قيادة المرأة السعودية للسيارة بين الرفض والقبول..

[أمير القلوب]

المشاركة الأصلية كتبت بواسطة life as game بلا بلا بلا بلا ايوه ايوه تبغوا السواقة ...لكن بذمتي كل وحدة تسوق لترجع يوم من الايام لبيتها وهي تبكي ..<<عاد انتو فسروها.. مع اني ما اتوقع انها تبكي لانها هي اللي جابتوا على نفسها ... انا لاحظت الفساد ينتشر في السعودية بشكل كبير من بداية ضهور شرايح سوا بدون اسم .. ثم جات الفاجعة والمصيبة الكبرى بدخول الباندا ونعلم انه لمدى 3 سنوات من ضهوره انتشرت فضائح ومصائب جمة والان تنتظرون قيادة المرأة ... وانا اقول انتظروا انتشار ضاهرة الاغتصاب ... لا احد يقول وين عايشين ؟؟او انت تبالغ .. انا اخد حريتي وافتك من السواق .او او او ما راح احد يعتدي علينا في بنات مع اهاليهم تعرضوا لمضايقات من شباب.. وكمان انتو مو احسن من الشباب في السواقة ..وشوفوا كتر الحوادث عندنا .. واللي تقول لو تعطلت السيارة ادق على ابوي او اخوي ودقيقتين وهو عندي.. اقول لك ابوك مو اسرع من السيارة اللي كانت تمشي معك في نفس الخط.. الموهيم كلامي ما احد مجبور يسمعه .. لكن والله لنندم على اليوم اللي يسوقوا فيه البنات...

عين الصواب
ياريت كل البنات مثلكـ يعرفوا فين تكمن المصلحة وليست المظاهر...
إذا كان بيني وبين عملي مسافة ما يقارب 20 كيلو تقريبا
واجلس بالطريق ما يقارب الساعة إن شاء اذا تمت الموافقة
بقيادة المرأة تتوقعوا كم راح أجلس بالطريق من شان أوصل ؟؟؟؟ قلبها رياضيات إبتدائي ههههههه<<
ياناس كفاية هـ الزحمة اللي عايشين فيها والله كفاية بغض النظر عن ما سيحصل من مصائب
يارب ستركـ وعفوكـ
أسألكـ ربي أن تريد بنا خيراً
دمتم ...

[doOodee]

المشاركة الأصلية كتبت بواسطة كفو وجاد رافض والمرور ما راح يسمح اذا ساقوا الحريم يوما ان تقود البنت السيارة متغطية ووأذكركم يوم من الايام الله يعطينا طول العمروإياكم يارب

انا معام في دا الكلام هههه اصلا مره مو معقوله يسوقو وهما مبرقعين او مغطيين وجههم

فحيتطرو يكشفو
اما البنات الي هما كاشفين عادي اصلا فيمكن يفسخو العبايه عشان يرتاحو في السواقه اكتر
ومن هونا سوف يبدء الفساد الي هوواااااا ع المزبببوط الهم احفظنا بس

[DreamY CaT]

مصيبــــــــــة من جد

والله الفســـــــآد رآح ينتشر بشكل مو طبيعي بغض النظر عما هو عليه حاليآ

لو طلع القرآر أنا رآح أشرد من السعـودية بكبرهآ ,, شي لآيطآق من جد

ان شآء الله بس مايطلع الكلآمـ صح .. رحنآ فيهآ والله

[doOodee]

ههههههههههههههه باتخيل اشياء فزيعه الحريم بدون ماهما يسوقو طلعاتهم كتيره فما بالكم لمن يسوقو اوف اوف
ياعييني يصير ماتلاقو البنات في البيت طول اليوم طلعات ياعند صحبتها او في كافيه او في البحر او في عزيمه او اواو..

اوووف ههههههههههههه ولا عاد كما نعلم الزواجات كتيره ماشاءالله ولمن الحريم يبدئو يسوقو عاد
مايحتاجو لازواجهم في داالموضوع فيروحو الصالون عشان يتزبطو بنفسهم وعشان تقدر تسوق تشيلل الطرحه بالكامل عشان التسريحه يوه هههههههههههه وبعدين تروح الزواج وترجع من الزواج في دااااك الفجر ويمكن تعمل خير في بعض الحريم الي في الزواج الي ماعندهم سيارات فتوصلهم بسيارتها وعااد شوف متى ترجع
يااعييييييني×_× الحياة حتكون بجد شي فزيع

يمااامييي يعو مو حلو كدا ايش دا بالله
وبدل ماتقولو كل حريم العالم بيسوقو<<وبتحسدوهم ع الشي دا
قولو يانيالنا ع الدلع الي نحنا فيه <<وخليهم هما يحسدوننا علي نحنا فيه
اتمنى بجد مايصير الكلام دا واتمنا الحريم يعقلوو

[~صعـــب المنــــــــــال~]

هل اذا سمحو لهم بالسواقه يسمحون لهم بقيادة الليموزين ؟

[Life as Game]

المشاركة الأصلية كتبت بواسطة أمير القلوب عين الصواب ياريت كل البنات مثلكـ يعرفوا فين تكمن

اجل كل البنات مثلي هاآآآ؟
اقول عدل المشاركة بالطيب تراك فضحتنا ..
يا كثر الناس اللي ما تشوف في المنتدى ذا ..يقلبون الرجال حرمة

....

