|| تجمـع طـآلبـآت الإنتظـآم : جدآول - حذف و إضـآفة - أستاذات و مــوآد : حيـآكُــن ||

[اللهم عونك]

المشاركة الأصلية كتبت بواسطة مني يغار الورد بالنسبة لمنى البلوي في الصرف تخرجي وانت فاااااااااهمة جدا الاختبارتقريبا انه لازم تعكي فيه بس عموما يكون سهل والصراحة مشكتلها ماتعطي البنت حقها في الدرجات شدي حيلك معها ولاتخافي ربي يوفقك اما الدراما جربت بو ترعة في الشرح ماشاء الله مخلللصة بس دقيقة في التصحيحوالحلو الكويزات تطلب منك تحللي في براقراف عادي اما ايمان حمزة ماجربتها لكن يقولو ماتشرح تمشي بسرعة لكن تصحيحها ماتدقق كثير والله اعلم بس اهم حاجة تكوني فاهمة المسرحيات كويس وتحضريها اول بااول ولاتشيلي الله يوفقك ..

أسعد الله أيامك غاليتي ..
تعبتك معايا..
ربي يجعله بميزانك..
بالتوفيق ياااااااااارب

[اللهم عونك]

المشاركة الأصلية كتبت بواسطة انا رورو انا سوسيو وا بلايد مع دكتورة منال انسسسسسسي متعب متعب متتتتتتتتتعب لان اسلوب الدكتورة بالاسئلة فراغات وسؤال واحد مقالي والسوسيو والبلايد مواد دسمة جدا ودكتورة منال تدريسها من البوك وماتحذف اي معلومة اما الاستاذات التانيات يعملوا سلايدات للبنات تسهل عليهم المادتين دي ..اما السيمانتكس خذيه معاها في حال ان شعب دكتورة نجاح صارت فل صراحة السيمانتكس مع دكتورة نجاح الجحدلي ممتع وسهل جداا بس اذا قفلت شعبها لا تاخذيه مع افنان فطاني خديه مع منال التاودي ومس نجاح الجحدلي عموما اسئلتها ماتخرج من سلايداتها ابد واسئلتها سهلللللله حتى ماتخرج عن امثلة الكتاب في اختباراتها دكتورة ليلى الشرقي تعطي مودرن امممم اسئلتها فيها فلسفه شويتين و منهجها كله ناس مرضى نفسيين ومضطهدين وتعطي بالكورس روايتين ومسرحيتين و6 شورت ستوري وطبعا تعطي تكاليف تساعد على رفع درجاتك و اخر الترم تطلب من البنات بروجكت اي مشروع يكون له علاقه بمادة المودرن مثلا تترجمي احد القصص الي درستيها معها او اي مسرحية من الي درستيها معها او تعملي اي فكرة جديدة ومفيده وحلوه لها علاقه بمادة المودرن اسئلتها مااقدر اقلك سهله ولا صعبة مستحيله بس اسئلتها قليله مثلا الدوري الاول 5 اسئله مقاليه وكل سؤال صفحة او صفحة ونص تحب البنت الي تتفلسف معاها وتكتب وتعبي الورق ماتدقق كثير بالاخطاء الاملائية وتتجاوز عنها كثير بس اهم شي عندها تكتبي كتير والي تكتبيه يبين انك فاهمه سؤالها كويس ويبين انك فعلا ذاكرتي وقراتي النوفل او البلاي والاغلب يمدح دكتورة سوزان فكهاني في مادة المودرن دكتورة افنان في السيمانتكس ما افضلها صراحة اختاري اما دكتورة نجاح او منال مادة الدراما ايمان حمزة وايمان بو ترعه كلهم كويسات بس احس اسئلة مس ايمان بوترعه اسهل ولو تفتحي اذانيكي معاها كويس بكلاساتها وتحضريلها اووووووول بأوول تدخلي اختبارك وانتي تكوني تقريبا متوقعه اسئلتها لانها لمن تقول السيمبولز مهم يعني مهم وحيجي ولمن تقلك المسرحية دي كلها ثيمز يعن يحيجي سؤال في المسرحية دي عن الثيمز(المس مزاجيه حبتين بس طيبة وممنوع تغيبي لازم تكوني مجتهدة وتحسسيها باهتمامك بمادتها لان لو حست منك عدم اهتمام وغيابك كتير فحتعطي f وانتي مغمضة بس لو حسستيها باجتهادك وحضورككويس حتى لو كنتي محتاجة كم درجة عشان تعدي المادة حتعطيكي هي ) مس ايمان حمزة ممتازة ومجتهدة بس شخصيتها قوية حبتين يعني ممنوع تدخلي بعدها ياويل الكلاس اذا ماكان محضر وقارى البلاي قبل لايجي تبغا اجتهاد وتاخدي حقك ع قد ماتعبتي بس شغلها كتير حبتين يعني ومااشاء الله تحفظ وتعرف بنات الكلاس وحدة وحدة الاثنين كويسات سواء حمزة او بوترعه انتي استخيري وشوفي نفسك تميل اكتر لمين

