(قرارنا بيدنا) القرار النهائي للطالبات بخصوص العبايه اتفاق واحد وعبايه وحده

[فرفوووشة]

أما دي الي تضرب كفوف
فين جالسه الاخت
إنتو من جدكم تتكلمو في وحده تضرب كف؟؟
تضرب نفسها وتخرج برا الجامعه أحسن لأنو مهنتها غبيه وماتتهنى في الراتب ان شالله

[Bsskota]

هو بصراحة موضوع نقاش جيد وانا عن نفسي ماقد شفت امن تقفط احد عشان العبايه واناكمان مااشيلها في اغلب الاحيان ولا احد كلمني لكن يابنات تعالو نشوف الموضوع من جهه تانيه
دحين حكايه الابلات او بالاصح الاستاذات اللي يطلبو اننا نشيل العبي تراها من باب انها ماتحس انها بتشرح لناس مستعجله وماتصدق تخلص المحاضره من هنا وهم من هنا عالبيت طواااال بصراة معاهم حق لانو الموضوع ياثر في النفسية تخيلوا بالله انك مكانها والكلاس كله بعبايات وعاد الوجوه السمحة تطالعك وربي حتحسي نفسك في عزاء :)
هي قصة انضباط ونظام اكتر من انها تحكم يابنات
صدقوني لاتاخدوها من الناحيه دي لا تدوشوا دماغكم
ثانكس موضوع روعة

[LazoOord]

^^^

بس خير حتى في الممرات ما ألبسها

خلاص الاستاذه تقول فصخوا العبي ونفصخها

مو يسووها قرار وقضيه

شي والله !!

[شكولا]

::


أنا اشوف ان قرار المنع عادي..^^

أصلا ماحب اجلس بالعبايه..

ماأدري كيف الاسلوب اللي ممكن يتبعوه عشان يمنعوا البنات..بس اذا كان بأسلوب راقي..
فعادي ماصار شي مو تجي حق الامن وتنافخ ع البنات..


هذا رأيي في الموضوع..

وبالتوفيق لكم في المظاهرات

[يالبى قلبك]

احسس انه اشاعه ..
لاني السبت والاحد رحت ولا أحد كلمني ..
ثاني شيء .. قرارهم سسسسسخيف جدا ..
يعني ماقدروا يحطون نظام " الا هالنظام السخيف "
لو يبونها مساله نظام و أدب كأن حطوا ..نظام للبويات " وشارع الحب "
لان النظام اللي راح يحطونه لهم راح يفيدنا شوي ..
امإ منع العبايه ؟؟ وش المشكله لو وحده لبست عبايه ؟
لو قلنـا انهم حطوا ذا النظام لان البنات يلبسون شيء لا اخلاقي تحت العبايه : يفتحون العبايه ويمشون
ومشكلة الاستاذات .. ننزل العبايات بالكلاس مافي مشكله
بس أعتقد اللي حط هالنظام ناس مريضه
تبي تحس انها متسلطه وحطت ذا النظام مايفهمون شيء اسمه " حريه شخصيه للطالبه ..
واذا انهم مصممين على ان النظام يمشي .. يسمحون بالبنطلون لنا وننزل العبايات
يا النظامين مع بعض يا بلاش منها كلها < تكفين

[شوري بنت حروب]

[size="6"]نجررررررررب ونشووف الله يعين على النظمه الغبيهـ [/size]

[ام ساروووونه]

يوه مين فاضيه اللحين انسق بين التنورة والبلوزة والشنطة والشوز

والاكسسوار

والله ززحمه


لكـــــن افضل شيء يسمحو بالبناطيل والتنانير الميد حتى الميد يمسكون الوحده فيها هيا وين الاقي تنورة طويله عدله

طيب جينز خلاص كرهته

يسمحو بالبناطيل طبعاً مع البلايز الطويله والتنانير الميد ويفكونا

والافضل لههم ولنا مانفسخ العبي

لانو لو تفسخت العبايه

راح نشوف اللي لابسه ومو لابسه وراح يتعبوووووووون وهم يمسكون الطالبات

[شآدن]

معاكم لالا لتفسيخ <<برا

[Oo 3soOola oo]

امممم اول مره ادري بالقرار مستحيل احد يطبقو

صح احيانا بعض الاستاذات يتشرطو ويطلبو منا نفسخ العبايات عشان نفسها تنفتح للشرح لما تشوف الالوان

وكمان فالاختبارات عشان يمكن العبايه تكون من جوا مبطنه ببراشيم نفسي اعرف سر منعها

بس برا الكلاسات مالهم صلاح حريه شخصيه البس العبايه ولا لا

خصوصا انو الجو حار

وكمان مافي مكان نحط فيه العبايات يعني نشيلها فيدنا مثلا ولو نحطها فاللوكر واحنا نفرفر من مبنى لمبنى واحنا خارجين نرجع للمبنى اللي هيا فيه مشوااااااار

اذا يبغونا نفسخ العبايات يحطو لنا اماكن مخصصه للعبايات زي الزواجات

[jolya]

المشاركة الأصلية كتبت بواسطة oo 3sooola oo امممم اول مره ادري بالقرار مستحيل احد يطبقو صح احيانا بعض الاستاذات يتشرطو ويطلبو منا نفسخ العبايات عشان نفسها تنفتح للشرح لما تشوف الالوان وكمان فالاختبارات عشان يمكن العبايه تكون من جوا مبطنه ببراشيم نفسي اعرف سر منعها بس برا الكلاسات مالهم صلاح حريه شخصيه البس العبايه ولا لا خصوصا انو الجو حار وكمان مافي مكان نحط فيه العبايات يعني نشيلها فيدنا مثلا ولو نحطها فاللوكر واحنا نفرفر من مبنى لمبنى واحنا خارجين نرجع للمبنى اللي هيا فيه مشوااااااار اذا يبغونا نفسخ العبايات يحطو لنا اماكن مخصصه للعبايات زي الزواجات

برااااااااافو انا معاك اذا يبونا نلتزم يحطو لوكرات تكفي البنات كلللللللللهم او ع الاقل نصهم وفي كل مكاااان خصوصا البوابات