تجمع للمتقدمات على وظيفة معيدة برابغ مين اتصلوا عليها

[العتيبيه]

snowystorm

لو سمحت لما أخذتي الاوراق استلمتي قرار التعيين وهل باشرتي؟ وأبي أتواصل معاكي من شان المواصلات

والله يوفق الجميع

[وجه البدر]

السلام عليكم

الف مبروووووك لكل المقبووولين

وعقبالنا ان شاء الله

بس عندي استفسار بسيط

دحين احنا عملنا المقابله الشخصيه ولنا اكثر من شهر وماردوولنا جووواب بقبولنا اوعدم قبووولنا..

باختصار انتم كيف عرفتوووا انكم انقبلتوووا ولكم مني كل احترام وتقدير..

[snowystorm]

المشاركة الأصلية كتبت بواسطة وجه البدر السلام عليكم الف مبروووووك لكل المقبووولين وعقبالنا ان شاء الله بس عندي استفسار بسيط دحين احنا عملنا المقابله الشخصيه ولنا اكثر من شهر وماردوولنا جووواب بقبولنا اوعدم قبووولنا.. باختصار انتم كيف عرفتوووا انكم انقبلتوووا ولكم مني كل احترام وتقدير..

عن نفسي بعد المقابلة الشخصية بأقل من اسبوع كلموني وقالوا لي تم ترشيحك و طلعنا ترشحنا أنا وثلاث زميلات بنفس التخصص ..بعد كذا معاملات ورقية وإجتماعات ولجنة محاضرين واخذ هذا الكلام من شهر 8إلى شهر 12 وكلمونا الأسبوع الماضي نستكمل إجراءاتنا بعد ماصدر قرار التعيين والآن أوراقنا بالخدمة المدنية ويارب تخلص بداية هذا الأسبوع ...أنت تقدر تروح للجنة المحاضرين والمعيدين أو تتصل عليهم وتعرف ايش صار بموضوعكم وأسألهم لو معاملتكم لها رقم يسير تتابعها إلكترونياً وأشوف أنك تنط لهم لو بالأسبوع مرة أو تأخذ رقم واحد فيهم وتكلمه يكون أحسن ...بالتوفيق بإذن الكريم
الله يرزقنا ويرزق جميع المسلمين

[وجه البدر]

المشاركة الأصلية كتبت بواسطة snowystorm عن نفسي بعد المقابلة الشخصية بأقل من اسبوع كلموني وقالوا لي تم ترشيحك و طلعنا ترشحنا أنا وثلاث زميلات بنفس التخصص ..بعد كذا معاملات ورقية وإجتماعات ولجنة محاضرين واخذ هذا الكلام من شهر 8إلى شهر 12 وكلمونا الأسبوع الماضي نستكمل إجراءاتنا بعد ماصدر قرار التعيين والآن أوراقنا بالخدمة المدنية ويارب تخلص بداية هذا الأسبوع ...أنت تقدر تروح للجنة المحاضرين والمعيدين أو تتصل عليهم وتعرف ايش صار بموضوعكم وأسألهم لو معاملتكم لها رقم يسير تتابعها إلكترونياً وأشوف أنك تنط لهم لو بالأسبوع مرة أو تأخذ رقم واحد فيهم وتكلمه يكون أحسن ...بالتوفيق بإذن الكريم الله يرزقنا ويرزق جميع المسلمين

مشكوره اختي بس انا من خارج جده ومن مكان بعيد بس بغيت رقم لجنه المعيدين والمحاضرين..


وتاني حاجه انتم اللي ترشحتوووا تم قبووولكم جميعا,,


ولك مني قائق الاحترام والتقدير

[blessed]

الله يسعدك يا قلب شجاع واسال الله لك التوفيق في الوظيفه يااااااارب الف شكر.

[قلب شجاع]

سنوي انتي في رابغ تعيينك ولا جدة؟
ومتى قالو لك المباشرة ؟ وليه الاوراق تروح للخدمة المدنيه؟ وألف مبروك مرة ثانيه

[snowystorm]

المشاركة الأصلية كتبت بواسطة قلب شجاع سنوي انتي في رابغ تعيينك ولا جدة؟ ومتى قالو لك المباشرة ؟ وليه الاوراق تروح للخدمة المدنيه؟ وألف مبروك مرة ثانيه

انا بالفرع حق رابغ ...بعد ماتستكملي الأوراقق وتعملي الكشف الطبي وتراجعي الأحوال وتعدّلي وضع المهنة، يرفعوا اوراقك للخدمة المدنية وكل اللي اعرفهم قالوا لي تأخذ واحد يوم بالخدمة المدنية يعني مرة ماتطول(أتوقع يرفعوها عشان شئ متعلق بالرقم الوظيفي)...بعدها يعطوكي خطاب تباشري فيه ..ربي يبارك فيكي وعقبالك يارب

[قلب شجاع]

أنا معاكي ان شاء الله في رابغ راح استكمل اوراقي الاسبوع الجاي بس هل يعني انه لسه ماصدرت ارقام وظيفية ولا بس اجراء قانوني ؟ وهل لما كلموكم حددو لكم المدة عشان تستكملوا الاجراءات ولا عادي ؟ لاني راح اتأخر عنكم أسبوع تقريبا

[snowystorm]

المشاركة الأصلية كتبت بواسطة قلب شجاع أنا معاكي ان شاء الله في رابغ راح استكمل اوراقي الاسبوع الجاي بس هل يعني انه لسه ماصدرت ارقام وظيفية ولا بس اجراء قانوني ؟ وهل لما كلموكم حددو لكم المدة عشان تستكملوا الاجراءات ولا عادي ؟ لاني راح اتأخر عنكم أسبوع تقريبا

ياهلا فيك حبيبتي ..والله في خانة الرقم الوظيفي تركناها فاضية وحتى الموظف ماعباها فأتوقع تترفع للخدمة المدنية وبعدها تأخذي الرقم الوظيفي (مجرد تخمين)

باللي اعرفه أنه أسبوع تأخير عادي ..بس الأفضل تكلمي أحد عشان ترتاحي أكثر زي مثلاً لو أحد من أهلك يروح قسم الرجال ويكلم أحد في شؤون الموظفين ..أو تتصلي ع د.رحمة العلياني وتسأليها عشان يرتاح قلبك وتعرفي تدبري أمورك

[مس أسيتون]

سنوستوم ابتواصل معك عشان المواصلات ان شاء الله ؟ واكتبي رقم الشركة