الله يفك كروبك وييسر أمورك يااااارب غاليتي..
ساااامحيني خليتك تكتبي جريدة
ربي يجعله بميزانك ..
بالتوفيق ليكي يااااااااااااارب

[فكتوريا]

Lo_Ly اعتذر ياقلبو كنت احسب انك في الفيصلية

[اللهم عونك]

المشاركة الأصلية كتبت بواسطة mml اللهم عونك انا اخذت دراما مع ايمان حمزة الترم الي فات زي ماقالت اختي رورو لازم تكونين محضرة بس لو عرفتك والله تحطك على راسها وتراعيك الكورس كان مرة حلو معها وتكاليفها اسهل من تكاليف بنات ايمان بوترعه :/ كانت وحدة من صحباتي معها وقالت لي وش كان التكليف بصراحه انفجعت مس ايمان حمزة تدقق بالحضور يعني اذا تأخرتي 5 دقايق بعدها انسي تدخلين بس مرة طيبة واسئلتها مرة سهلة ومن شرحها بالكلاس يعني ياليت تكتبين معها نوتس + قبل كل اختبار تسوي كلاس مراجعة فيه نقاط منها ويجي منها اغلب الاختبار زي ماقالت رورو استخيري وشوفي قود لك

غاليتي الرقيقة..
بوركت وبوركت أيامك على إفادتي ..
أسأل الله أن يسهل عليك كل عسير ويفتح عليك كل خير ..
بالتوفيق ياااااااااااااارب..

[mml]

^ آممين وياك ياقللبي : )
يازززين دعواتك تجنن .. مانحرم ياررب



لولي
انا اخذته مع مس ابرار مجددي بس مع الاسف قالت لنا انه ماراح تعطيه هالترم
ف مادري عن منى لاني ماجربتها صراحه

موفقة ياقلبي

[ام حمدان]

بداية موفقة للجميع عساه يكون ترم حافل بالنجاحات والانجازت يارب :)


ياعسولات

احد فيكم يقدر يتأكد من حكاية مادة الشباب وقيم المواطنة الي وصلنا انها صارت هي بديل براكتكم1 مو العلوم زي السنه الماضية

فأتمنى وحده فيكم تسأل وتتأكد اكثر من هالحكاية بما إن فيه كثير منكم بيداوموا الاسبوع الجاي

حاولوا تطبعوا خططكم وتتأكدوا

وكمان حاولوا تعرفوا مصير الي درسوا علوم على اساس انها بديل براكتكم1 هل يلزموهم بدراسة ماده الشباب وقيم المواطنه ولا بس هالشي ينطبق على الي مادرسوا علوم ؟



سوري لو بنتعبكم بس هو الهم واحد وهالامر يهمنا جميع

موفقين

[يارب اسعدني]

السلام عليكم ورحمة الله وبركاته
حابه اسأل عن إلي اخدو مقدمة في الأدب وريسيرش مع بعض في نفس السمستر
هل في صعوبة ولا عادي ؟؟؟ واهم شي درجاتكم كيف كانت؟؟

[لصممتي حكممه]

إنا بالنسبه لي انتساب وأخذتها مع بعض . ماأحس كان فيها أي صعوبه بالعكس درجاتي

فيها كانت مرتفعه إلحمدلله ..

أن شاء الله بنات الانتظام يفيدوك ..


بالتوفيقـ

[Lo_OLy]

المشاركة الأصلية كتبت بواسطة mml ^ آممين وياك ياقللبي : ) يازززين دعواتك تجنن .. مانحرم ياررب لولي انا اخذته مع مس ابرار مجددي بس مع الاسف قالت لنا انه ماراح تعطيه هالترم ف مادري عن منى لاني ماجربتها صراحه موفقة ياقلبي

جججد ؟؟؟

حساافه كنت اتمنى اخذ معاها لان كثير بيمدحوها

و إذا قصدك على منى البلوي سمعت انها تغيب كثير و مو مره شرحهاا ..

[A.s.f.f]

بنات فيه منكم وحدة نزل لها جدول و بدأت تحذف وتضيف ؟ :\