تجمع استفسارات ؟ ♥ ♥ #تحضيري_15 ♥ ♥

[رفّات حُلم]

المشاركة الأصلية كتبت بواسطة asma. ممكن احد يعطيني فكرة عن صيغة اسئلة الاختبارات يعني حل او اختياري ايش الاشياء اللي اجيبها معايا وقت الاختبار و الاسالة بشكل عام تكون مباشرة او فيها تعقيد ؟ و كمان انا حاليا بذاكر الاحياء بس في كلام كثير يعني اقدر اركز بس على التعاريف اللي فيها كلمة محددة بالاسود ولا كيف لانو انا مقسمة وقتي و ابغا اخلص كل مادة في اسبوع بالكثير

الاسئلة ككككللللها اختياري وصح وخطأ.
مافي اي حاجة ممكن تجيك غير اختياري وصح وخطأ.
الكتروني الاختبار..
دايمًا قبل كل دوري حتلاقو في موقعة منسقة المادة او لوحة قدام الشؤون في مبنى 7
عن تفويج القاعات.
لاانهم يدخلوا شعب معينة وقت معين وفي قاعات معينة والشعب الباقية بعدها بساعة.
بس مو لازم تلتزمي بالوقت حق شعبتك
بس اهم شي شوفي الكلاسات اللي فيه الوقت اللي تبيه.
كمان مهم تجي قبل ما يقفل النظام وتشغلي الاختبار.
عادي تستمري، لكن ما تدخلي لسه بعد ما يقفل النظام ( يكتبوا الوقت في التفويج )
احياء قلم ومرسام ( ونحل بدون ورق عادي :p )
احصاء قلم ومرسام وآلة ومساحة لو تحبي وورقة القوانين اللي مع الكتاب.
كيمياء قلم ومرسام وآلة.
ادواتك اللي تحبيها مساحة، اقلام ولا واحد ولا مرسام بكيفك.
الورق هما يعطوكم اياه وقبل ما تخرجي ياخذوه منك!
حتجلسي ع كمبيوتر وعادي تسجلي دخول الاودس.
حطي جوالك سايلنت، وخرجي بطاقتك وكل ادواتك.
تاكدي البيانات اللي حطها لكِ صح او لا.
المواد مررة ما تحتاج اي شي، تحلي بس وتختاري الناتج النهائي.
الاحياء فيه اشياء مهمة غير التعاريف، تعداد ووظائف ورسم واشياء كتير والله..
بس انتِ حاولي تحفظي حتى شكل الكلمة كويس..
وافهمي، فيه جزيئات مرة تحتاج فهم.

موفقة.

[رفّات حُلم]

المشاركة الأصلية كتبت بواسطة صووفيا السلام عليكم بنات جزئية الرسمات في الاحصاء كيف تجي الاسئلة عليها غير تعريف الرسمه او تسئل عن شكلها هل فية اسئله غير هذه ؟

تعطيكِ بيانات متلًا وتقولكك بايش نرسمها.
صراحة انا ما افتكر ايش الرسمات اللي معانا بس كل رسمة لها بيانات معينة
وفيه اسئلة كانت نهاية الدرس او الشابتر زي كدا يجي
وكان مرة مهم..
تعطيكِ رسمة تقولك ايش الميد بوينت وايش ..........
يعني امسكي كل رسمة وحللي منها.
موفقة.

[رفّات حُلم]

المشاركة الأصلية كتبت بواسطة نسيم الامل الاخت فيونكة انا لقيت فيديوهات زويل الدوري الاول هل اعتمد على مذاكرتي منها بالاجازة+ معاي ملخص اشرف بركات وهل لازم اشتري ملخص زويل حق الفيزياء بما اني متابع فيديوهاته؟+ هل فيه اشياء ازيدها على هذي المصادر ولا كذا كفاية بما انك جايبة الفل مارك ماشاء الله<<< الشيء الثاني مادة الرياضيات انا عند ابوجبل وكاتب المحاضرات هل لازم اشتري الكتاب اللي هو كالكولاس باي ستيورات ولا مايحتاج وكمان عندي ملخصات السعدي كذا كفاية ولا فيه اشياء ثانية ؟؟ والله يعطيك العافية مقدما

المشاركة الأصلية كتبت بواسطة نسيم الامل الله يعطيك العافية بالنسبة لنماذج اسئلة سابقة يعني ادور فيديوهات يوسف زويل يحل فيها اسئلة نماذج سابقة؟ ولا كيف اذا قصدك كذا فانا حصلت حل نموذج دوري اول طلاب ونموذج دوري اول بنات ودوري ثاني طلاب ودوري ودوري ثاني طالبات ونهائي طلاب ونهائي طالبات بس كلها نسختين نسخة بنات ونسخة عيال يعني الاختبار الدوري الاول مافيه الا نموذجين وانا اشتريت نماذج اسئلة سابقة من مكتبة خوارزم 1435 نموذج a b c d ايش اسوي فيهم وكيف اضمن اني راح احلها كلها بنفسي احسها صعبة شوي هل لازم الكتاب فيها ولا لا والله يعطيك العافيه مقدما تعبتك معي

المشاركة الأصلية كتبت بواسطة نسيم الامل الله يعطيكي العافية اخت فيونكة ماقصرتي الحين بروح اشوف هناء فرحان واحمل التست بنك حقها في اشيباء ثانية تنصحيني فيها بالفيزكس او الماث او مهارات الاتصال او الحاسب قولي اللي تبين فيها وكل كلامك لمعلوميتك انا حاطه بعين الاعتبار وراح يتنفذ بحذافيره والله يعطيك العافية

