تجمع طالبات (فرع الرحاب )للدبلوم التربوي عام1436

[شمــوخ]

السلام عليكم ..
انا الحمدلله انقبلت في الرحاب وطابقت امس
بس المشكلة بالدوام المسائي
ماانتبهت الا في السيارة لما قرأت الافادة
بس اللي شايفته الكل مسائي
شكله مكنسلين الصباحي للاسف
بس اللي عندها خلفية عن اوقات الدوام المسائي تفيدنا
عشان تترتب افكارنا اكثر :(

[طمووح آنثى]

المشاركة الأصلية كتبت بواسطة شمــوخ السلام عليكم .. انا الحمدلله انقبلت في الرحاب وطابقت امس بس المشكلة بالدوام المسائي ماانتبهت الا في السيارة لما قرأت الافادة بس اللي شايفته الكل مسائي شكله مكنسلين الصباحي للاسف بس اللي عندها خلفية عن اوقات الدوام المسائي تفيدنا عشان تترتب افكارنا اكثر :(

المسائي من 12 _ 5 العصر

لكن نتمنى من اللحين نرسل للمسؤولين يفتحوا شعب صباحي للرحاب .. المسائي جدا صعب

[شمــوخ]

المشاركة الأصلية كتبت بواسطة طمووح آنثى المسائي من 12 _ 5 العصر لكن نتمنى من اللحين نرسل للمسؤولين يفتحوا شعب صباحي للرحاب .. المسائي جدا صعب

جزاك الله خير
فعلا صعب :(

[rww3ah]

بنات ماني عارفه فين فرع الرحاب هو نفسه الفيصيله اللي طابقنا فيها اوراقنا ؟
والدوام المسائي في الرحاب يعتبر انتساب ؟

[خجوله]

المشاركة الأصلية كتبت بواسطة rww3ah بنات ماني عارفه فين فرع الرحاب هو نفسه الفيصيله اللي طابقنا فيها اوراقنا ؟ والدوام المسائي في الرحاب يعتبر انتساب ؟

هي ورى النادي الاهلي واسمها على ما اظن كلية التصاميم

[فرح المالكي]

المشاركة الأصلية كتبت بواسطة خجوله هي ورى النادي الاهلي واسمها على ما اظن كلية التصاميم

لا اسمها كلية التربيه

[bebe3]

السلام عليكم
انا روحت طابقت اوراقي واعطيتهم البرنت حق الاحوال
والاسبوع الماضي سددت
وقالتلي بعد اسبوعين تعالي خدي البطاقه
بس مانزلي رقم جامعي
ليش؟

[bebe3]

وبالنسبه انو تبغو الدوام صباحي
هما من اول كدا عاملين انو الرحاب مسائي
انا عرفت قبل مااختار الرحاب انو هو مسائي والسلمانيه صباحي
واخترت الرحاب عشان ابغى مسائي
هما الله يهديهم مايوضحو قبل ماتختاري انا سألت بنات اتخرجو العام وقالولي المعلومه دي

[#ملاك]

المشاركة الأصلية كتبت بواسطة bebe3 وبالنسبه انو تبغو الدوام صباحي هما من اول كدا عاملين انو الرحاب مسائي انا عرفت قبل مااختار الرحاب انو هو مسائي والسلمانيه صباحي واخترت الرحاب عشان ابغى مسائي هما الله يهديهم مايوضحو قبل ماتختاري انا سألت بنات اتخرجو العام وقالولي المعلومه دي

انا اخترت السليمانيه بس حطوني بالرحاب عشان النسب وفي بنات كثير زيي
يعني غير انو الرحاب بعيده بالنسبه لنا وما ندري هل نلقى مواصلات او لا كمان مسائي

[#ملاك]

السلام عليكم

الحمدلله استلمت بطاقتي امس ووصلتني رساله بالرقم الجامعي وكلمة المرور لكن حاولت ادخل للاودس مره ما يدخل يقول انو خطا: (
متاكده مو خطأ كتبتو اكثر من مر.
احد صار معاه كذا ايش المشكله ؟؟