موقع كلية السـلامه ( فرع البنات )

[! نغم !]

المشاركة الأصلية كتبت بواسطة th4m3r السلام عليكم بأشرح لك بالظبط من طريق المدينة تروحي من طريق المدينة متجهه شمال يعني رايحة للمطار و يوم يجيكي تقاطع صاري مع المدينة خش من تحت الكوبري و أتجهي يسار كأنّك متجهه ع البحر و إنت في شارع صاري تتجهي تعدّي أول و ثاني و ثالث إشارة تقريبا بتلاقيها ع اليسار هي مررررة كبيرة بس المشكلة جوا الحارة يعني مغطية عليها عماير وقفي إسألي أي محل يعرفونها بالظبط وين هيا و هي مررة قريبة منهم خلف المحلات تحياتي

صبايا انا رحت اليوم اشوف موقع الجامعة بنفس شرح أخوي اللي مقتبسة الرد حقه بس مافي عليها ولا لوحة وفي كذا بوابة وكذا مبنى على اليمين وعلى الشمال بس ماني عارفة من اي بوابة ندخل وماكان فيه احد عشان نسأله كانت منطقة مرررة تحسون ما كأن احد عايش فيها فما ادري هي هذي من جد الجامعة والا لأ ما ادري اش نسوي لمن نروح

[jody 66]

المشاركة الأصلية كتبت بواسطة ! نغم ! صبايا انا رحت اليوم اشوف موقع الجامعة بنفس شرح أخوي اللي مقتبسة الرد حقه بس مافي عليها ولا لوحة وفي كذا بوابة وكذا مبنى على اليمين وعلى الشمال بس ماني عارفة من اي بوابة ندخل وماكان فيه احد عشان نسأله كانت منطقة مرررة تحسون ما كأن احد عايش فيها فما ادري هي هذي من جد الجامعة والا لأ ما ادري اش نسوي لمن نروح

نغم المنطقه هاديك مدارس ومعاهد .. يعني حتكون هاديِآ ..

ان اقلك جنبها مدرستين 27 و 12 ..

ومركز التوحد وكيف تدخليها اول شي قدامك تكون بوابه حديد كبيرهـ .. وفيها زي مواقف

سيارات ..

ومكتوب فرع الطالبات جامعه الملك عبدالعزيز ..

وفي برضو من ورآ مكتوب كليه اللغه العربيه ..

اتمنى فهمتيني

[! نغم !]

ايوة كان فيه زي ما قلتي بوابة حديد سودا ومنطقة كبييييرة تبان انها لمواقف السيارات وفيه مدرستين وكان فيه لوحة على الشارع تقريبا مكتوب فيها الاقسام الادبية ومأشر عليها بسهم

وكان في لوحة مكتوب عليها مركز الموهوبات أو شي زي كذا في مبنى قريب منه

[jody 66]

ايوآ هيا ياعسسسسل وصلتي ,,

لما تداومي تدخلي من جهه المواقف وهنآك في بوابه

[! نغم !]

تسلميلي جودي طمنتيني ما أدري ليش كنت شاكه

مشكوووووووووورة

[{~ طيش على جديہْ '.]

يعني اللي فكلية السلامه لازم بكرا يداومو ولالا .؟؟ يقولو اول اسبوع مافي محاضرات

[asm2 al7rbi]

طـــــــــــــررريــق ياااا نـــاااس <<بنت الحروب وصلت هع



طبعاا للاسف طلعت معاكم <<طيـب بــرااا

لاا لاا امزح بجد صباايا طلعو راميني في كلية السلامه <<مشكلة بس عاادي بفلها لو يحطوني بكرتون لووووول

طبعاا انا ماعرف احد بس ماا عندي مشكله اتعرف عليكم كول ابوكم

اليوم طلعت بطاقتي وبكرا اختبار انقلش <<ابشركم من دحينا حبدع

[ج ـنوونـ]

بنات وانا معكم الله يعنين والله الجامعه بعيد عنا بكثير ممكن ساعه اروح وساعه ارجع
بس انا معكم إن شاء الله ننسى التعب
ترى انا معكم خطه ب ياقلبي علينا

[Miss MADA]

هاااااااي صبايا انا بالسلامه معكم طمنتوووني كثييييييييير انه بس سنه تحضيريه جا في بالي اني راااح ابلط هناااك
بس برضوا متخوفه انهم قالوا لازم نجيب معدل حلو < يعني 4 فما فوق عشان اقدر احول؟؟ افيدوووني
الله يستر

[سديـــــــــــــــــــــم]

بنااااااات مين كان موعدهااا السبت ونزل له جدوووول