بشكل سريع:
لا تضيع فلوسك في ملخصات في الفيزياء.
ملخص زويل حمله من النت، موجود..
انا كمان الحمدلله جبت فل مارك،
كنت مزودة بس ملخص هناء فرحان في موقعها ( فيزياء 110 مسار علمي - ملخصات المسار العلمي )، ونماذج اسئلة سابقة.
( النماذج = موجود في مكاتب، هيا 8 نماذج بالحلول.. احنا البنات نشتريها من خوارزم جوا الجامعة، ما اعرف متوفرة برا الجامعة )
مرررررة مفيدة.
الرياضيات مرن يدك بأي طريقة، كتااب تحل منه أسئلة اللي تباه
والفيزياء والرياضيات كل ما مرنت يدك تحل، حتجيب درجات عالية ان شاء الله
آخر شي.. مزاكرتهم ارجع اقرأ كل المعلومات..
التمارين اللي انكتبت ارجع شوف السؤال وحل.
حاسب واتصال اقرأ بتركيز وترا مرة سهلين

موفق.

[نسيم الامل]

المشاركة الأصلية كتبت بواسطة رفّات حُلم بشكل سريع: لا تضيع فلوسك في ملخصات في الفيزياء. ملخص زويل حمله من النت، موجود.. انا كمان الحمدلله جبت فل مارك، كنت مزودة بس ملخص هناء فرحان في موقعها ( فيزياء 110 مسار علمي - ملخصات المسار العلمي )، ونماذج اسئلة سابقة. ( النماذج = موجود في مكاتب، هيا 8 نماذج بالحلول.. احنا البنات نشتريها من خوارزم جوا الجامعة، ما اعرف متوفرة برا الجامعة ) مرررررة مفيدة. الرياضيات مرن يدك بأي طريقة، كتااب تحل منه أسئلة اللي تباه والفيزياء والرياضيات كل ما مرنت يدك تحل، حتجيب درجات عالية ان شاء الله آخر شي.. مزاكرتهم ارجع اقرأ كل المعلومات.. التمارين اللي انكتبت ارجع شوف السؤال وحل. حاسب واتصال اقرأ بتركيز وترا مرة سهلين موفق.

وين احصل بالنت مالقيت
واذا لقيت القى نسخ قديمة ومنتهية

[رفّات حُلم]

المشاركة الأصلية كتبت بواسطة نسيم الامل وين احصل بالنت مالقيت واذا لقيت القى نسخ قديمة ومنتهية

انا أصلا كنت اتفرج فيديوهات زويل القديمة ( كانت زمان ففيه في النت وتحذفت )
وكانت فييه أشياء زايدة في النماذج
بس كلو فكرة وحدة
هيا موجودة ههنا:
http://www.skaau.com/vb/showthread.php?t=766331

[asma.]

انا عندي فالاحياء اكثر من 30 رسمة و ما حددتلنا حتجي الرسمة و احنا نكتب اسمها ولا حتطلب البيانات فالرسمة ... الله يخليكم قولو بس حتطلب الاسم

[Modi_L]

ابغى تست بانك كيمياء نموذجين واحد محلول واحد لا عشان اتأكد من حلي

[نسيم الامل]

المشاركة الأصلية كتبت بواسطة رفّات حُلم انا أصلا كنت اتفرج فيديوهات زويل القديمة ( كانت زمان ففيه في النت وتحذفت ) وكانت فييه أشياء زايدة في النماذج بس كلو فكرة وحدة هيا موجودة ههنا: http://www.skaau.com/vb/showthread.php?t=766331

لحظة لحظة فيدويهات زويل عندي وبرضو بنص الفيديو يشطح ويروح يحيل بنص الفيديو ايئلة اختبارات سابقة على نفس الدرس
يعني شابتر واحد لما تفجرت عليه لقيته عن التحويلات وبنص الدرس نقز لورقة اختبار بالفيديو يحل الاسئلة عرفتي كيف
+حصلت فيديو زويل مدته 50 دقيقة يشرح ويحل على اختبار دوري اول طلاب

بس سالفة انو كانت فيه اشياء زايدة في النماذج بس كلو فكرة وحدة مافهمت ايش قصدك

واخر حاجة ملفات ياخت رفات جدا جبارة من فين اساسا جبتيها

[Somaiah Yousef]

المشاركة الأصلية كتبت بواسطة asma. انا عندي فالاحياء اكثر من 30 رسمة و ما حددتلنا حتجي الرسمة و احنا نكتب اسمها ولا حتطلب البيانات فالرسمة ... الله يخليكم قولو بس حتطلب الاسم

خذي تأشير الشرفية .. الدكتورة فريال تأشرلهم بالتفصيل وتقولهم إيش المطلوب من الرسمة وكذا

فيه رسمات تطلب منك بيانات وفيه رسمات بس اسمهآ

بس ترى اشياء واضحة وبسيطة

يعني الرسمة قدامكك والاختيارات قدامك ماحتضيعك إن شاء الله

[Somaiah Yousef]

المشاركة الأصلية كتبت بواسطة Modi_L ابغى تست بانك كيمياء نموذجين واحد محلول واحد لا عشان اتأكد من حلي

ي جمآعة استخدموا خاصية البحث تبع المنتدى " بحث مخصص بواسطة google "

مستطيل صغير تلاقوه في اليسار فوق



http://www.skaau.com/vb/showpost.php...90&postcount=1

اكتبوا فيها اي شي تبغوه

ورآح يطلعلكم اسئلة ونماذج وملخصات بالهببببللل