برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[Eva160]

المشاركة الأصلية كتبت بواسطة control91 من جدهم هذول ؟؟؟؟ وش هالحركه البايخه يقولون اول في سكن والحين لما كنسلنا الصيفي وسحبنا ع البنوك صار مافي سكن !!!!!!!!! حنا لعبه عندهم ؟

احس الشغل كلها copy & paste، أكيد في سكن لانو ماينفع كده على أخر لحظه ادور شقه ومفروشه ومواصلات وفوق دا انا غريبه عن المدينه.

ازا دولا من جد خلاص احنا البنات نتفق مع بعض على شقه لانو بالصراحه احس انا فلست انا بدفع شقه في امريكا مده 3 شهور على بعض وشكلوا مكافأه التدريب كلها راحت مع الشقه في الظهران لووووول، اما المواصلات نخلي اخواننا الطلاب اللي انقبلوا وراح يتدربوا "يراعونا احنا نعتبر اختهم في الاسلام
" يوصلونا ونديهم 10-20 ريال للبنزين لووووووووول.

بالصراحه في الايميل لما الاستاذ سعيد الغامدي ارسل نفس الوقت مع بنات تانيين في بنت باين عليها يا اتدربت مع ارامكو ولا هيا مبتعثه على حساب ارامكو لانو ايميلها مكتوب
@ARAMCO.COM

حصل خير ان شاء الله

[Super Linux]

افا ياأرامكو

والله مرا غريبه عليهم واصلن بالعقل المفروض السكن يكون موفر للطالبات مو للطلاب

يلا الحمد لله على كل حال

وقسم بالله اني استني منهم اي تعقيد عشان اسحب عليهم ههههههههه نفسي ف الصيفي وربي لمن اشوف الناس تسولف عن الصيفي اتحمس واقول ليتني ماقدمت ع ارامكو

المشكله الوالده ملزمه وماابي ازعلها فديتها :$

وفي نفس الوقت انا بستفيد اكيد 100% ان شاء الله

[lolyta lawlaw]

المشاركة الأصلية كتبت بواسطة eva160 احس الشغل كلها copy & paste، أكيد في سكن لانو ماينفع كده على أخر لحظه ادور شقه ومفروشه ومواصلات وفوق دا انا غريبه عن المدينه. ازا دولا من جد خلاص احنا البنات نتفق مع بعض على شقه لانو بالصراحه احس انا فلست انا بدفع شقه في امريكا مده 3 شهور على بعض وشكلوا مكافأه التدريب كلها راحت مع الشقه في الظهران لووووول، اما المواصلات نخلي اخواننا الطلاب اللي انقبلوا وراح يتدربوا "يراعونا احنا نعتبر اختهم في الاسلام " يوصلونا ونديهم 10-20 ريال للبنزين لووووووووول. بالصراحه في الايميل لما الاستاذ سعيد الغامدي ارسل نفس الوقت مع بنات تانيين في بنت باين عليها يا اتدربت مع ارامكو ولا هيا مبتعثه على حساب ارامكو لانو ايميلها مكتوب @aramco.com حصل خير ان شاء الله

ايوا هادي صحبتي ادربت معاهم السنه الي فاتات بس هي ماقدمات دي السنه

[Super Linux]

المشاركة الأصلية كتبت بواسطة eva160 ااما المواصلات نخلي اخواننا الطلاب اللي انقبلوا وراح يتدربوا "يراعونا احنا نعتبر اختهم في الاسلام " يوصلونا ونديهم 10-20 ريال للبنزين لووووووووول.

هههههههههههههههههههههههههههههههه

افا نسحب ع الصيفي ونتغربن وف النهاية سواقين ههههههههههههه امزح

تمام مرا ياايفا لو كلكم اتفقتو تاخذو سكن مع بعض راح تطلع عليكم القطه قليله يمكن كل وحده 100 ريال او 200 ف الشهر

اما المواصلات برضو موضوعها سهل تجيبو لكم سواق خاص ياخذ ف الشهر 1000 ريال

وبرضو يمكن لو انتم 5 بنات كل وحده تدفع 200 مع اني اتوقع حتكونو اكثر

وبكذا عندكم سكن خاص وسواق خاص مو بس يوديكم ارامكو برضو تستفيدو منه يوديكم مولات ومطاعم وتوسعو صدوركم معاه

وكمان انتي استغلي الرساله حقت الغامدي اسحبي منها كل الايميلات حقت البنات واتفقو مع بعض ع السكن وغيره

والله يكون ف عونكم

[Eva160]

المشاركة الأصلية كتبت بواسطة control91 طيب مارديتي عليه وسالتيه عن السكن ؟؟ من جد وش الهدف من الحركه !! هههههههه

وقتها كان 4 الصباح في امريكا وانا قمت على 8 الصباح توقيت السعوديه دا يعتبر 3 العصر.

