مكافآت الامتياز والمعضلة الجديدة >(انتظام طالبات) wan/мαѕooяy/دنا

[شجيرة]

بنات ممكن تشرحوووولي يعني ايش مكافأة امتياز

[banoota mnkoosha]

اذا جبتي معدل 4.5 ومافوق لمدة فصليين متتاليين بدون الفصل الصيفي يحقلك مكافأة امتياز ( 1000 ريال ) تطبعي كشف درجاتك وتروحي الشؤون وتقدمي عليها ..

[♥ تَحِكمنِيّ قنِآعِآتيّ▌]

المشاركة الأصلية كتبت بواسطة .,.نيــــــــــــــــــــران.,. ايوة محسوبة التقديم في مبنى 13 تلاقي غرفة هناك مسويه إعلان عن بدء التقديم لمكافأة الامتياز

آخت نيران ,,

هلا بدأ التقديم والا لسى ؟!

[زمردة]

انا إلى الآن ما فتحت حساب باسمي لانه ما عندي بطاقة احوال...

هل بإمكاني اخذ المكافأة مع التخرج يعني آخرها إلى التخرج؟؟


وبجد اتمنى يرجعوها مثل اول بشيكات صراحة افضل بكثيييير

[.,.نيــــــــــــــــــــران.,.]

المشاركة الأصلية كتبت بواسطة banoota mnkoosha نيرانووو ياقلبي انا فاهمة عليكي بس اقصد بسؤالي ايش يكون مكتوب عن مكافأة الامتياز عشان اعرف .. يعني دايما في كشف الحساب يكتبو تحويل - سحب وزي كدة فدي المكافأة ايش حتكون ؟

مناكيشو بديت أحس إنك مضيعه زيي ههههههههه

انا شاكة في الفلوس اللي في الحساب .. من كثر الموضوع هذا مشككني

قاعدة أقول كم كانت فلوسي؟ انقص ألف وأزود ألف شااااكة هههههههه

فكرتك حلوة أكيد يبان انه في مبلغ محول من جهة معينة لازم أصلا هم يدققوا في العمليات بالتفصيل

ان شاء الله حروح فرع النساء واتأكد من ذا الموضوع وآخذ رقم آيبان ثاني مرة

المشاركة الأصلية كتبت بواسطة ♥ تَحِكمنِيّ قنِآعِآتيّ▌ آخت نيران ,, هلا بدأ التقديم والا لسى ؟!

هي قالت لي بداية الترم التقديم .. روحي الاسبوع الجاي

المشاركة الأصلية كتبت بواسطة زمردة انا إلى الآن ما فتحت حساب باسمي لانه ما عندي بطاقة احوال... هل بإمكاني اخذ المكافأة مع التخرج يعني آخرها إلى التخرج؟؟ وبجد اتمنى يرجعوها مثل اول بشيكات صراحة افضل بكثيييير

ايوة اتوقع عادي

ياليت شيكات يريحوا العالم .. أو ع الاقل تنزل مع بطاقة المكافأة

[banoota mnkoosha]

نيران ,, هههههههههههههه دا الي انا اقصده .. ما اعرف كم في حسابي ومو كل شوية اشيك اشوفه زاد ولا لأ فاضيتله انا !! بابا يقولي يا حيكون مكتوب ايداع او مدين حاجة زي كدة نسيت الكلمة
انا عن نفسي حروح البنك وافهمها الحكاية وهيا بكيفها تدور في الحساب زي ماتبغى .. وحشتني المضاربة مع الشؤون

[mama nona]

صراحه سارت مهزله

انا مقدمه من الترم الاول اللي فات

وقدمت تاني الترم التاني

والى الان مانزلت !!!! واتوقع لو رحت سالت بتقولي برضو انتي مو مسجل حسابك

والله من الورقه اللي تنكتب فيها الحسابات !!!!!!!!!!!!!!!!

[.fufu]

بناااااااااااااااات نبغى نخرج بفايده من ذا الموضوع يمكن نكون احنا سبب في تسهيل امور طالبات بعدنااhttp://www.skaau.com/vb/showthread.p...52#post2784952

[banoota mnkoosha]

المشاركة الأصلية كتبت بواسطة mama nona صراحه سارت مهزله انا مقدمه من الترم الاول اللي فات وقدمت تاني الترم التاني والى الان مانزلت !!!! واتوقع لو رحت سالت بتقولي برضو انتي مو مسجل حسابك والله من الورقه اللي تنكتب فيها الحسابات !!!!!!!!!!!!!!!!

نفس الوضع .. بس راح عن بالي اراجعهم الترم التاني :(

والله التعامل عند الحريم سييييييييييييييييييييييييييييييييييييييييييييييييء !!! لو رحتي تتفاهمي معاهم برضو مافي فايدة حتقولك استني لين ماتنزلك .. حسبي الله عليهم موظفين ناس زي كدة ليش ؟؟

[هند الشهري]

ابي اسال هل الانتساب يستحقون هذه المكافئه وشكرا