اسألني عن : مسار الجودة والعمليات، كل ما تريد ان شاء الله تجده

[تركي الجدعاني]

المشاركة الأصلية كتبت بواسطة العطية السلام عليكم حبيبي تركي الله يجزاك خير قبل ماأكتب ردي راجعت كل المشاركات عشان مايصير في تكرار .. 1. مالية شركات .. كيف صعوبتها .. كنت خايف منها الترم الماضي وحذفتها وإنحديت هالترم عليها :( نمشي فيها بدون مدرس ؟! 2. ادارة العمليات في المفردات مو مطلوب منا موضوع التنبؤ .. والشباب اللي راحوا لدورة التأهيلية السابقة قالوا الدكتور شرحها !! فهل بوضع الاسئلة يتقيدون بالمفردات ؟ وألف شكر على وقتك الثمين ..

وعليكم السلام، وجزاك خير

مالية الشركات مادة فيها قوانين كثيرة وكلها معتمدة على بعض ومادة مفتاح لمواد أخرى بعدها

المادة سهلة لكن كثرة قوانينها تلخبط، ركز شوية وان شاء تنجح ، وان شاء الله ما تحتاج لمدرس ولا بطيخ، ركز شوية كم يوم عليها وحل في المسائل وراجع الاختبارات القديمة وربك يسهل ...

ادارة العمليات دايما في اختبارها التنبؤ وخلي بالك انه الدكتور هو صاحب الاسئلة ويشرح شئ الا وجاي في الاختبار، لكنه بالمختصر ، وعليك بالمراجعة

وفقك الله ورعاك

[تركي الجدعاني]

المشاركة الأصلية كتبت بواسطة أم صلاح انا مثل هالجدول بس فرق عندي مالية دولية بدل تخطيط ومراقبة انتاج بس انا ادارة اعمال ومافي مسارات لانه نظامنا كذا في التعليم عن بعد بس اللي جدوله مثلي ياريت نتعاون يقلي كيف المذاكرة ونساعد بعض

حياك الله اختي ام صلاح

احب ان انبهك ان تخصصي ادارة عمليات وجودة لذا تصعب علي معرفة المواد الأخرى

ان شاء الله تجدي ما ينفعك في موضوع آخر في المنتدى

وفقك الله ورعاك

[تركي الجدعاني]

المشاركة الأصلية كتبت بواسطة ayman99 الاخ تركي..السلام عليكم ورحمة الله وبركاته.احتاج رفع معدلي بأذن الله وهذه موادي احصاء111 والقانون التجاري 211ومبادئ اداره101 ومحاسبه101 وحاسب 100 ومارأيك في التحليل الكمي114.وهل تنصحني بحذف المحاسبه وإضافة الاقتصاد الجزئي....وجزاكم الله خير

وعليكم السلام ورحمة الله وبركاته

الاحصاء مادة حسابية ثقيلة

والمحاسبة والاقتصاد الجزئي مادتين صعبة وكلها يبغى لها شغل ومذاكرة ، بس المحاسبة 1 فيها لخبطة ومسائل ، اما الاقتصاد الجزئي مسائل فقط ، ووكلاهما لازم تأخذهم ولهم جزء ثاني في الترم الثاني

---------------------------

التحليل الكمي = رياضيات اولى ثانوي بسيطة اذا فاكرها ،

--------------------------

اذا حبيت ترفع معدلك امشي عكس الناس، أجَل المحاسبة والاقتصاد للترم الثاني وضيف اسلامية

بس رايح تتأخر شوية الا اذا بتأخذ صيفي تمشي تمام.

-------------------------

وبالتوفيق

[أم صلاح]

المشاركة الأصلية كتبت بواسطة تركي الجدعاني حياك الله اختي ام صلاح احب ان انبهك ان تخصصي ادارة عمليات وجودة لذا تصعب علي معرفة المواد الأخرى ان شاء الله تجدي ما ينفعك في موضوع آخر في المنتدى وفقك الله ورعاك

المعذرة اخوي تركي
لانو احنا نظامنا جديد في التعليم عن بعد
نقسم ادارة اعمال وادارة عامة
وبعد كذا ندرس داخل كل قسم منهم جميع المسارات
عشان كذا ماعندي علم بتخصصات ومسارت وكذا
المعذرة مرة اخرى

[تركي الجدعاني]

أعانك الله وسدد خطاك

[أبوجنى]

