية كتبت بواسطة miss sun shine للان مانزلتلي مواد تخصص وربي خايفه اتورط فالجدول..يابنات مين صار له زيي وسوت جدولها زي ماتبغى وكيف حيكون الحذف والاضافه يةوم السبت يعني ايش اسويي عشان مااتنح :) ..يارب فرج همي ياكريم..

لاتشيلي هم ياقلبي ان شاء الله يتسهل لك كل شئ وتسوي جدولك زي ماتبغي ..غالبا الحذف والاضافه يبدأ يوم الاحد يعني لاتتعبي نفسك ع الفاضي أسألي قبل ماتروحي ..والله يفرج همك وهم جميع الطالبات يااااارب ..

[noona..]

^

إنتي دوبك تتخصصي ؟

[nour al3mr]

^
ياعسل
لو بسبب تحديد المسار ما انضافت لك لامواد
يصير لازم تضيفيها من الجامعة

روحي غرفة 119 و حياك بطابور صباحي جميل و قولي لهم رمز المواد اللي تبغي تضيفيها وراح يسووه لك

[Paper]

المشاركة الأصلية كتبت بواسطة Cramilla راجعي الصفحات اللي قبل كتبنا فيها كل شي

المشاركة الأصلية كتبت بواسطة nour al3mr Paper كلهم الثنتين رائعـآت اللغويات مافيها تكاليف حفظ في حفظ الترجمة فيها تكاليف لكن بتنبسطي بالدرجات و الكورس ان شاء الله

المشاركة الأصلية كتبت بواسطة إلهام حآبهـ أصحح نقطهـ عندكـ نور اللغويآت صآر فيهآ بحث + برزنتيشن البرزنتيشن شآالوهـ علينآ لأن مآ كآن في وقتـ موفقين جميعــآآ ...~

Thank you so much girls, you all been helpful :)

[ام حمدان]

المشاركة الأصلية كتبت بواسطة nour al3mr الهـــــآم د/ نجــــآح = سوسيو من وجهة نظري اللي تمثلني شخصيـآ المادة نفسها كانت عندي غثيثة ..والسبب عدم تنظيم كتابها .. مرة فوضى ومقسم بطريقة ماناسبتني شرح د/ نجاح رووووعة ماشاء الله .. و بسيط وتخرجي من المحاضرة وانتِ فاهمة حتى المحاضرة تكون قصيرة تجي تفتحي الكتـآب وتذاكري تلاقي عالم ثاني هرج كثيررررررر وأشياء غريبة و السيء في الكتاب ان المعلومات مشتته مرة يقول لك ارجعي الفصل الفلاني و يرجع يردك فصل غير وهكذا اول 3 فصول اعطتنا البوربوينت وذاكرنا منه و من الكتاب .. بعد كذهـ كله من الكتآب والفاينل انحذفت ابواب الله يسعدها الاسئلة متنوعة مقالي .. صح و خطا مع التصحيح مقارنة يمكن اللي يضيع الدرجات هو المقالي .. لازم تكتبي المعلومة المحددة اللي تستوفي الجواب المقالي من سطر ونص لسطرين مايزيد لازم تنتبهي للاخطاء الاملائية مررررة 3 دوريـآت كل دوري بِـ 3 فصول و عليه 15/15/20 10 درجات موزعة مابين 5 على بحث + 5 على العرض الخاص بالبحث presentation افكارك لازم تكون مبتكرة وروحي لها وناقشيها اول باول .. و حتى التقديم خليه مبتكر و الفاينل مو مرة كان عندي بس اتيسر ولله الحمد = ) :: مس إيمـآن بوترعة الكورس من 3 مسرحيــــآت + تعملي critical review + presentation البريزنتيشن حيكون عن مقالة تعطيها لكم و تقسمكم لقروب و كل وحده في القروب تعرض صفحتين تقريب الاختبارات نوعا ما حلوة وسهلة مافيها اشكالية .. يعجبني فيها شرحها ماشاء الله .. تعيد كل محاضرة بالاحداث و الثيم الخاص بالمسرحية ..ماتخرجي من المحاضرة الا و الاحداث في راسك .. صح كنا نشوف الكلام كثير ومانلحق نكتب و نحوس بس ركزي معاها وهيا تشرح و افهمي وقت الاختبار اكتبي بفهمك و بتلاقي الدرجة على الحل اللي تستحقية مرة ماتظلم بالاختبار .. اختبرنا اختبارين من 20 = 40 درجة و الـ 20 الاخيرة مقسمة مابين 5 مشاركة ~> و تحب تشوف الطالبات متعاونات و يقروا و محضرين 5 الـ critical review كان عن نهاية مسرحية a doll's house 10 على العرض .. 5 درجات على البوربوينت نفسه .. 5 على تقديم الطالبة [من ضمن هذه الخمسة اعرفي انه درجة المقدمة و الخاتمة موحدة بين بنات القروب فلازم اللي تمسك المقدمة و الخاتمة تكون متمكنة ] لازم تحضروا الباك جرآوند للكاتب وتسأل عنه اول المحاضرات و تتضايق لو البنات مو محضرين = ) :: هذا موجز لو باقي عندك استفسـآرات في خدمتك ^^ كتبت هنا عشان الكل يستفيد

تسلم لي الايد الي كتبت هالرد وراعيتها يارب

الله يطمنك
تصدقي نسيت اني قد التقيت في مس ايمان قبل كذا اسئلها عن شي في الليسننق لمن كنت مستوى رابع لزميلات لي كانوا يدرسوا عندها
وصراحه كان تعاملها معي مررره عسل
الظاهر صدمتي بشوفه اسماء كانت مرعبتني اعمتني عن تذكرها بشكل صح

وافتكرت ان بنات الانتساب كانوا ياخذوا معها ادب كان شعبتين زمان وحده لها ووحده لمس سوزان
وماكانوا يشتكوا منها في التصحيح لكن كانوا يقولوا بطيئة شوي في المنهج وهالشي عندي يهون اذا كانت تشرح تمام ونفهم من خلال شرحها اسلوب اسئلتها وماتظلمنا في الدرجات
عموما قبل لا اعتمد في جدولي اي شي اكيد بستخير اكثر من مره وربي يسخرهم لنا

موفقين

[miss sun shine]

لا انا مستوى سادس بس ماحددت مسار ومانزلتلي مواد تخصص

[ريم17]

المشاركة الأصلية كتبت بواسطة miss sun shine لا انا مستوى سادس بس ماحددت مسار ومانزلتلي مواد تخصص

عشان كذا مانزلت لك مواد التخصص ...انا اقولك روحي السبت الجامعه على 9 او 10 وروحي للسكرتاريه وعبي ورقه تحديد مسار وعلى طول راح يحددوا لك ان شاء الله ...انا العام زي كذا وبعدها بفتره نزلت لي المواد ...