ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[حلاالدنيا]

واحنا كمان بنتستنى تحديد الثقافه لاتنسونا يسعدكم ربي

[BIRA]

ههههههههههههه الله يسعدك يافروحه ويعطيكي على قد نيتك يارب يلا انا زي ماقلتي بسوي إعلان وإن شاء الله نلاقي أحد

[فرحة]

المشاركة الأصلية كتبت بواسطة bira ههههههههههههه الله يسعدك يافروحه ويعطيكي على قد نيتك يارب يلا انا زي ماقلتي بسوي إعلان وإن شاء الله نلاقي أحد

هههههههه ان شاء الله
عموماً انا نفسي اتعرف عليك اكتر ياريت نتواصل على الخاص وناخد ارقام بعض

[فرحة]

امس كان يوم حافل
رحنا لحديقة السميري ولكل من لا يعرف ينبع
حديقة السميري حديقه خاصه بالنساء فقط ممنوع دخول الرجال حتي ولدي الي عمرو سبعه سنوات لا يسمح له بالدخول
بس انا دايماً اكذب واقول انو في المتهيدي عشان يدخلولي هو
انا دايما مواعيدي امريكيه والله العظيم
بس حصلي ظرف وانا خارجه من البيت ولدي جاتو كته في نفسو واطريت احطلو الجهاز حق التنفس
وجلست جمبو وفكرت الغي روحتي للحديقه غير انو جلس يتوسلني عشان نروح
ورحت لجل عيونو هو قلبي وعقلي
اول ما دخلت الحديقه كان فيه اتفاق بيني وبين حلا الدنيا اني راح اوصل الساعه خمسه واتركلها ورقه عند المسؤله الي عند الباب هي مسؤله عند اخذ الفلوس رسوم الدخول تقريبا خمسه ريال للنفر
المهم انا وصلت متأخره بسبب الظرف حق ولدي الي حكيتكم عنو
اول ما دخلت قلت للمسؤله بعد ما سلمتها رسوم الدخول حقتي وبعد ما كذبت عليها زي العاده وقلتلها انو ولدي في المتهيدي بدال ما اقول انو سنه اولى يارب سامحني
المهم سألتها هل في وحده سألت عني انا اسمي فرحه
قالتلي في وحده رجتنا سألت عنك مره كتير بس تروح وتجي تسأل عنك وتقول مافي وحده اسمها فرحه تركت ورقه عنكم
قلتلها لاني اتأخرت ساعه كامله عن موعدي اتفقت اجي الساعه خمسه والساعه الان ستة
المهم تركت ورقه عندها فيها رقم جوالي وقلتلها لو جات بنت اسمها حلا الدنيا سلميها هيا
ودخلت للحديقه وانا مره زعلانه من نفسي لاني عمري ما اتأخرت على احد قد كدا ودايما التزم بمواعيدي
ولكن قدر الله وماشاء فعل احمد ولدي اخرني مره
المهم دخلت الحديقه وشفت صحبتي ........ جالسه مع وحده ما اعرفها اشرتلي من بعيد اشرتلها ورحت لعندها سلمت عليها
وابتسمت لزميلتها الي جالسه جمبها وقلت لصحبتي مين هادي عرفيني عليها قالتلي والله دي فلانه وانا ما اعرفها غير اني جيت بدري على موعدنا خمسه وانتي اتأخرتي وما لقيت مكان اجلس فيه ما كان عندي فرشه فطلبت من البنت هنا .....
انها تجلسنس معاها وهيا ما قصرت
المهم قلت لصحبتي طيب استأذنك لحظه اشوف الحرمه الي عند الباب تركت معاها ورقه فيها رقم جوالسي ابغا اشوف البنت الي من المنتدي حلا الدنيا استلمتها ولا لاء
الا البنت الي جالسه وجلست صحبتي معاها عشان صحبتي ما كان عندها فرشه
البنت طالعت فيه وابتسمت ابتسامه ناعمه وقالتلي
انتي فرحه من منتدي عبد العزيز
قلتلها ايوا انا هيا انتي مين ؟؟؟
قالت انا حلا الدنيا ابتسمت لها
واقسم بالله ان الارواح كما قال رسول الله الارواح جند مجنده ما تعارف منها ااتلف وما تنافر منها اختلف
حسيت براحه لحلا الدنيا
وجهها مره من الوجوه المنوره
وغير كدا لما جلست اتكلمت معاها لقيت كلامها كلو كلام راقي
ما في فشخره انا ما احب المظاهر ولا الفشخره
واذا اخترت صحبات اختارهم زيي عشان كدا ارتحت لحلا الدنيا
بعد شويه وصلت الماسة الحب اتصلت على جوالي ودليتها على محلنا
جلسنا كلنا من سته الي ....
انا خرجت بدري كانت الساعه تسعه لما خرجت لاني خرجت بدري بسبب احمد ولدي كان مره تعبان
وصدرو مره مكتوم
ادعولو يابنات
حبيت احكيكم عن الي صار معايا لاني حابه الموضوع يتحرك شويا
وجكوني يا حلوين ايش اخبار الدراسه معاكم ؟؟

[فرحة]

http://www.skaau.com/vb/showthread.php?t=121364

يا بنات هدي الصفحة ادخلو عليها فيها موضوع انجليزي مره مهم فيها ملخص للماده مره ملخص سهل وحلو
الي لسا ما درس انجليزي مره حيسهل الملخص دا عليه الدراسه فيه قاعدات وكلمات وترجمه قطه للكتاب كامل
الموضوع منقول من الاخ دارس
اسم الموضوع
" ملخص رائع ومميز لانجليزي 101 "
ياريت تدخلو الموضوع وتحملو الملف

[بنوتة هلالية]

بناااااات اسئلة الحاسب اللي ف المنتدى مو زي الكتاااااااب حتى الملخصات ياليت تردووو

[فرحة]

هدي مواضيع هامه لمادة الانجليزي


تعالوا عندي شي مهم وبيفيدكم بالانجلش !!