[أمير القلوب]

المشاركة الأصلية كتبت بواسطة life as game اجل كل البنات مثلي هاآآآ؟ اقول عدل المشاركة بالطيب تراك فضحتنا .. يا كثر الناس اللي ما تشوف في المنتدى ذا ..يقلبون الرجال حرمة ....

معليش أخوي !
أسمح لي أولا هـ الصوره اللي حاطها مثل صورة إحدى العضوات من شان هيكـ قلت بنت !
ثانيا : توقيعكـ يوهم بأنكـ بنت يالغالي بالنسبة لشكله وألوانه ..!
ثالثا : مسألة فضحتنا وش دعوة ؟ منت واثق من نفسكـ ..!!!
واللي يوهمون الناس بأشكلهم وصورهم أسمح لي أنهم هم اللي ما يشوفون ويسمحون لنا بالقلب !!!

تحياتي لكـ ،،،

[دافئ الإحساس]

السلام عليكم ورحمة الله وبركاته

انا اشكر وبشدة لصاحب الموضوع

سوف اقول بعض الكلمات وارجوا من الاعضاء

قرأتها جيدا

قيادة المرأة للسيارة وأضحوكة ركوب الدابة

1- إرتفاع فضيع في عدد الحمير والخيول ( عدد النساء = عدد الرجال ) مما أدى إلى إختناقات مرورية هائلة ... وإلى الآن لا يوجد حل.

2- كثرت البلاغات الواردة للقسم من نساء يشتكين من مضايقات الشباب لهن عند وقوفهن عند الإشارات وقد تصل بعض الحالات إلى اعتراض حميرهن وإيقافهن في وسط الشارع الترابي ( لو كان فيه جوالات كان قلنا ترقيم ).

3- تكثر البلاغات والحوادث في ساعة الذروة (12-2 ظهرا).

- 4معاناة المرأة من انفجار إطارات الدواب ( ما دري كان فيه بناشر زمان ولا لا ؟؟؟(.



5-إصابة المرأة بأمراض واضطرابات نفسية جراء ضغوط العمل ومشاوير المنزل ومعايشة مفاجئات الطريق.

6- .............. بقية البنود تم حذفها حفاظا على الأمن الوطني.

التقرير موجه إلى من يهمه الأمر ................

إخواني أعتذر لكم عن هذا السرد الساخر فأنا لا أقصد الإستخفاف بعقولك ولكن هذا ما نسمعه يوميا من نشاز أصم آذاننا, ونقرأه في صحفنا حتى أعمى أعيننا, ضحك واستخفاف بعقول الناس ..

نسمع يوميا سخافات من هذا القبيل


لماذا تحرم المرأة السعودية من قيادة السيارة مع عدم وجود دليل على التحريم فا المرأة في عصر الصحابة كانت تركب الدااااابة ؟؟؟؟

نعم هذه أقوى حججهم وهي أضعفها فكيف لعاقل أن يقارن بين قيادة الصحابيات للدواب وبين قيادة المرأة في عصرنا للسيارة ...

هل هناك إشارات تجبر المرأة على حمارها(أجلكم الله) أن تقف بجوار شاب لا يفصلهما إلا شباك المركبة( أقصد شباك الحمار !!) ؟؟؟

هل كانت مضطرة لتغيير إطارات دابتها عند البنشري ؟؟؟ ( أجل نخلي المرأة تشتغل بنشرية )

هل هناك شبه بين حشمة الصحابية وحشمة نساء زمننا ؟؟؟

هل وهل وهل وغيرها من الإستفهامات ؟؟؟؟؟؟؟؟؟؟

وللذين أحرقتهم أموال السواقين وأموال الدولة المهدرة للخارج ( للمعلومية أمثال هؤلاء هم أول من أدخل السائق الأجنبي ولن يتخلوا عنه وإن قادت نسائهم السيارات) ... أسألهم كم ستخسر الدولة من أموال طائلة لتوسعة الطرق وزيادة هائلة في أعداد الموظفين وكم سنخسر من أرواح أمهاتنا وبناتنا وكم ستزداد الأموال المصروفة على علاج المصابين في حوادث السيارات..

