اش شعوركم وانت انقبلتو في كلية الطب << ابغى مشاااااعر

[@فراشة الربيع@]

صحيح أنا ماني طب بس الموضوع عاجبني وحبيت أشارك فيه بعد إزنكم !
أنا كااااااان حلمي صيدلة لكن ربنا ماكتبلي إنو أدخلها مع إنو نسبتي كاااانت عالية في الثانوي وكانت أيامهااااا وزارة وقدرات وتحصيلي إلا إنو موزوني كان 84.50 وبوقتها قبلو في الصيدلة بحدود 87 والكليات الصحية قفلت على 85 المهم بعدهاااا قررت أدرس حاسب مع إني مااااكنت حاطها في بالي لكني قررت أدخله المهم لماجيت أقدم في الجامعة قالولي علشان تدخلي حاسب لازم تدخلي سنة تحضيرية لكلية الحاسب والعلوم إسمهااا سنة علوم طبيعية وإذا جيبتي معدل فوق4.5
دخلتي حاااسب قلتلهم طيب دخلوني فيهااا ! قامت قالتلي الموظفة بس في فصل ثاني !
بالصراحة إنصدمت بعد كل هااااادا الكرف وفصل ثاني !
دخلنا وتوكلت على ربنا ! السمستر الأول وعدى والحمدلله جينا للسمستر الثاني الخطة إنقلبت فوق تحت وحطولنا مواد السنة التحضيرية !
بذمتكم مو حرام أخد نفس مواد التحضيري وأنافس إلاعلى كليتين! أخدت بعض مواد التحضيري وأمري على الله !
وجاااااااااااااااء يوم الحسم ^^بتسوي أكشن^^
يومتها لاب توبي كان خربان وإديتو بابا على أساس يصلحوا المهم تقريبا على الساعة 11 في الليل بابا جابلو هوا وقالي يلا إفتحي شوفيه إتزبط ولا؟
المهم فتحتو قلت في نفسي يابنت يلا إفتحي على الأوديس شوفي ساكنوكي ولا ! وإلا بابا يقلي يا فراشة الربيع قومي جيبي نظاراتي وإلا بوقفتي تنفتح الصفحة ومكتوب فيها كلية الحاسبات وتقنية المعلومات المهم صرت أصرررررررررررررخ وأنا معلقة على حاسب حاسب بابا مافهم الحكاية قاعد يقولي الكمبويتر فيييييييه أيه(علبالو الكمبيوتر تخرب مررررة ثانية) قلتلو قبلوني حاسب !
وإلابجية ماما وتقوم تحضني وأخويا قااااااام من النوم على صراخي قاااام يبركلي ويقولي بعدها الله يهديكي طيرتي النوم من عيني هااادي حكاية التسكين حكاية التخصص شئ ثاني المعدل السمستر هاااادا مرررررررررة نزل وكنت خايفة إني ماأدخل is ويحطوني cs لأني جبت في البرمجة b أي وحدة كانت تجيب aأوb كانو يدخلوهااا سي إس حتى لو ماتبغااااه بالصراحة أنا ماكنت فاااارقة معايا it أوis المهم ماأدخل csٍ تقريبا قبل 3 أو 4 أسابيع نزلت التخصصات يومتها بعد الغذاء قلت خليني أدخل على الأودس أشيك عليه وإلا أتفجأ عند خانة التخصص نظم معلومات المهم يومتها بابا كاااان مسدوح جنبي ياحرام كاااااان بيأخد تعسيلة قبل صلاة العصر لاخد ولاهبب وكلو من صراخي وصاااااار الكل يباركلي والحمد لله وإدعولي إن الله يوفقني في تخصصي وأقدر أرفع المعدل يلي إتبهدل وعقباااال كل الصبايا والشباب إنهم يتخصصوا يارب!

[soma al7elwa]

هههههههههههههههه

ألف مبروك حبيبي فراشة

هوا انتي كمان عندك حركات الصراخ خخخخخ

طيب مافي دموع الفرح زي بعض الناس ؟؟ p=

الله يوفقك ياقلبي ونشوف في احسن شركات الدنيا

[mzat kau]

مشاعل دا كلو لان موضوعك ماشالله مرة حلو



فراشه الف الف مبروك ماشاالله ازعجتي بيتكم خخخخخخخخخ صراخ صراخ هع اللي يشوفني يقول محاصرخ بس يارب اهي اهي :(

[د.مشاعل]

mzat kau
يسلمو ع الثناء الحسن وانا ما كنت متوقعه انو كدا التفاعل والف مبروك لكل اللي تسكن في المكان اللي يبغاه

[dr.so0ona]

يالله يااااااسلااااااااااااااااااام والله مررررة حلووو دا الموضوع وبالنسبه للي انقبلو اقلهم الف الف مبروووووووك يحضكم ومشاء الله تبارك الله عليكم كلكم
انا نفسي اخش الطب من زمااااااااااان ادعووولي انا في السنه التحضيرية
وسؤال ايش شروط التسكين في الطب وكم اقل نسبة وايت مواد الي لازم اشد فيها اكتر شي ؟

[M!ss Mojy]

الله يبارك فيكي ياعسل وعقبــــــــــــالك

بالنسبة للطب شروط التسكين فيه انو الانجليزي والاحياء والفيزياء والكيمياء ماتقل عن b+

يعني من 85 وفووووق

يعني اذا تبغي الطب هذي المواد الي لازم تركزي فيها اكثر شي

بالتوفيق ياعسل

[د.مشاعل]

طيب كيف اقدر اجيب b+ اقصد لو نقصت كم درجه في هدي المواد يكون كدا معدلي وشكراا

[M!ss Mojy]

يعني حاولي قد ماتقدري ماتنقصي في المادة اكثر من 15 درجة

اذا نقصتي اكثر من كذا تكوني نزلتي عن b+

[LucKy LAD]

وتبدأ المعاناه والله كانت ايام الحمد لله بس والله يعينك يا دكتوره


كنت ادخل الاختبار وانا اقول شوف يا ولد عندك الى الان 8 درجات تنقصها يعني احترم نفسك ولا تغلط كثير


الحمد لله ودخلنا طب وعقبالك

بس نقاشك رجع لي ذكريات حلوه

تسلمي

LucKY LaD

[rayyan1444]

خطا يا جماعة الخير .. لكي تقبل في الطب لازم تكون نسبتك الخاصة فوق 85 يعني تجمع درجاتك في الاحياء والكيمياء والفيزياء والانجليزي 101 و102 وتقسمها على 5 واذا طلعت فوق 85 تدخل الطب يعني فرضا

واحد جاب في الاحياء 79

الكيمياء 90

الفيزياء 90

الانجليزي (101) 83

الانجليزي(102) 84

يعني النسبة الخاصة = (79+ 90 + 90+ 83+ 84) ÷ 5 = 85.2