الأسئلة والاستفسارات عن كلية طب الأسنان ..

[~RAN~]

المشاركة الأصلية كتبت بواسطة razan kharraz أهليين بنات كيف حالكم ؟ وكيف رمضان معكم ؟ كل سنة وأنتم طيبين تمام الحمدلله وانتي طيبه يارب ~ بس حبيت أستفسر عن كم شيء عشان ما مداني أحضر الدورة .. *دحين بالنسبة لطب الأسنان حتكون في مقابلة شخصية ولا لأ ؟ وإذا في فمتى حتكون ؟ اخر شئ سمعته انه المقابله بس لطلاب الطب البشري الاسنان مافي بس مو اكيد الخبر *ومتى اختبارنا الإنجليزي ؟ وفي اختبار غيره ؟ مافي اختبار انجلش ياعسل *كيف الدوام نجي من السبت ؟ ولا بعد أسبوع من بداية الدراسة ولا كيف ؟ يب نداوم من السبت ان شاء الله *ومتى نستلم بطاقاتنا ؟ ويحتاج أجيب صور شمسية تانية ؟ الجامعه راح تحدد لنا موعد علشان نروح نغير البطاقات ومايحتاج تجيبي صور شمسيه (( مرة شكرا )) ,, مستنية ردكم xo

العفو ياعسل

بسألك سؤال ياعسل
انتي ليفل 4 اخذتيه عند مس انجي ومس سهيله ؟؟

[Razan Kharraz]

من جد والله سمعت في اختبار تحديد مستوى يلا أحسن انو مافي xd

والله مرررررررة شكراااااا رااان :*

لا أخدتو عند مس.لندسي xd

[~RAN~]

المشاركة الأصلية كتبت بواسطة razan kharraz من جد والله سمعت في اختبار تحديد مستوى يلا أحسن انو مافي xd لالا تحديد المستوى للطلاب الي توهم مسجلين في الجامعه والله مرررررررة شكراااااا رااان :* العفووو ياعسل لا أخدتو عند مس.لندسي xd

اهاا
لانه في وحده اعرفها برضو اسمها رزان وسمعت انها طب اسنان ~
يالله عقبال ما ااشوفك ونتعرف اكثر عليكي ^^

[Dr~NanoOok]

اهلا بيك رزان بكليتنا .. ومبروووك دخولك اجمل وامتع التخصصات باذن الله ^_^

الكلام الاخير لما سألوا طلبة البشري ان المقابلة الشخصية فقط ليهم
على العموم الشؤون بالكلية حيرسلوا رسايل للطلبة
فاذا كانت لكم مقابلة حيعطوكم خبر

والدوام ضروري تجوا اول اسبوع لانكم حتبدؤوا دراسة
وممكن من اول يوم

وخلال الاسبوع الاول الكلية حتقلكم على وقت تروحوا تغيروا البطاقات
وحيوفرولكم باصات توصلكم لهناك

[Razan Kharraz]

RaN: tslmi 7bebtii enshalla ya Rab :*) xo

Dr.Nanok: Allah ybarek feke ya Rab shokran leke :*) xo

walla kullakom bnat marra lozaz ylla enshallah at3rraf 3lekum aktar
xo

[محمد عماد]

المقابلة فقط لطلاب الطب البشري ..
لان كلية الطب هي الي اخذت الإعتماد الأكاديمي وسوت المقابلة عشان هذا الإعتماد

اما تغير البطاقات .. فيه قسم في عمادة القبول والتسجيل اسمه " قسم الملفات واصدار البطاقات الجامعية " انتي تروحي عندهم وتطلبي تغير البطاقة .. واذا تبغي تغيري الصورة جيبي صورة معاكي

بس اهم شيء تغيري البطاقة قبل بداية الإختبارات لانو بعض الإختبارات يطلبو البطاقة واذا كان مو مكتوب فيها اسم الكلية (الأسنان ) حيسوولك قروشة >> هذا في الطب ما ادري اذا موجود في الأسنان ولا لا

باقي الأسئلة جاوبو عليها د. ران و د. نانوك جزاهم الله خير

بالـــتــــوفـــيــــق

[Razan Kharraz]

Aha, Ok :]] !! Thank you Dr.Mohammed

[amiwa]

الحمد لله, وانتي طيبة^^
يعطيهم العافية الاخوات والاخوان ما قصرو
.............
د.محمد لفت انتباهي حكاية تغيير الصور o.o من جد يرضو يغيّرو الصورة؟؟؟؟؟؟؟؟؟؟

[محمد عماد]

المشاركة الأصلية كتبت بواسطة amiwa د.محمد لفت انتباهي حكاية تغيير الصور o.o من جد يرضو يغيّرو الصورة؟؟؟؟؟؟؟؟؟؟

يب .. راح يسألوك اذا تبغي تغيري الصورة او لا
ولا تنسي تجيبي معاك بطاقتك القديمة .. لانهم ما يسلموك البطاقة الجديدة الا بعد ما تعطيهم القديمة

[amiwa]

كويس يعني ما يعقّدوها d:
شكرا دكتور يعطيك العافية ^^