تجمع طلاب كليه الهندسه برابغ

[hbk1411]

تسلم اخوي الله يوفقك يارب مافصرت معنا,,
بالنسبة للإضافة المواد بالأودس قبل الدوام؟وبالنسبة للطلاب رح نكون كلنا نفس المواد ولا رح يقسمونا نفس التحضيري خطتين؟
اعذرني ازعجتك لكن ماتقصر الله يجزاك خير يارب ويوفقك ونفرح بتخرجك,,الله يوفقنا أجمعين..

[جدااوي كوول]

[quote=hbk1411;2605854]تسلم اخوي الله يوفقك يارب مافصرت معنا,,
بالنسبة للإضافة المواد بالأودس قبل الدوام؟وبالنسبة للطلاب رح نكون كلنا نفس المواد ولا رح يقسمونا نفس التحضيري خطتين؟
اعذرني ازعجتك لكن ماتقصر الله يجزاك خير يارب ويوفقك ونفرح بتخرجك,,الله يوفقنا أجمعين..[/quote

ايوه حبيبي الاضافه في الاوديس قبل الدوام ومافي تتقسيم السنه الاولى حتدرسوا مواد زي بعض الله هما اختلاف في الشعب بس

ياعمى ماسوينا شي اهم شي نساااعد بعض ونكون يد وحده وبالتووفيق حبيبي

[جدااوي كوول]

ياشباب شايف ماشاء الله زيارات الموضوع كثيره فاذا كان احد درس معاي العام في الكليه وعنده شي يبغا يضيفه ياليت يضيفه لانو مانبغا نقصر باي شي

وبالتووفيق

[الرعد09]

حياك الله جداوي كول وكل عام وانت بخير كفيت ووفيت
حاب اقول ان الجامعة تبعد عن رابغ حوالي 5كم
بالتوفيق

[جدااوي كوول]

ايوه صح حبيبي
وهذى ميزه مرررررررررررا تماااام وبالتوفيق

[d7oomy]

يا شباب انا اسمي عبدالرحمن باحميد اذا في احد يعرفني او قد درس معايا
بلييييز يكلمني هنا لاني مرة ضايق خلقي من رابغ وانا ما اعرف احد فيها

[أحمد السقاف]

الله يعينك عبد الرحمن
والله انا مثلك بيتي في السلمانية ورموني في رابغ وصعب عليا
حيث انه لي التزامات في جدة وصعب كل يوم اروح بسبب المشوار وكمان الطريق خطير كل يوم في السريع

ربك يفرجها واحول إن شاء الله

دعواتكم

[جدااوي كوول]

صدقونى ياعبدالرحمن واحمد كلنا لنا التزامات كثيره وفي البدايه ماحد كان له نفس يبعد عن اهلو وديرتو بس في بعض احيان تمر ضروف صعبه عالواحد ولازم يضحى بشي عشان شي وبالنسبه صدقونى في ناس كثيره تدور ناس تسكن معاها او يبغا يتعرف على واحد يعنى يكون معاه هناك على طول وصدقونى حتلاقوا كثير لان الناس حايره زيكم وبالتوفيق يارب

[جدااوي كوول]

حاب اوح نقطتين مهمه لعموم الطلاب في رابغ
1- مره لاتفكر تداوم من جده كل يوم لانها حترهق نفسك وسيارتك وخطر على حياتك طبعا كل شي بمشيئه الله بس لازم ناخذ بالاسباب
2- حاول تسكن من بدرى وتستاجر قبل رمضان لاينتهى ويكون اللى بيسكن معاك واحد ولاتزيد الشقه على 2 لانها لو زادت حتنقلب فله ولا احد حيدرس تمام

وتقبلوا مروري و بالتوفيق للجميع

[جدااوي كوول]

بالنسبه لشباب اللى دوبهم اتخصصوا في رابغ اذا يبغا يستفسروا عن اي دكتور انا حاضر في اي وقت ونصيحه ثانيه حاول تفكر ايش تتخصص من بدري عشن تعرف فين وجهتك حتكوون وبالتووفيق يارب