أخوي تركي بيض الله وجهك على مجهودك الجبار في مساعدة إخوانك الطلاب جعله الله في ميزان حسناتك ....
أنا عندي إستفسار عن مادتين وياليت ألقى الجواب الشافي عندك .
الأول بالنسبة لمادة بحوث العمليات 2 في باب المحاكاة هذا الباب أحس إنه نظري والجداول اللي فيه ماني فاهمها والمدرس اللي عندي بعد مو فاهم كيف طريقتها ياليت تفيدني في هذا الباب , وبالنسبة للبابين التالين مليانه ومتشبعة قوانين ومتشابهة بعد وهذا مستحيل تنحفظ كيف الطريقة فيها يجيبون نماذج القوانين مع ورقة الإختبار ( ياليت تعطيني شرح وافي متكامل عن المادة وطريقة الأسئلة ) إذا ماعليك أمر .
الثاني بالنسبة لمادة البحث والتدريب أنا مع الدكتور نائل المؤمني وكيف طريقة المادة هل أنا أختار موضوع البحث وإلا الدكتور يختاره وكيف طريقة تقديمه ومتى يكون اخر موعد للتقديم وهل فيه مناقشة وبالعادة من كم صفحة يكون.
أخوي تركي أنا عارف إني طولت عليك لكن ماعليش إعذرني الله يعينك علي وربي يوفقك .

[تركي الجدعاني]

المشاركة الأصلية كتبت بواسطة أبوجنى أخوي تركي بيض الله وجهك على مجهودك الجبار في مساعدة إخوانك الطلاب جعله الله في ميزان حسناتك .... أنا عندي إستفسار عن مادتين وياليت ألقى الجواب الشافي عندك . الأول بالنسبة لمادة بحوث العمليات 2 في باب المحاكاة هذا الباب أحس إنه نظري والجداول اللي فيه ماني فاهمها والمدرس اللي عندي بعد مو فاهم كيف طريقتها ياليت تفيدني في هذا الباب , وبالنسبة للبابين التالين مليانه ومتشبعة قوانين ومتشابهة بعد وهذا مستحيل تنحفظ كيف الطريقة فيها يجيبون نماذج القوانين مع ورقة الإختبار ( ياليت تعطيني شرح وافي متكامل عن المادة وطريقة الأسئلة ) إذا ماعليك أمر . الثاني بالنسبة لمادة البحث والتدريب أنا مع الدكتور نائل المؤمني وكيف طريقة المادة هل أنا أختار موضوع البحث وإلا الدكتور يختاره وكيف طريقة تقديمه ومتى يكون اخر موعد للتقديم وهل فيه مناقشة وبالعادة من كم صفحة يكون. أخوي تركي أنا عارف إني طولت عليك لكن ماعليش إعذرني الله يعينك علي وربي يوفقك .

حياك الله وان شاء تلاقي اللي يفيدك ويفيد غيرك وان احاول على قدر استطاعتي ووقتي :

الأول : بالنسبة للمحاكاة تجد لها جدول الطائرات على ما اذكر جاء مثله بالزبط
وما في قوانين في الاختبار ، ولو تحصرها تجدها ما هي كثيرة ومتكررة وقد جاء بعضها في الجزء الاول من المادة، اما الشرح فيبغى له تفرق وارجع للمادة فصل فصل واحطها في موضوع خاص
وبأحاول - ما اوعد - ان اشرح المادة.
الثاني : البحث لازم تروح للدكتور او تتصل عليه وتسأله نوع وطريقة البحث، عادة تكون 3 فصول
1- تعريفي عن العمل والمهام
2- المشاكل
3- الحلول وطرق التحسين

لكن لازم تروح للدكتور وتعرف منه طرقته....

[أبوجنى]

أخوي تركي الله يعطيك العافية وجزاك الله خير وبالنسبة لجدول الطائرات أحفظه يعني حفظ وإلا له طريقة حل ... ترى هذا الباب مدقرلي شوي ..

[تركي الجدعاني]

افهمه يا حلو واحتمال يجي زي ماهو

[الفكر]

صباح الخير اخوي تركي :
عندي بعض الإستفسارات ودي تفيدني جزاك الله خير
1- بالنسبة لمادة الجودة 325 مالقيت ملخص لها ودي تفيدني عن اي معلومات عنها وعن طريقة اختبارها .
2- مادة إدارة عمليات الخدمة 428 في فصل ذاكره الدكتور في المفردات وغير موجود في الكتاب وهو ( إدارة الموارد البشرية في الخدمة ) وبعد ذاكر أنه اختبار هذه المادة كتابية ودي تفيدنا عن طريقة اختبارها .
3- مادة الثقافة الإسلامية 401 المفردات تختلف عن الكتاب الأصفر لمحمد قطب وكل مواضيعها مختلفة عن الكتاب وش نذاكر ؟
ولك الشكر انت والاخوان والاخوات على المساعدة ,,,,