برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[Eva160]

المشاركة الأصلية كتبت بواسطة ~ mr. A. Des 100 ريال بالشهر ! الصومال ما عملتها خخخخ الشقة السياحي اللي يا دوب غرفة و نص ض1 و حمام ( والقاري بكرامه ) بـ 200 ريال ايجار باليوم بس واجد يسكنوا فيها اكثر من 3 يعني كل وحده الله لا يهينها تدفع 4000 كاش مكافئة التدريب و بلاش تاكلو من مطاعم سوبر خلو اكلكم طبيخ تعملوه او من اكل ارامكو المخفض

الله يستر ازا 200 ريال في اليوم والتدريب لمدة شهرين راح يسير تقريبا 12000 ريال ، يعني في السكن لازم اقل حاجه 4 بنات يسكنوا مع بعض يسير كل وحده تدفع 3000 ريال ويبقي 1000 ريال لكل وحده لا يروح 4000 مننا مع السواق ويسير النهايه بنعيش حياة الفقراء و نرجع لاهالينا نحاف.

ان شاء الله ربنا كاتب لنا الخير، ان شاء الله بكره الموضوع ينحل.

[Christopher Nolan]

المشاركة الأصلية كتبت بواسطة eva160 وقتها كان 4 الصباح في امريكا وانا قمت على 8 الصباح توقيت السعوديه دا يعتبر 3 العصر. أكيد بكره ان شاء الله راح يسير اتفاهم معاه من الصباح الين لما يخلص من الدوام انو دا الكلام ايه اختبار أخير للبنات انو مافي سكن والنهايه يطلع في مفاجأه سكن، لانو بالصراحه ماينفع 3 شباب اعرفهم واتدربوا مع ارامكو وادوهم سكن. المهم انا راح اجهز ايميلات الاثبتات واقول ماينفع كده تتراجعوا عن كلامكم يا تجيبوا لي مكان اسكن ولا يسير ابيت في مكتب العمل واتروش في حمام العمل الله يكرمك بالدس لوووول " زي بعض المساكين اللي في امريكا اللي فجأه ينطردوا من عملوا من دون سبب مقنع ويخسر بيتو الله لايبلانا". الله يوفقنا ويكتب لنا الخير.

يووو شلون يصير هذا الكلام؟؟
طيب لو حكو لنا من اول كان تصرفنا بسرعه بس بهذا الوقت مره ماراح يمدينا نسوي اي شي


ايفا انا الى الان ماوصلني الايميل
ممكن يوصلني من الاستاذ خالد لان القبول لما وصلني كان من ايميلو

وقتها انا راح اكلموا وافهم الهرجه لانو هو مرتين اكد لي على موضوع السكن

ويارب خير

[~ جـنـان ~]

انا من المدينة المنورة من جامعة طيبة وانقبلت في التدريب الصيفي ,, مكتب توظيف ينبع أكدلي انا وزميلة لي بان السكن متوفر والمواصلات ايضا وتذاكر السفر من والى الظهران

فأعتقد ان أ سعيد ملخبط او محد حدثله معلوماته بان هالسنة موفرين السكن للطالبات

سؤال للبنات الي معاملتهم عند مكتب توظيف جدة ,, حددولكم موعد للتصوير ؟؟ غير موعد استلام تذاكر الطيران ورسالة التوجيه الي وصلت اليوم الصباح ؟؟؟

لأن انا كنت مسجلة في مكتب توظيف جدة وبعدين حولت على ينبع لكن صارت تجيني رسايل من المكتبين ولخبطوني !!!!

[Eva160]

المشاركة الأصلية كتبت بواسطة christopher nolan يووو شلون يصير هذا الكلام؟؟ طيب لو حكو لنا من اول كان تصرفنا بسرعه بس بهذا الوقت مره ماراح يمدينا نسوي اي شي ايفا انا الى الان ماوصلني الايميل ممكن يوصلني من الاستاذ خالد لان القبول لما وصلني كان من ايميلو وقتها انا راح اكلموا وافهم الهرجه لانو هو مرتين اكد لي على موضوع السكن ويارب خير

انا القبول المبدئي والنهائي من استاذ خالد السويد

اما المسج اللي جاني عن التزاكير وخطاب التوجيه من استاذ سعيد الغامدي،
ويبلي تقريبا اتأكدت الموضوع عن السكن مرتين معاه كده قبل 3 اسابيع الاستاذ سعيد الغامدي.

ان شاء الله حصل خير

[Eva160]

المشاركة الأصلية كتبت بواسطة ~ جـنـان ~ انا من المدينة المنورة من جامعة طيبة وانقبلت في التدريب الصيفي ,, مكتب توظيف ينبع أكدلي انا وزميلة لي بان السكن متوفر والمواصلات ايضا وتذاكر السفر من والى الظهران فأعتقد ان أ سعيد ملخبط او محد حدثله معلوماته بان هالسنة موفرين السكن للطالبات سؤال للبنات الي معاملتهم عند مكتب توظيف جدة ,, حددولكم موعد للتصوير ؟؟ غير موعد استلام تذاكر الطيران ورسالة التوجيه الي وصلت اليوم الصباح ؟؟؟ لأن انا كنت مسجلة في مكتب توظيف جدة وبعدين حولت على ينبع لكن صارت تجيني رسايل من المكتبين ولخبطوني !!!!

