]| التدريب الصيفي أرامكو 2013 ,*| لـ اِستفساراتكم هنا|*, |[

[CHBE]

-------------------------------------------------------------------------
ان شركة الزيت العربية السعودية (ارامكو) بعد ان نظرت في طلبك بشأن التحاقك في برنامج التدريب الصيفي للجامعيين تعرض عليك وظيفة مؤقته في منطقة ) منطقة الجبيل وضواحيها) لمدة 8 اسابيع بهدف التدريب ولا تزيد بأي حال من الأحوال عن 10 أسابيع مع وجود اسباب لذلك.
-------------------------------------------------------------------
جاني ايميل اليوم...فين يقصدو بمنطقه الجبيل و ضواحيها؟ الجبيل الصناعيه ؟ في احد عندو اي فكره؟

[noreeman]

طيب الي زي حالي في منطقة نائية هل راح يوفرو لي سكن ولا اجيب خيمة معايا؟

وابغى اسأل اشياء كثير لنفس المكتب الي في الحويه كيف احصل رقمهم؟

[Eva160]

المشاركة الأصلية كتبت بواسطة اسير تحرسه ملاك هل للأستاذ خالد السويد إيميل ؟ لأني ما اعرف الأستاذ ولا عندي ايميله

دي ايميل تبع استاذ خالد السويد
khalid.suwaid@aramco.com

[noreeman]

المشاركة الأصلية كتبت بواسطة chbe ------------------------------------------------------------------------- ان شركة الزيت العربية السعودية (ارامكو) بعد ان نظرت في طلبك بشأن التحاقك في برنامج التدريب الصيفي للجامعيين تعرض عليك وظيفة مؤقته في منطقة ) منطقة الجبيل وضواحيها) لمدة 8 اسابيع بهدف التدريب ولا تزيد بأي حال من الأحوال عن 10 أسابيع مع وجود اسباب لذلك. ------------------------------------------------------------------- جاني ايميل اليوم...فين يقصدو بمنطقه الجبيل و ضواحيها؟ الجبيل الصناعيه ؟ في احد عندو اي فكره؟

ايوه يعني في الجبيل بس طبعاً لما توصل لمكتب الجبيل هما يعرفون وين يودونك على اي مكان الي فيه الركويست بالضبط

[Eva160]

المشاركة الأصلية كتبت بواسطة chbe ------------------------------------------------------------------------- ان شركة الزيت العربية السعودية (ارامكو) بعد ان نظرت في طلبك بشأن التحاقك في برنامج التدريب الصيفي للجامعيين تعرض عليك وظيفة مؤقته في منطقة ) منطقة الجبيل وضواحيها) لمدة 8 اسابيع بهدف التدريب ولا تزيد بأي حال من الأحوال عن 10 أسابيع مع وجود اسباب لذلك. ------------------------------------------------------------------- جاني ايميل اليوم...فين يقصدو بمنطقه الجبيل و ضواحيها؟ الجبيل الصناعيه ؟ في احد عندو اي فكره؟

الجبيل نفسها الجبيل الصناعيه.
ماشاء الله المدينه مره حلوه، انا اعرف احد موظف بسابك وساكن هناك.

[Eva160]

المشاركة الأصلية كتبت بواسطة noreeman طيب الي زي حالي في منطقة نائية هل راح يوفرو لي سكن ولا اجيب خيمة معايا؟ وابغى اسأل اشياء كثير لنفس المكتب الي في الحويه كيف احصل رقمهم؟

ان شاء الله رئيس قسمك يقدر يتوسط بخصوص السكن. لانو من اليوم الين بكره مكتب التوظيف راح يقولوا مافي سكن ومواصلات وماتدري لاقدر الله اول اسبوع يبدأ التدريب هما راح يغييروا رأييهم وراح يوفروا سكن ومواصلات للجميع.

ازا انتا حاب تتدرب حاول تنسق مع الشباب اللي انقبلوا تتفقوا تسكنوا مع بعض في فتره التدريب بدال تقول تجيب خيمه.

ازا حاب تعرف مكتب اللي في الحويه حاول تتواصل مع مكتب التوظيف بالظهران او جده او الرياض وتقول انتا حاب تعرف رقم مكتب اللي في الحويه.

ربنا يوفقك ويكتب لك الخير.

