قروب لبنات المستوى الرابع*انجليزي*

[هبوووش333]

انتم شكلكم انتساب كنت بدخل معكم بس خساره انا انتظام خخ

[nuha]

للرفع!!

[.. بيســـان ..]

هلا و غلا يا بنات ..

ما في تفاعل ده الترم زي الترم اللي راح .. ايش السبب ؟

المهم جبت معايا خبرية حلوة .. و ان شاء الله الكل بيستفيد منها ..

مكتبة خوارزم عاملة ملزمة أو أوراق تصوير .. فيها جميع حلول تمارين

فرنسي 2

اللي حابب يكون عنده دي الأوراق يروح مكتبة خوارزم فقط ..

أوصيكم و نفسي ،،

بنآاآاآاآاآاآاآت : ذاكروا تصاريف الأفعال أول بأول .. نصيحة من مجرب

[.. بيســـان ..]

بناااااااااااات بيسان اش رايك بباقي المواد مدري ...؟؟؟؟

امممم لعيونك حبيبي أجاوب ،،

Listening & Speaking

أحس دي المادة ما اختلفت عن المادة نفسها في الترم الأول .. حتى اختبار الأورال


Reading

عن جد دي المادة جدا دسمة ده الترم حتى مواضيع القطع صار دمها ثقيل

و كلماتها كثيرة .. لكن ان شاء الله تهون لأنو في شهرين قبل الاختبارات ..


Writing

دي المادة تجنن مع أستاذة ( حنان جبر ) جزاهم اله خير كل البنات اللي نصحوني فيها ..

و الله في نهاية كل محاضرة تقلنا ايش هية الأخطاء اللي بيطيحوا فيها البنات عند الكتابة


French 2

انا دي المادة ماأحبها أبدا أبدا .. و ماحد يسألني عنها .. دي المادة ما تسوى من دون

أستاذة صالحة القحطاني .. اللي حسويه إني أحفظ تصاريف الأفعال أول بأول ..

و كده طريقي للنجاح في دي المادة حيكون واضح بإذن الله ..


سيرة نبوية

بآخذ دي المادة مع ( نادية قربان ) يختي عليها تجنن .. تصدقوا يا بنات انها بتشرح

سيرة الرسول باللهجة السعودية .. و قسما بالله أموت ضحك لمن تقتبس كلام الصحابة و الرسول

و بدل ما تقوله باللغة العربية تقولوا بالسعودي خخخخخخخخخخخخخخ


ثقافة 3

بصراحة ما حضرت و لا محاضرة للثقافة للآن ..

[nuha]

يعطيك العافيه بيسو !!

[loshyana]

أهلين بنات
أنا موادي الترم دا
استماع وتحدث 2

قراءه 2

كتابه 2

فرنسي 2

ثقافه 4

وآخذ الكتابة مع حنان جبر وأحس إني مضيييييييييييعة بين السمرايزنغ والبرافريزنغ والكوتنغ
بيسان إذا تقدري تساعديني
فدي المادة أكون شاااااااااااااااااكرة خاصة إختباري بكره *_*

[عـــ ج ـــآيب]

أنما بأخذ رايتينق مع مس حنان جبر
بس ياليت تقولون لي ايش القآآموس اللي نصحت فيه

بليــز

[.. بيســـان ..]

وآخذ الكتابة مع حنان جبر وأحس إني مضيييييييييييعة بين السمرايزنغ والبرافريزنغ والكوتنغ بيسان إذا تقدري تساعديني فدي المادة أكون شاااااااااااااااااكرة خاصة إختباري بكره *_*

هلا حبيبي ،،

انتي انتظام و كتبتك تختلف عن كتبنا ..

و إذا مرة محتاسة في المادة دي .. بعد الإجازة قسم اللغات .. حيسوي

دورة تقوية لــ رايتنج 2 بالذات .. لمدة أسبوعين على ما أعتقد !!

روحي شيكي عالوضع و ان شاء الله خير ~

[loshyana]

شكرا

[nuha]

للرفع

يالله بنات ايش صار بالدوره التأهيليه!!