آخر أيام دراسة الإحصاء هنا

[احدهم]

اكسامبل 4-28 ص 202 كاني شفته بس لما دورت ما لقيته ياليت احد يفهمني هوه

[lujain alsharif]

المشاركة الأصلية كتبت بواسطة كنت متفائله lujain alsharif ربي يوفقك وتأخذي 40 بكره يارب

آمييييييييييين الله يسعد قلبك يا شيخة زي ما اسعدتيني بالدعوة الحلوة دي

و انتي كماان و كل الي في المنتدى .... و كل البنات و الأولاد ياا رب و يرزق كل واحد التخصص الي يبغااه و يعوضناا ان شاااء الله

[احدهم]

ان نوون خير دموع ليه يابنتي احتفلي بتخلصي

[υикиσωи]

المشاركة الأصلية كتبت بواسطة lujain alsharif و الله مررة سووري تقدري تفهميني تاني $:$:$: دحين ... زي مثلا في مثال ... 22-5 صفحة 261 ... كيف عرفنا انوا احتمالها بـ 6/1 و كيف نقول في شروطها انوا ناتجها يا يكون 2 او نقدر نخليه 2 مررة ملخبططني و الله اناا اسفة s:s:s:

دا المثال يا عسل مو ع الاحتمالات ..

دا ع المين والفارينس ..الخ

طيب نشوف الشروط ...عشان نطلق عليه باينوميال ولا لا ..
1)اول شي دبندنت ولا اندبندنت ...
حيكون اندبندنت لانو كل رمية للزهرة مالها صلاح في الرمية التانية
يعني لو طلع عندي رقم 5 مسلا في الرمية الاولى دا ما يمنع انو يطلع نفس الرقم في المرة التانية
2) عدد مرات التجربة موجود اللي هوا N = 480 مرة
3)الاوتكم اتنين بسس مهي اكتر ولا اقل ... لانو يا اما يطلع 2 او يلطع رقم غير الاتنين
<< حسب المعطيات ..

بكدا اتحققت عندنا الشروط

نجي نوجد الــp,q
الــp تمثل الــsuccess ..الي هيا هنا طلوع الرقم 2 ... احتمال ظهور الرقم 2 كم ..!
حيكون 1\6

نجيب الــq ... حتكون الارقام الباقية غير الــ2 .. حيكون احتمالو 5\6

والــn عندنا من زمان من المسألة ..480


كدا خلاص يمدينا نجيب المين حسب قانونو ..والفارينس والستنادرد حسب قوانينهم ..

=)

[lujain alsharif]

الله يعطييك العاااافية يااا رب و ما يضيعلك تعب =) مررة شكراا
وصلت الفكرة ;-)

[υикиσωи]

المشاركة الأصلية كتبت بواسطة احدهم اكسامبل 4-28 ص 202 كاني شفته بس لما دورت ما لقيته ياليت احد يفهمني هوه

هع هع ..
دا تلاقيه في موضوع لــنتحدى الاحصاء
قلنا الاختبار اللي فات ..

المهم يا عسل ...

المعطيات

C 5
N 25
_______

Total=30


طيب هنا في المسال حاسبينوو بالــمالتبلكيشن رول ..
خما يقولو انو اخدو عشوائيا سي ديين ..فايش احتمال انو يطلعو الاتنين C ..
ما زكرو سيرة الارجاع معناتو بدون ارجاع ... <<يعني Dependent

نحلو عايدي ..
P(C and C )=5\30 x 4\29=2\87


انا احب الباينوميال والكاونتنغ ...
نشوف الكاونتنغ ... بما انو في تكرارات زي مو واضح في المعطيات ... وهوا دبندنت ...فنقدر نستخدمو ..

P(2 C)=5C2\30C2=2\87


طيب نشوف الباينوميال ..نلاقي ما ينفع لانو اول شرط اتخل اللي هوا انو مهو اندبندنت

وزي ما قلت قبل شيوية ...مستحيل نقدر نوجد مثال بباينوميال وكاونتنغ في نفس الوقت ..

[υикиσωи]

المشاركة الأصلية كتبت بواسطة احدهم ان نوون خير دموع ليه يابنتي احتفلي بتخلصي

ابا ابكي ..
بكرا اخر يوم << تبا تتلطش ..

وعندي نوم ..وما نمت
وبكرا ورايا اشغال
متى اصحى ..متى انام ..!..

[احدهم]

شكرا مره شكرا
طيب خلصتي مذاكره ولا لا ؟

[υикиσωи]

<< الا الح ــمد لله من ساعتين تقريبا ..

=)

شكلي حاروح خلاص قفلت ..

[احدهم]

المشاركة الأصلية كتبت بواسطة υикиσωи << الا الح ــمد لله من ساعتين تقريبا .. =) شكلي حاروح خلاص قفلت ..

روحي نامي الى الساعه 6 ونص ولا سبعه وبعدين قومي صلي وراجعي ونوم العوافي يارب واحلام سعيده بمناسبه انتهاء السنه التحضيريه