ملخص رائع ومميز لانجليزي 101

هدول اهم موضوعين في الانجلش اتمني تدخلو عليهم وتحملو الملفات الي فيهم عشان تستفيدو
الموضوع التاني ملخص للماده لكامل الكتاب يعني ما نحتاج مدرسه تشرح الماده ولا يحزنون
يكفي نحمل الملخص وان شاء الله النجاح مضمون

[فرحة]

هادي مواضيع هامه للحاسب
تلخيص الفصل الأول من الحاسب الآلي - المنهج الجديد


وهنا في الموضوع الاخت اميره بكلمتي جزاها الله خير ساعدتنا وكتبتلنا اشياء مفيده تساعدنا في دراسه الحاسب
انا رجعت نقلتلكم هيا تاني عشان تستفيدو وعشان الي ما شافها من اول يقرئها دحين

السلام عليكم ورحمة الله وبركاته
صباح الخيييير ياحلويييييييييييين
شخبآركم يآحلوات مع المحاضرات؟؟!!!
دعوآآآآآآآآآآآتي لكم جميعآ الله يوفقكم آنشآء الله ويحقق آحلامكم بآذن الله.....

طبعآ لي فترة مآدخلت المنتدى بس والله مع الدوام دأ مدري كيف حياتي كلها أتلخبطت بس مآآقول غير
الحمدلله على كل حال
المهم آنآ من بدايتي في الدورة لين اليوم دا ولا دكتورة جابتلنا سيرة ( حذف)
في الحاسب: الدكتورة قالتلنا ركزوآ آكتر شئ على الآجزاء النظرية ,,, والآجزاء الباقي اللي هي
( الوورد والاكسس والاكسل والبوربوينت و ومتصفح النت) ركزو على الرموز المختلفة من موضوع عن التاني
مثلاً في البور بوينت عندكم رمز (1- شريحة جديدة,, 2- تصميم,, 3- عرض الشرائح,, 4-أخفاء شريحة....)
وشوفوأ أيش فيه رموز تانية موجوده في البوربوينت وماهي موجوده في الورد...
وفي برنامج الأكسس(1- أدراج سجل جديد,, 2- حذف سجل.....) هم بعد شوفوا أيش فيه رموز موجوده
هنا تختلف عن البرامج الباقية... وهكذا مع البرامج الباقي,,
وطبعآ تركزوا كمان على الدروس بس آنآ آعطيتكم كأمثلة...
والدكتورة قالتلنا آنو الآسئلة تقريباً حوال 50 سؤآل لكل سؤال درجتين...
أما في العربي: الدكتور مآحذفلنا شئ وقالنا آن الوحدة الثانية القواعد النحوية الأساسية
أغلبية الأسئلة منها يعني ركزو على الدروس اللي فيها والنجاح مضمون >>>هذا كلام الدكتور....

وفصفحة 156 الجدولين قال دا مررررررة راح يساعدكم في الحفظ والفهم.....
وفي الثقافة الاسلامية: الدكتورة مآحذفتلنا شئ بس تقريبآً وهي تشرح توقف عند آشيآء
تقلنا أن دا الشئ مهم وجات للي قبلنا,,


وفي مشاركه تانيه لها كتبت الاخت محبة لغموضي والاسم مره عجبني لانو الغموض صفه مهمه جدا وبالنسبه للمرأه دي الصفه لازم تكون موجوده وهي اكتر صفه تثير جنون الرجل بك وتجعله متعلق بك اكثر " الغموض "

بالنسبة لمآدة الحآسب

كنت مرة خآيفة منو وشايلة همو بس وقت شفت الكتــآب والدروس تطمنت ههههه


آســتاذة الحآسب قالت انهم ما بيركزو في التفاصيل الصغيرة اللي تحتاج تطبيق عملي فهادا صعب

تقول لو تطبقو { الوورد ـ الآكسل ـ الآكسس ـ الباور بوينت ـ الآوت لوك } في جهازك بيتركز في مخك

والصرآحة انا جربت الطريقة وفعلا حسيت بسهولة المادة

هي تحتاج تطبيق .. والآشيــاء الدش { يعني الكلام } نحفظها مافي مجال ههههه

طبعا مافي حذف

اتمني اكون افدتكم
شدو الهمه

[بنوتة هلالية]

اخت فرحة ياليت تنزلي تلخيص الفصل الأول من الحاسب الآلي - المنهج الجديد لانو مانزلتي وعندي الاسئلة اللي في المونتدى بعضها مو شارحها الكتاب يعني حق السنة اللي فاتت وانتي لو تفتحي قسم الملخصات تلقي اشياء مو معاناا ياليت تردي

[الماجد]

يمنع منعا باتاً وضع أرقام الجوالات والهواتف و وسائل الاتصال المختلفة ( كالبريد الإلكتروني أو المراسلة الفورية أو المواقع الشخصية الخ ) في المنتديات و يستثنى من ذلك الأرقام العامة التي تخدم الطالب كرقم مكتبة أو فندق الخ .

النظام العام لمنتديات طلاب وطالبات جامعة الملك عبدالعزيز