[safwan]

المشاركة الأصلية كتبت بواسطة eva160 بالصراحه رأس تنوره احلى بكتير من الظهران ازا عرفتوا تجربتي العام الماضي انو في البدايه اتنين من موظفي ارامكو قالو لي انو ارامكو راح توفر سكن ومواصلات بعدها قبل مايبدأ التدريب بأسبوعين جاء لي خبر انو ارامكو ماراح توفر سكن ومواصلات الا لطلاب/طالبات الطب. بعدها انا جيت هزئت مكتب التوظيف بالتليفون انو كيف مافي سكن ومواصلات، انا من الناس اللي ولامره راحوا ولاشافوا الشرقيه ولا عندي معارف بالشرقيه وكمانه جايه من امريكا، ازا حصل لي والطالبات زيي ضرر مين راح يحمينا على الاقل نسكن بسكن تبع ارامكو عشان الامان، الموظف سكت وقال راح يشوف. بس انا ووحده من البنات العام الماضي يبلي اسمها "متدربه ارامكو" عملنا اعلان بخصوص السكن نستأجر سكن مع بعض، احطياط" جاء موعد استلام بطاقتي مع التزاكير وورقه فيها بيانات القسم اللي راح اتدرب معاه والمنسق التدريب تبعي. الموظف ناداني مع بابا. استاذ سعيد الغامدي باين من وجهوا مره مالو نفس وهوا مضغوط وهوا كمان اعترفها لبابا " انتا عارف انو باين من وجهي انو مالي نفس". بابا الحمدلله حاول يتفاهم معاه انو ليه كده على اخر لحظه بيقولوا مافي سكن ومواصلات وانا شفت ايميل منك ومن ايميل استاذ خالد انو في سكن ومواصلات وبنتي جايه من امريكا مره ماينفع اخليها تكنسل. رد استاذ سعيد الغامدي قال انا والله انا ليا 4 سنوات ماسك المكتب وكل سنه بيحصل نفس الشيء o.o وانا اتفشل. بابا سأل ازا في اقل شيء استقبال او احد يعرفها على المنطقه لانو هيا بتروح لحالها ولا عندنا معارف بالشرقيه قال استاذ سعيد دا الشيء بس لطالبات اللي تدريبهم في المديكال، بابا قال خلاص حاولي تنسيقي مع البنات اللي راح يسافروا معاكي في نفس اليوم وان شاء الله يسير خير مادام أنو في بنات معاكي وبعض اهاليهم معاهم المهم انا والبنات استأجرنا شقه لما وصلنا ، معظم الشقق الجيده خلاص مستأجره عشان السياح استغفرالله الشقه اللي استأجرناها في اخر لحظه طلع مغشوشه،. مغشوشه من ايت ناحيه " السعر مو محدد انا ادفع ب200 ريال لليله وصحبتي مع اهلها ب150 ريال لليله، طلع المطبخ والحمام الله يكرمكم مافيها بلاعه ، الحمام الله يكرمكم السيفون والدش والشطاف مايشتغلوا، والغرف والصاله مو نظيفه مغبره وحشرات ميته بالجدر وقتها كان 10 الليل. انا روحت مكتب الاستقبال وكلمت الموظف اسمع ياتلبي طلباتي انو تجيب احد ينظف الغرفه ويصلح الحمام الله يكرمك يغطي البلاعات او اخد فلوسي واروح اسكن في فندق بالف ريال ولا اجلس هنا في بيئه وسخه، الموظف قال ماراح ارجع فلوسك، قلت شوف انا والله مااخاف من احد انا مستعده اتصل على الشرطه، قال مافي احد قال ايش رأيك اديكي مفتاح بقيه الغرف وتشوفي الغرفه اللي عجبك خلاص ارتاحي فيها ، النهايه طلع بقيه الغرف فيها نفس المشكله بس الشطاف تبع الحمام الله يكرمكم مخلوعه. رجعت الاستقبال كلو الغرف فيها نفس المشكله وباين عليكم ماتهتموا بالغرف، ماني عارفه كيف الناس اللي قبلي استحملوا المكان، قلت يالله يا تجيب احد يصلح وينظف المكان او اخد فلوس واطلع من هنا ازا ماراح تتعاون معايا راح اتصل على الشرطه. المهم اتعاون وطلب من الموظفين يجوا اسرع مايمكن وانا قعدت قداموا الين ماجوا وكان على 12 الليل. المهم اليوم التاني انا والبنات اللي معايا روحنا مكتب التوظيف على الساعه 6 الصباح وكلمناهم على اساس السكن والمواصلات، تقريبا 3 موظفين قعدوا معانا واحد منهم قال الموقع لما جيتوا قدمتوا انو مكتوب هما ماراح يوفروا سكن والمواصلات وانا قلت للموظف اتنين من موظفيكم قالوا انو في سكن ومواصلات والنهايه قبل التدريب باسبوعين مافي سكن ومواصلات، الموظف قال ايش رأيك اجيب لاب توبي ونشوف الكلام المكتوب انو مافي سكن ومواصلات انا رديت عليه انا مستعده اوريك ايميلي انو اتنين من موظفيكم قالوا انو في سكن ومواصلات بعدها الموظف مارجع. والتاكسي اللي وصلنا مو تبع ارامكو كان موجود في مكتب التوظيف كان راح يحاسب علينا ب150 ريال والموظف لاحظ انو هوا بيغش علينا والمفروض يحاسب علي والبنات اللي معايا ب20 ريال والنهايه اديناه 20 ريال. والحمدلله على الساعه 10 الصباح عملوا قرار انو يوفروا لنا السكن وبدأ توزيع السكن على رأس تنوره وبقيق وخرجنا مكتب التوظيف على الساعه 12 الظهر. اليوم اللي بعدها رئيس القسم تبعي العام الماضي عرف انا ساكنه برأس تنوره وحاول ينقلني على سكن ظهران قلت لو انا الحمدلله مبسوطه مسافه 45 دقيقه باص مبسوطه فيها. انا بالصراحه نفسي انو ما تكنسلوا التدريب وتأخدوا دي التدريب تجربه وامتحان من ربنا. حاولوا تتعاونوا مع بعض في موضوع السكن والمواصلات يكفي سياره وحده وماشاء الله تقدروا تسوقوا. دي السنه انا واختنا برايت فيوتشر عملنا اعلان للبنات اللي حابين يشاركوا معايا بخصوص السكن، انو انا راح اتفاهم مع رئيس القسم تبعي العام الماضي ازا يقدر يوفرلنا سكن ومواصلات بارامكو، وبرايت فيوتشر راح تتفاهم مع رئيس الاسكان تبع رأس تنوره انو نسكن هناكا "الحمدلله عندهم خبر ومستعدين يساعدونا قالوا ازا مكتب التوظيف ماوفروا لكم سكن يسير هما راح يتوسطوا لنا"، ازا طلع مافي اماكن خلاص انا وبرايت فبوتشر بنستأجر سكن ومواصلات مع بعض. الى ان عندنا بس وحده متعاونه والباقي 3 بنات مترددين. معليه على الاطاله

