{.. استفسـآرات الـرآغبين في التخصص بقسم اللغـآت الأوربيـــــة..} ::تفضـلوآ هنــــآ ::

[يفتح الله]

السلام عليكم

انا سنة تحضيرية مستوى تاني وحابة اتخصص انقلش

كان نفسي احول انتظام ومع الانظام والممارسة في الجامعة احس الأستفادة تكون اكتر

لكن عرفت اني ما اقدر احول انتظام لأن مر على ثانويتي اكتر من ست سنين

عشان كدا كيف دراسة الانجليزي انتساب؟؟

انا بابا يقولي اجيب لك مدرسة في البيت تمسكك من بداية الترم .. لكن هل هدا يكفي؟

او لازم اروح معهد؟

وسؤال تاني في اي مستوى بالضبط ابداء اتقن اللغة وافهم الكلام إللي اسمعة في الافلام او الاخبار الانجليزية

والكتابة والقراءة .. متى ابداء اكتب واقراء ويكون نطقي صحيح وكتابتي صحيحة

[MOFY]

المشاركة الأصلية كتبت بواسطة يفتح الله السلام عليكم انا سنة تحضيرية مستوى تاني وحابة اتخصص انقلش كان نفسي احول انتظام ومع الانظام والممارسة في الجامعة احس الأستفادة تكون اكتر لكن عرفت اني ما اقدر احول انتظام لأن مر على ثانويتي اكتر من ست سنين عشان كدا كيف دراسة الانجليزي انتساب؟؟ طبعا الانتظام افضل لنو تمارسيه كل يوم وماتقدري تاخذي شهر اجازه مثلا زي حالتي الحلو انو كلو بوقته انا بابا يقولي اجيب لك مدرسة في البيت تمسكك من بداية الترم .. لكن هل هدا يكفي؟ او لازم اروح معهد؟ عن نفسي مو شرط تروحي معهد ولا تجيبي مدرسه اذا عندك رغبة وعزيمة قويه حتقدري تعدي ذا الشيء لوحدك ماشاء الله في مواضيع مميزه هنا ومواقع كثيره تعطيك استراتيجيات بسيطه تقدري من ظمنها تنمي مهاراتك بانتظام وسؤال تاني في اي مستوى بالضبط ابداء اتقن اللغة وافهم الكلام إللي اسمعة في الافلام او الاخبار الانجليزية بصراحه لازم تكوني تقدري من قبل ماتخشي القسم لنو ما حتبدأي تتعلمي من البدايه يعني لو يكون عندك خلفيه في اللغه حتمشي تمام بس بروضو الناس قدرات وبعزيمتك حتقدري تعديه لنو مو شيء مستحيل و المستوى الثاالث والرابع كلو يعتمد على المهارات الاربع اللي هيه القراءه والكتابة واللاستماع والتحدث وياحبذا لو تشتغلي على نفسك من قبل لنو يخش في العميق على طول يعني يعاملوك كدارسة لغة مو طالبه في معهد والفرق كبييييير والكتابة والقراءة .. متى ابداء اكتب واقراء ويكون نطقي صحيح وكتابتي صحيحة

النطق يعتمد عليك انتي لنو الانتساب مافي احد يقرا لهم ووو الخ والكتابه قد ماتعودي نفسك وتكتبي كثير بإختصار دراسته ممارسه"" يعني لما تجي تقري اقراي بصوت عالي عشان تعودي لسانك عالنطق ’ ولما تتفرجي افلام شيلي الترجمه عشان ما تشتتك وتركزي في طريقة النطق والكلمات الجديده وصدقيني القسم روعه والدراسه فيه ممتعه للي يبغى يمشي فيه بجد

والله يوفقك

[ام راما]

اختبار تحديد المستوى يكون قبل التخصص طبعا لو حصل وماانقبلتي على طول يعني انقبلتي مشروط يكتبوك تعهد انك اذا مااجتزتي القراءه والكتابه تحولي تخصص ثاني وازيدك من الشعر بيت اذا انقبلتي قبول مشروط ماينزلو لك الجدول حتى تختاري تخصص ثاني ينكتب بصفحتك غير الانجليزي يعني شدي حيلك وخذيها بجداره لاتتمرمطي مثلنا والله يوفقك

[ام حمدان]

^
ام راما لايكون اخذتي شي من مواد علم النفس ؟
قلتلك لو ناويه تتخصصي انقلش ماراح تنحسب مواد علم النفس الا لو كانت مدرجه عندنا على انها حره
الي اكيد بينحسب لك المواد العامه
اتمنى انك فهمتي علي

بالتوفيق

[أم منوله]

بالنسبه لقسم لغه فرنسيه ياريت اذا وحده اتخرجت تفيدنا
ايش المجالات اللي توظفت فيها

[ام راما]

فهمت عليك ام حمدان الله يعطيك العافيه عندي سؤال بالجدول لازم اخذ من مواد التخصص يعني اجباري ولا عادي انزل مواد حره وعامه فقط لأني ماسددت لسى ومانزل لي الجدول

[nour al3mr]

^
أعتقد يمديك طبعا تأخذي مواد حرة وعامة ..

تقدري تكتفي بمادة تخصص وحده فقط .. عشان لاتتراكم عليك الموآد ..

[ام حمدان]

ام راما تقصدي مواد تخصصك الحالي علم النفس ؟
ايوه طبعا عادي تقدري ماتاخذي شي منهم وتكتفي بمواد عامه وحره

بالتوفيق

[صِبا]

طيب اختباار تحديد المستوى لبنات التحضيري متى يكون ؟ العام متى كان بالزبط : )

[nour al3mr]

^
والله ماعندي علم .. لكنهم بالعـــآدة ينزلوا اعلان في الجـآمعة ..

و بعدها نعمل اعلان هنا في المنتدى ..