~| استفســــــآرات الطــــــــآلبات .. حيّــــآكن |~

[انا رورو انا]

^
حيوسعوا لا تشيلي هم لسا باقي اسبوع للحذف والاضافه في الجامعه يعني في امل باذن الله

[xX мïşş şяàв Xx]

^


ان شاءالله يارب

[M!SS]

بنات عندكم فكره كيف مسز ابرار مجددي في البراكتيكم ٢ ؟ وهل ممكن تسمح لي اتدرب في مركز اللغه او اي مكان انا ابغاه ؟
< من شكلها كذا احسها طيوبه وبنت حلال :d

برضو الريسرتش مين ماسك الشعبتين في السبت والاثنين والربوع ؟ :(
<ياربي وبعدين مايبغون يريحونا :(

[nour al3mr]

الهـــــآم

د/ نجــــآح = سوسيو

من وجهة نظري اللي تمثلني شخصيـآ

المادة نفسها كانت عندي غثيثة ..والسبب عدم تنظيم كتابها .. مرة فوضى ومقسم بطريقة ماناسبتني

شرح د/ نجاح رووووعة ماشاء الله .. و بسيط وتخرجي من المحاضرة وانتِ فاهمة
حتى المحاضرة تكون قصيرة

تجي تفتحي الكتـآب وتذاكري تلاقي عالم ثاني هرج كثيررررررر وأشياء غريبة
و السيء في الكتاب ان المعلومات مشتته مرة يقول لك ارجعي الفصل الفلاني و يرجع يردك فصل غير وهكذا

اول 3 فصول اعطتنا البوربوينت وذاكرنا منه و من الكتاب .. بعد كذهـ كله من الكتآب
والفاينل انحذفت ابواب الله يسعدها

الاسئلة متنوعة مقالي .. صح و خطا مع التصحيح
مقارنة

يمكن اللي يضيع الدرجات هو المقالي .. لازم تكتبي المعلومة المحددة اللي تستوفي الجواب
المقالي من سطر ونص لسطرين مايزيد
لازم تنتبهي للاخطاء الاملائية مررررة

3 دوريـآت
كل دوري بِـ 3 فصول
و عليه 15/15/20
10 درجات موزعة مابين 5 على بحث + 5 على العرض الخاص بالبحث presentation
افكارك لازم تكون مبتكرة وروحي لها وناقشيها اول باول ..
و حتى التقديم خليه مبتكر

و الفاينل مو مرة كان عندي بس اتيسر ولله الحمد = )

::

مس إيمـآن بوترعة

الكورس من 3 مسرحيــــآت + تعملي critical review + presentation
البريزنتيشن حيكون عن مقالة تعطيها لكم و تقسمكم لقروب و كل وحده في القروب تعرض صفحتين تقريب

الاختبارات نوعا ما حلوة وسهلة مافيها اشكالية .. يعجبني فيها شرحها ماشاء الله .. تعيد كل محاضرة بالاحداث و الثيم الخاص بالمسرحية ..ماتخرجي من المحاضرة الا و الاحداث في راسك .. صح كنا نشوف الكلام كثير ومانلحق نكتب و نحوس بس ركزي معاها وهيا تشرح و افهمي
وقت الاختبار اكتبي بفهمك و بتلاقي الدرجة على الحل اللي تستحقية
مرة ماتظلم بالاختبار ..

اختبرنا اختبارين من 20 = 40 درجة
و الـ 20 الاخيرة مقسمة مابين
5 مشاركة ~> و تحب تشوف الطالبات متعاونات و يقروا و محضرين
5 الـ critical review كان عن نهاية مسرحية A Doll's House
10 على العرض .. 5 درجات على البوربوينت نفسه .. 5 على تقديم الطالبة [من ضمن هذه الخمسة اعرفي انه درجة المقدمة و الخاتمة موحدة بين بنات القروب فلازم اللي تمسك المقدمة و الخاتمة تكون متمكنة ]

لازم تحضروا الباك جرآوند للكاتب وتسأل عنه اول المحاضرات و تتضايق لو البنات مو محضرين = )

::

هذا موجز لو باقي عندك استفسـآرات في خدمتك ^^

كتبت هنا عشان الكل يستفيد

[nour al3mr]

المشاركة الأصلية كتبت بواسطة m!ss بنات عندكم فكره كيف مسز ابرار مجددي في البراكتيكم ٢ ؟ وهل ممكن تسمح لي اتدرب في مركز اللغه او اي مكان انا ابغاه ؟ < من شكلها كذا احسها طيوبه وبنت حلال :d برضو الريسرتش مين ماسك الشعبتين في السبت والاثنين والربوع ؟ :( <ياربي وبعدين مايبغون يريحونا :(

ان شاء الله ترضى اللي اعرفه مسموح

اما الريسيرش ممكن مس ايمان بوترعة و صفاء

[إلهام]

نــــــــور

اللهـ يسعدكــ يــــــــــــآآآآربـ ويفرج همكـ ..
الحمد لله يــــــآآربــ ريحتيني وأكيد ريحتي كثير ...والله يجعل كل حرف كتبتيهـ في ميزآن حسنآتكـ
مآرآح أنسآكـِ من دعآئي
...~

[nour al3mr]

^
ويرزقك بالمثــــل و يطمن قلبك = )

[miss sun shine]

للان مانزلتلي مواد تخصص وربي خايفه اتورط فالجدول..يابنات مين صار له زيي وسوت جدولها زي ماتبغى وكيف حيكون الحذف والاضافه يةوم السبت يعني ايش اسويي عشان مااتنح :)
..يارب فرج همي ياكريم..

[noona..]

^

إنتي دوبك تتخصصي ؟

[nour al3mr]

^
ياعسل
لو بسبب تحديد المسار ما انضافت لك لامواد
يصير لازم تضيفيها من الجامعة

روحي غرفة 119 و حياك بطابور صباحي جميل و قولي لهم رمز المواد اللي تبغي تضيفيها وراح يسووه لك