نسبة الإناث في السعودية مساوي تقريبا لنسبة الرجال
كيف سيكون الوضوع لو أغمضنى أعيننا وفتحناها إلا وعدد السيارات زاد إلى النصف (( هذه ليست وجهة نظري ولكن هي لعباد الريال الذين أحرقتهم الأموال المهدرة على السائق الأجنبي وقالوا أن الحل أن تقود المرأة ... هل حل أم زيادة الطين بلة ؟؟ ))

علما بأننا بدئنا من حيث انتهى غيرنا ,, فالمرأة الغربية تعاني من مشاكل نفسية بسبب قيادتها للسيارة (مثبت علميا)
حتى الرجال في الغرب والعديد منهم لا يريدون ذالك ولكن لا يريدون كسر العرف (( إليكم هذا المثال: صحفي بريطاني يكتب في مقالا ساخرا عن قيادة المرأة للسيارة قال فيه: أنصح الرجال بعدم قيادة السيارة في حالة سكر لأن قيادتهم تصبح كقيادة المرأة... يشبه قيادة السكران بقيادة المرأة ))

فإن كانت المسألة ليست دينية فأين عقولكم يادنيويون ؟؟

وأخيرا
لمن يستخف بنا ويقول بأنه لا يوجد دليل على تحريم القيادة

أسأله هل يوجد دليل بالنص على تحريم الدخان (( يعني حلال في رأيكم ))؟؟؟
هل يوجد دليل بالنص على تحليل الكبسة (( يعني الكبسة حرام عندكم ))؟؟؟
لو جاء الشرع بدليل نصي لكل أمور الحياة لكنا في حاجة إلى آلاف بل ملايين المصاحف

إذا لا تأتي الأمور والدين بهذه الطريقة الرخيصة والساذجة حتى أصبح الدين علكة في أفواه الناس

فالقيادة في أصلها حلااااااال ,,

ولكن طبقا لقواعد الشريعة التي ميزت الدين وجعلته صالحا لكل زمان ومكان
كقاعدة الخبائث والطيبات
ودرأ المفسدة مقدم على جلب المصلحة
وغيرها من القواعد الشاملة

كان علينا أولا النظر في هذه القواعد قبل أن نتشدق بتفاهات ونزاحم العلماء في الفتوى ونتهمهم بأنواع التهم وفي الختام أعتذر منكم على الإطالة وأتنما أن أكون أوصلت المضمون من كلامي إليكم.



...........

بالتوفيق للجميع

[pharm.d .s]

انا اؤيد
ياربي متى يجي دا اليوم

[ولد الجهراء .....]

أنا لا أؤيد وبقوه
للعلم أني من سكان دولة الكويت والمرأه تقود في ديرتنا ومع أننا دوله متفتحه
والناس راقيه شوي

وفوق هذا كثير من البنات اللي يقودون سيارات يتعرضون لتحرشات كثيره وأهانات من الشباب
ومضايقات يعني الكثير من البنات بكو من كثر المضايقات
ولاتنسي موقف البنت عندما تبنشر تواير السياره أوتسمونها كفرات
أوتخرب السياره في شارع مظلم أوطريق مقطوع
أوتسوي حادث وتطلع عورتها ولاتجد من يسعفها غير الغرباء يلمسونها
أحمدو الله يابنات السعوديه أنتم مثل الأمراء الرجال يقودون السياره فيكم وأنتم تأمرونهم
ودني للسوق وودني لخوالي وودني بيت أبوي مرتاحات جدا
.................................................. .
تخيلي شنو راح يصير لما شباب يلقون بنت تقود سياره لحالها ياويلها ويلاه
لاتنسون أن الشباب بعضهم يتأذون من بعضهم أن كان مزيون
فمابالكم لوكانت أنثى الله يعينها
أنا أعرف بنات بالكويت بالبدايه ماتوا على قيادة السياره وبالنهايه صارو يبجون
لأن أزواجهم أعتمدوا عليهم أعتماد كلي الزوجه تودي أبنائها للسوق وللمدرسه وللحديقه
ولكل مكان

نصيحه من أنسان عاش هالوضع وشاف البنات وش يصير فيها
أنا مره شفت شباب يتحرشون في بنت تسوق سياره البنت أتصلت على أخوها أخوها جاء مسرع تدرون شنو صار بالولد داسوا على راسه قدام أخته وأخته تصيح بالغصب فكيناه
وأنتم يابنات تؤيدون هالكلام ليش
والله راح تصير مشاكل كثيره بالسعوديه وعلى رأسها الأغتصاب وهتك العرض والقتل والخطف


نصيحه نصيحه نصيحه حاربوا عشان ماتصير السالفه هذي

تمنياتي للجميع بالتوفيق
عسى الله يحفظ المملكه وأبنائها من كل شر