هوا احتمال في لخبطه مع الموضوع الله يستر لانو ماني فاهمه كيف احنا البنات ارسلوا لنا مسجات استلام تزاكير وخطاب التوجيه، والشباب ارسلوا لهم موعد التبصيم والتصوير o.o

تقدري تتواصلي مع مكتب التوظيف ارامكو اللي في ينبع وينسقوا الموضوع مع مكتب ارامكو اللي في جدة ويقولوا دي الطالبه بتخلص جميع اجراءاتها معانا.

[~ جـنـان ~]

المشاركة الأصلية كتبت بواسطة eva160 هوا احتمال في لخبطه مع الموضوع الله يستر لانو ماني فاهمه كيف احنا البنات ارسلوا لنا مسجات استلام تزاكير وخطاب التوجيه، والشباب ارسلوا لهم موعد التبصيم والتصوير o.o تقدري تتواصلي مع مكتب التوظيف ارامكو اللي في ينبع وينسقوا الموضوع مع مكتب ارامكو اللي في جدة ويقولوا دي الطالبه بتخلص جميع اجراءاتها معانا.

يب ان شاء الله بكرا الصباح حكلم مكتب توظيف ينبع ,, ع فكرة مكتب توظيف ينبع رسلنا موعد تبصيم وتصوير لنا احنا البنات ,, صحبتي راحت تصورت وخلصت وقالولها حنديكي موعد بعدين عشان توقيع العقد انا موعدي الاحد الجاي

غريب انو مكتب جدة ما طلبو منكم التصوير
شكلو كل مكتب له سياسة غير
موفقين

[control91]

وش الحوسه هذي ناس يرسلون لها تصور وناس يرسلون لهم تاخذ تذاكر بدون ماتصور

وناس يقولون لهم من البدايه في سكن وكذا وناس الحين يرسلون لهم مافي سكن هههههههههه

[ايمي المآلكي]

أرآمكو شركة كبيرة ومعروفة ولهآ سمعتهآ ..

بس للأسف برنآمج التدريب الصيفي يعآني من سوء التنظيم وعدم الإستجآبة والبطء في إتخآذ القرآرآت ..

بالنسبة للي بيكلمون أستآذ خآلد .. إتصلت اليوم ومآرد علي أبد .. إللي رد عليهآ أو عندهآ أي فكرة تعطيني خبر لأني بستفسر منه عن حآجة ضرورية ..

[missxpanadol]

انا برضو ارسلت مرتين لاستاذ الغامدي واكدلي في سكن ومواصلات
ومرة لاستاذ خالد السويد وبرضو اكدلي موضوع السكن
بس اليوم مع مسج الاستاذ الغامدي استصبت وارسلتلو اني ارفض التدريب لانو مافي سكن وعلى رد احد الاخوان ماحوافق وامشي اموري على امل انو تيجي مشرفة وتزعق عليهم ><
مافي سكن معناه انتي حتوفري الاكل وانتي حتوفري السكن وملحقاتو وتجيبي نت وغيرو وانتي حتوفري المواصلات ومكافئتهم كلها الفين بالشهر غير انو حنتدرب كننا موضفين حقيقين من الصبح للعصر ومع ذلك مافي اقل ميزة سكن ومواصلات
عن نفسي رفضت والله يختار الخير للكل

[missxpanadol]

المشاركة الأصلية كتبت بواسطة lolyta lawlaw لا ترفضي هادي حركت عبط سوها السنه الي فاتات و لما البنات وصلو المشرفه علي قسم من الاقسام زعقت للرجال قالتلهم كيف تدو سكن و مواصلات للاولاد و البنات لا راحو ادوهم

صعبة اوافق واكون معلقة حتجيني مشرفة كويسة وحتتكلم وحيدوني سكن ولا حروح واتمرمط هناك

المشاركة الأصلية كتبت بواسطة أبـو فـيـصـل كيف 16 يونيو يعطوك التذاكر و16 يونيو يبدا التدريب اصلا

انا كمان استغربت خاصة مارسلو موعد تصوير وتبصيم

المشاركة الأصلية كتبت بواسطة eva160 انا زييك وصلني نفس مسج من استاذ سعيد الغامدي بس مكتوب تم تحديد يوم الاربعاء صباح االموافق 13 يونيو2012 لاستلام تذاكر السفروخطاب التوجيه.ونفس الوقت عمل ارسال نفس المسج مع 37 بنت واقدر اشوف ايميلاتهم لوووول. انا راح اعمل موافقه، وراح استفسر عن السكن والمواصلات مره تانيه وكمانه معروفه ارامكو موفرين سكن ومواصلات للاولاد من عام 2006 اوقات التدريب.

يب يب وانا كمانت راسلة لناس كثير معايا - مادري لانو حتا لمن تابعت موضوع حقون العام كان الاولاد لهم سكن بس البنات لا

المشاركة الأصلية كتبت بواسطة ~ mr. A. Des ايش العبط ؟ السنة اللي فاتت ممكن كانت حالة خاصة و وافقوا فرضا وافقتي انتي ع اساس دا الكلام و متأملة انو حتيجي بنت [ تزعق ] و يدوكي سكن و ما حصل هالكلام .. حياكلها مين ؟ بعدين هذا نظام ما في كويس كيف يدو للولد سكن و هوّا يمديه يتصرف و البنت في مجتمعنا القميل ده وضعها مرّا حساس ومو بيدها تسوي شي ما يدوها <<< الا لو تزوجت زواج تدريب خخخخ missxpanadol زمان سمعت انو فيه شقق سكنية بالدمام خاصة للبنات الغير متزوجات دوري عليهم

شكراااا ^^