بنــــــــــــات الانتساب

[mahawe]

المشاركة الأصلية كتبت بواسطة rere.r السلام عليكم,, بنات تكفون ريحوني,, ابي اعرف شلون احسب مستويات دراستي على حسب السنوات ولا المواد ولا كيف,, ثانيا منزلين مقررات دراسه لسنه 1430 1431 هل تمشي على بس ذي السنه ولا جميع السنوات وجميع الدفعات ولا تتغير كل سنه ,, مخي صاير مضروووووب,,

قصدك كيف تعرفي انتي اي مستوى ..؟!!
اذا كدا احسبي من اول سنه درستيها كل تيرم مستوى يعني الفصل الاول لاول سنه هدا مستوى اول والفصل التاني المستوى التاني وهيك ..
والمقررات اتوقع صح نفسها بس بعض الاحيان لازم تتأكدي من نفس الاستاذه

[Rere.r]

يعني الحين انا مستوى سادس مع اني حامله مواد,,




والمقرارت يعني انا دفعه 08 المقرر هذا يمشي على جميع الدفعات,,

[mahawe]

اها لو تالت سنه بتدرسي يعني مستوى 6 حتى لو حملتي مواد ..
ومقررات بتمشى لكل السنين لكن لو انا مكانك بنتظر اتأكد من الاستاذه لانو قبل كدا شتريت كتب قبل ما اشوف الاستاذات وبعضعها كان متغير .. لكن هالكلام للمستويات الاولى اكتر شي

[Rere.r]

اها تسلمي يا عسل,,


انا منزله اصلا جدولي هالسميستر حره وعامه


حبيت اسئلك لو تعرفي ملخصات او اسئله اختبارات لذي المواد

ثقافه 4

مبادئ اداره

سيره نبويه

[mahawe]

اها السيره النبويه والخلفاء الراشدين حلوه الماده هي صح كتابين بس اشياء سهله ما يحتاج ملخص ..
والثقافه برضو نفس الشي جزء صغير من الكتاب كان معنا يمكن اول فصل بس برضو مش محتاجه ملزمه..
اما الاداره العامه هادي الماده تقيله دم ومحتاجه ملزمه بس انا ماعندي والله بس لما تداومي لاستاذه راح تقلكم من وين تجيبوها .. انا من زماااان اخدتها وكانت الملزمه بالمكتبه المركزيه بس اتوقع تغير دحين ..

[Rere.r]

انتي عارفه دورتنا متاخره ومو عارفه ابغى ابدا اذاكر من الحين وش تقترحين اسوي,,يعني بس اقرا الكتب ماني فاهمه,,

[داانه]

غنوج الله يسعدك ياشيخه طمنتيني

مهاوي الله يعطيكي العافيه ع المعلومات الحلوه

[mahawe]

امممم طيب ابدأي بالمواد السهله زي الثقافه والسيره النبويه ..
السيره النبويه طويله حبتين فبدأي احفظي ولخصي المعارك وهيك لانو المعارك كتيره برضو
اما الاداره الله يعينك واستني لين تعطيكم الاستاذه الملزمه او شوفي يمكن تلاقي هنا في المنتدى ملخص يفيدك .. او ممكن تسألي الاستاذه بنفسها
اما اذا عندك مواد تخصص اقرأي ملخصات المواد من هنا من المنتدى احسن لك بدل ما تشتري الكتب وماتكون هيا

[mahawe]

الله يعافيكي دانه .. :)

[غنوج]

المشاركة الأصلية كتبت بواسطة mahawe بنات مين اخدت ادب حديث ومناهج بحث قبل كدا .. احسها مواد دسمه والله .. ياليت تفيدونا .. والتدريب عملي 2 خلص انا سلمت الخطاب الثلاثاء للمستشفى .. بس قبل ما تروحو لدكتوره سوزان لازم تطبعو وتعبو الأوراق اللى في موقع الجامعه وتكتبي اسم الجهه اللى بتدربي فيها مع اسم اللى كلمتيهم وقبلو مع رقم تلفيونهم عشان على طول تستلمها منك وتقلك تعي خدي الخطاب بعد يومين ..

طيب ليش بعد يومين انا حبدأ التدريب يوم السبت فلازم اخذ الخطاب بكرة منها كيف حداوم كذا