حمله تاجيل الدراسه في الجامعه

[دافور بس داشر]

بصراحه الوضع الى الان غير مطئن
مواقع الطقس تشير الى احتماليه استمرار الامطار الى يوم الاثنين
على الاقل يتأجل على الاثنين

[candi]

شوفو انهم ما يردو علينا
وانهم مصرين على دوامنا هدا ما يدل إلا على
انو عندهم عادي تمووت تتحرق في ستين الف داهيه لكن لازم صورتهم تكون حلوا لو متنا ( بعد عمر طويل ياااارب) يقولو في السنين الجايه جامعة الملك عبدالعزيز اللي من كتر حب العلم في دي الدوله ودي المدينه ودي الجامعه
اصر طلابها على الحضور وحتى لو كان في دا خطر على حياتهم
وماتو الله يرحمهم في سبيل العلم
ولازم نقتدي فيهم
وتسير احسن جامعه في المملكه
وتسير الجامعه القدوه دا اللي يبغوه
وهما نايمين في بيتهم
لكن انا بعد ما شوفت اشياء كنت لسا ما شوفتها
قسما بالله وربي والي خلقني واللي خلق دا الكون
اني ما حأداوم
اموت في بيتي
او يجيني السيل والمسك وكل شي لحد عندي
ولا اروح للموت برجلي
لا والله روحي مو لعبه في يد الطيب والتاني
وحسبي الله ونعم الوكيل فيكم
حسبي الله ونعم الوكيل في اللي كان السبب
حسبي الله ونعم الوكيل

[smorh]

إن الله مع الصابرين

[حلم القمر]

أنا معاكم بالحمله
وأقول يكفي الضحايا اللي عند سور الجامعه
لو نغيب ثلاث أيام على الأقل وبعدين نحاول مانغيب عشان اللي خايف من الغياب والحرمان.
وما اتوقع الوطنيه لها دخل بالذهاب الى الجامعه صار اللي يخاف على نفسه ماينتمي لوطنه
هذا الكلام غـــــــــــــــــــــــــــــــــــــــــــــــــ ـــــــــــــــــلط
وانا اقول اللي بيروح أنسان أناني يفكر في نفسه وبس ومايفكر في أهله شلون لو فقدوه أيش راح يصير فيهم.

[حلم القمر]

أنا أقول مو لازم الموافقه تجي ومو لازم الخطابات اللي مالها أي اعتبار من قبلهم
لانه مهما اتكلمنا الصوت مو مسموع أو بمعنى أصح متجاهل
لو غبنا كلنا ماراح يأخذون حضور هذا اذا حضروا الدكاتره والاستاذات.
واكيد راح يعذرونا ....

[girl.k.s.a]

السلام عليكم ,,

أنا معاكم وصرآحه ما نقدر نداوم أول شي الطرق راح تكون زحمه لان الشوارع اللي قريبه من الجامعه
خربانه وما نقدر نروح ,, تاني شي أهلي يحتاجوني وأنا ما أبغى أروح أموت لسى ورايا حج وعمرة بإذن الله ,,
ثالث شي في ناس كثير فقدوا أهلهم فقدوا أصدقائهم فقدوا أقاربهم فقدوا أغراضهم بطاقات الجامعه
بيوت بكاملها كتب ,, سيارات .. سواقين ماتوا كيف الواحد بيداوم ؟؟ كيف بيكون لي نفس أداوم وأنا حالتي
النفسية يرثى لها من الكوارث هادي خلونا بس نتأكد إن ما راح يجينا شي بإذن الله ونحنا راح نداوم نحنا ما
نبغى إجازة عشان نتمشى وإلا طفشانين لا بالعكس نحنا نبغى نتطمن على أنفسنا وعلى أهالينا وبعدين راح نداوم
وراح نختبر كمان ’’ وبعدين الاجازة كلها إسبوع مو أكثر يوم أنفلونزا الخنازير قلنا طيب في دوام بس دحين الوضع
ما يساعد أبدا انوا نداوم ولا تنسوا نحنا بدأنا الدوام قبل المدارس باسبوع يعني ما راح ينقص شي عنهم ولا راح يزيد ’’
أتمنى إنكم تنظروا للوضع بعين الواقع لان في أناس كثير ساكنين في الأحياء اللي أتضررت وما راح يقدوا يداوموا يعني
حرام تروح عليهم اختبارات ومحاضرات ونحنا كمان ما راح نتقبل المحاضرات بالحالات اللي نحنا فيها ..
وفين بعض الناس اللي يقولوا في أوروبا كل يوم مطر يعني ما كانوا داوموا ’’دحين هما يقارنوا أوروبا بالمملكة
من ناحية السدود وتصريف المياه ’’ هما عندهم تصريف ممتاز ونحنا عكسهم .. يعني مافي وجه مقارنة ,,
أتمنى من العلي القديرأن يهديكم إلى الصواب وهو المحافظة على أرواح أبناء وبنات الوطن ,,
وأعتذر من صآحبة الموضوع على الإطالة ,,

[لحن الحياهـ]

كلامك عجبني مررره
بس فين اللي يسمع

[دايخة في كلية بايخة]

جاءنا القرار التالي :
صدر المرسوم الملكي رقم 5 تقسيم ب الصادر مني انا ........ بأنه بناء على رغبة الاعضاء (الوطنية ) فقد قررنا التالي :
1) غيبووووووووووووووووووووووووووووووووووا <<<<<ههههههههه
بصراحة ابوية حالف محد يوطي البيت بكرة ...وانا واعوذ بالله من كلمة انا مااعصي ابوية عشان شي راح يضرني..وبعدين توني مكلمة صحباتي وولا احد راح يجي ...

[غدا افضل]

حسبي الله ونعم الوكيل
مافي تقدير للوضع

[L.H]

أنا مع تأجيل الدراسة بسبب ( الزحمه التي بتصير إذا جاء مطر كل الأباء والأمهات
الموظفات كلهم بيخرجون بوقت واحد بيرحون يأخذون أطفالهم الصغار والكبار
من المدارس وإذا فيه سيول أو انفجرت بحيرة العفن بيصير فيه وفيات وحوادث اكثر
من المره السابقه بسبب أن الناس كلها بشوارع .