(طالبات وطلاب الإعلام "إنتظام") تجمع ـ خاص ‏

[wan]

في اعلام يختي مين قال مافي ؟
بس مافي غير مسار واحد

[مشاري الجش]

للرفع

[wan]

المشاركة الأصلية كتبت بواسطة نارسيسو رودريغو اللي اخذوا هذي المواد عندي سؤال عنها من ناحية الصعوبه وكمان من ناحية الاستاذات مين احسن اخذ عندها 1-راي عام سمعت ان حنان آشي تدي راي عام طيب في شعبة ثانيه مين تديها؟؟ 2-وحاسب الي وانترنت هذي المادة ما اعرف عنها اي شي تتكلم عن ايش ؟؟يعني حاسب ككل ولا ايش باضبط تنصحوني اخذها عند مين وكيف توزيع الدرجات ؟ 3-اعلام عربي واسلامي وهل ينفع اخذ معها اعلام دولي بنفس السمستر او لا؟ 4-نظريات الاتصال تتكلم عن ايش بالظبط وكيف سهله ولا صعبة ؟ 5-علم النفس الاجتماعي مين اكوس استاذه في االدرجات والحظور والغياب وهيك 6-مبادئ العلوم السياسيه نفس السؤال اللي فوق برضو 7-الاسلوب وتحليل النصوص كيف المادة وسؤال صغنون ايش المواد اللي لازم اخذها عشان يفتحوا لي المسار لان جدولي مامشيت على الخطة بالتمام ومشكورررين

1- رأي عام خذيه مع د.ربااااب طبعاً .

2- حاسب خذيه عند دكتوره ماهيتاب .. تعطي درجات و المنهج يتكلم عن النت و مواقع التدوين و الفوتوشوب و الفيس بوك و تويتر و فلكر و تاريخ الانتر نت .

3 - اعلام عربي و اعلام دولي .. ايوا تقدري تاخذيهم مع بعض .

4 - نظريات اتصال ( صعبه ) و اكرهها و الحمدلله عديتها . بس ممكن تكون سهله بالنسبه لك .

5 - علم النفس مافي دكتوره معينه احنا جتنا وحده بعدين غيروها و الترم اللي قبلنا وحده غير . اللي اعطتنا اسمها عفراء .. يعني نص و نص .

6 - العلوم السياسيه .. احسن وحده هيا دكتوره زينب لو تقدري تاخذي في شعبتها مره تمام .. بس حسب علمي لبنات الاعلام شعبة دكتوره خالده ( مو مره ) حاولي تدخلي في شعبة زينب (حاولي تنشبي للشؤون التعليميه في الجوهره عشان يضيفوكي في شعبتها ) .

7 - الماده تتكلم عن نصوص قرانيه او ادبيه و تحليلها الادبي و تفسيرها .. انا اخذتها عند د.دلال بخش مرره مو تمام و الاختبار كان اوبن بوك .. بس سمعت انها اتغيرت جابو وحده غيرها .




و فتح المسار حسب كلام دكتوره دينا لازم تقريباً ٧٠ ساعه .. يعني لمن تخلصي المستوى الخامس ... مافي مواد معينه .

موفقه يارب

[عنفوان طفله]

بنات بسالك عن هاذي الاستاذه كيف لاني باخذ معاها مقرر حر (راي عام)

جزاكم الله خير

[توليب *_^]

نفس السؤال

الاسئلة موضوعية او مقالية

[عنفوان طفله]

بنات احد يرد علينا الله يسعدكم

[أ.ع]

http://www.skaau.com/vb/showthread.php?t=154011

[نارسيسو رودريغو]

wanف فديتك على الردود الحلوة
تيب من كلامك افهم ان حاسب آلي كله نظري؟؟
ونظريات الاتصال تتكلم عن شو بالظبط؟؟ خوفتيني يابت:( >>> امزح بس ايش مضمونها
وأسلوب وتحليل يعني زي البلاغة أهم شي مافي شي من النحو اكرهه
ومشكورة ياقلبي ماننحرم منك

[wan]

الحاسب .. رح تدرسوه في معمل حاسب طبعاً و رح تعملو قدام الدكتوره مدونه و كذا ( سهله مره )
الاختبارات ايوا كلها نظري .. لا تخافي من الماده .

النظريات و الله العظيم اكذب عليكي او اقلك عن ايش تتكلم ... ما اعرف كيف نجحت فيها
بس انه تأثير وسائل الاعلام عالمجتمع و الافراد و كيف تأثر عليهم .. كذا ، عاد تعرفي دكتوره دينا و محاضرتها .. يبغالها فهم .


الاسلوب و التحليل .. لا مافيه اي نحو ( زيك كنت خايفه يكون فيه نحو ) بس لا مافيه
هوا زي مادة النصوص اللي في الثانوي .

[نارسيسو رودريغو]

المشاركة الأصلية كتبت بواسطة الحـ ألم وأمل ـياة كيفكم بنات الله يسعدكم حابه اعرف افضل استأذات قسم الإعلام والله يوفقها إلي تقولي ومااااااراح انساها من دعواتي

صراحة كلهم تمام رباب الجمال تساعد
مهيتاب تأشر
دينا برضو هذولي اللي جربتهم