أكيد بكره ان شاء الله راح يسير اتفاهم معاه من الصباح الين لما يخلص من الدوام انو دا الكلام ايه اختبار أخير للبنات انو مافي سكن والنهايه يطلع في مفاجأه سكن، لانو بالصراحه ماينفع 3 شباب اعرفهم واتدربوا مع ارامكو وادوهم سكن.

المهم انا راح اجهز ايميلات الاثبتات واقول ماينفع كده تتراجعوا عن كلامكم يا تجيبوا لي مكان اسكن ولا يسير ابيت في مكتب العمل واتروش في حمام العمل الله يكرمك بالدس لوووول " زي بعض المساكين اللي في امريكا اللي فجأه ينطردوا من عملوا من دون سبب مقنع ويخسر بيتو الله لايبلانا".

الله يوفقنا ويكتب لنا الخير.

[Eva160]

المشاركة الأصلية كتبت بواسطة lolyta lawlaw ايوا هادي صحبتي ادربت معاهم السنه الي فاتات بس هي ماقدمات دي السنه

عندك فكره عن صحبتك اللي اتدربت السنه اللي فاتت فين اتدربت وازا كان في الشرقيه وفرولها سكن ومواصلات ولا اضطرت تدبر لها شقه ومواصلات.

لانو بالصراحه احس عيب انو اتواصل معاها واعمل لها ازعاج مع بقيه البنات.

[lolyta lawlaw]

دربوها في الظهران و دبرولهم سكن لما مشرفتهم كلمتهم

[~ Mr. A. DES]

تمام مرا ياايفا لو كلكم اتفقتو تاخذو سكن مع بعض راح تطلع عليكم القطه قليله يمكن كل وحده 100 ريال او 200 ف الشهر

100 ريال بالشهر !
الصومال ما عملتها خخخخ


الشقة السياحي اللي يا دوب غرفة و نص ض1 و حمام ( والقاري بكرامه ) بـ 200 ريال ايجار باليوم
بس واجد يسكنوا فيها اكثر من 3
يعني كل وحده الله لا يهينها تدفع 4000 كاش مكافئة التدريب
و بلاش تاكلو من مطاعم سوبر خلو اكلكم طبيخ تعملوه او من اكل ارامكو المخفض

[Eva160]

المشاركة الأصلية كتبت بواسطة super linux هههههههههههههههههههههههههههههههه افا نسحب ع الصيفي ونتغربن وف النهاية سواقين ههههههههههههه امزح تمام مرا ياايفا لو كلكم اتفقتو تاخذو سكن مع بعض راح تطلع عليكم القطه قليله يمكن كل وحده 100 ريال او 200 ف الشهر اما المواصلات برضو موضوعها سهل تجيبو لكم سواق خاص ياخذ ف الشهر 1000 ريال وبرضو يمكن لو انتم 5 بنات كل وحده تدفع 200 مع اني اتوقع حتكونو اكثر وبكذا عندكم سكن خاص وسواق خاص مو بس يوديكم ارامكو برضو تستفيدو منه يوديكم مولات ومطاعم وتوسعو صدوركم معاه وكمان انتي استغلي الرساله حقت الغامدي اسحبي منها كل الايميلات حقت البنات واتفقو مع بعض ع السكن وغيره والله يكون ف عونكم

دحينه انا بديت افكر لما اوصل مطار ارامكو انا والبنات مهجورين في المطار مع الشنط، مانعرف فين نروح، والله شكلي راح اقول لاستاذ سعيد الغامدي واستاذ خالد السويد انو هما يدوروا لنا سكن طيب مع نت ومغروشه الخ.. ويسير مابين 5-6 بنات يسكنوا مع بعض، مواصلات هما يوفروها لنا مهما كان لانو هما مسؤولين عننا من البدايه يقولوا في سكن ومواصلات والنهايه لا مافي يتحملوا غلطتهم ، والله عيب اروح مدينه غريبه وانا كده مهجوره وايش دا اول ما اوصل المطار ولا احد يستقبلني ويوريني المدينه، للأسف عايشين في نظام فاشل.

بالصراحه موضوع السواق مو بالسهوله والله لو تعرف معانات بنات جده مع السواقين كل وحده تسأل مين تعرف سواق تمام واستغفرالله بعض سواقين دي الايام يطولوا لسانهم، والنهايه يسير لنا معاناه مع باصات ولا تكسي.

[Eva160]

المشاركة الأصلية كتبت بواسطة lolyta lawlaw دربوها في الظهران و دبرولهم سكن لما مشرفتهم كلمتهم

الله يسعدك طمنتيني شويه، يبالي استنى مين المشرفه اللي مسؤوله عني.