طيب ياليت لو تعطينا ارقام مكاتب تاجر شقق في راس تنورة

[Eng_fa]

اهلين انا قبلوني في رأس تنورة وبصراحة محتار اسكن في رأس تنورة ولا الدمام ولا الظهران عموما فيه راقام شقق عزاب هناك ؟؟ ولا كل شي اقدر عزاب وعوايل عادي ؟ وتنصحوني برأس تنورة ولا الوضع مو حلو هناك ؟ محتاررررر جدا ودي اجرب التدريب وما ودي بليززز فزعتكم ونصايحكم لاهنتوا

[Eva160]

المشاركة الأصلية كتبت بواسطة safwan طيب ياليت لو تعطينا ارقام مكاتب تاجر شقق في راس تنورة

المشاركة الأصلية كتبت بواسطة eng_fa اهلين انا قبلوني في رأس تنورة وبصراحة محتار اسكن في رأس تنورة ولا الدمام ولا الظهران عموما فيه راقام شقق عزاب هناك ؟؟ ولا كل شي اقدر عزاب وعوايل عادي ؟ وتنصحوني برأس تنورة ولا الوضع مو حلو هناك ؟ محتاررررر جدا ودي اجرب التدريب وما ودي بليززز فزعتكم ونصايحكم لاهنتوا

بالصراحه انا مااعرف ارقام شقق مفروشه برأس تنوره.
بس عندي فكره عن شقه مفروشه للعزاب بس ماني متأكده موقفها هل هوا بالظهران ولا الدمام ولا الخبر لانو المسافه بين دي المدينه تقريبا 10 دقايق بالسياره، المسافه بين الظهران ورأس تنوره تقريبا 45 دقيقه بالسياره.
معليه ادوني مهله يوم عشان استفسر عن واحد معارفي كان موظف بارامكو واستأجر شقه مفروشه في دا المكان ب2000 ريال بالشهر ، لانو العماره نفسها شقه مفروشه للشباب العزاب فقط.
راح اشوف استفسر من احد ازا يقدر يديني ارقام شقق مفروشه للشباب العزاب برأس تنوره، بس اديني على الاقل اسبوع.

لانو بالصراحه للبنات هيا اختنا برايت فيوتشر ارسلت احد من معارفها نشوف لنا شقق ومواصلات بالظهران ونصور لنا الشقه قبل ما نستأجرها.

ربنا يوفقكم ويكتب لكم الخير

[الصابر والمصمم]

الحمد لله انقبلت في الظهران .. لكن موضوع السكن مخوفني شوي .. أحد ممكن يدلنا ..