هنا تجمع طلاب الترم الصيفي لعام 1433هـ

[فهد الشايع]

اخوي فهد الله يطول لي في عمرك على طاعته واحد من الزملاء ماله فضي النت نظام شايب وحامل نظرية التنظيم والمحاسبه الحكوميه وش تنصحة ياخذ معها والا افضل الدكاتره وهل بالامكان اختيار الدكتور والا وش فايده الدكتور داااام الاساله يسونها لجنة

[فهد العنزان]

المشاركة الأصلية كتبت بواسطة فهد الشايع اخوي فهد الله يطول لي في عمرك على طاعته واحد من الزملاء ماله فضي النت نظام شايب وحامل نظرية التنظيم والمحاسبه الحكوميه وش تنصحة ياخذ معها والا افضل الدكاتره وهل بالامكان اختيار الدكتور والا وش فايده الدكتور داااام الاساله يسونها لجنة

انصح زميلك يتوكل على الله ويأخذ نظرية التنظيم مادة مهمة تفتح لك مواد كثيرة وكذلك يأخذ المحاسبة الحكومية ويركز على الجزء النظري مثل ما شفت المحاسبة الحكومية أغلب الطلاب والمدرسين بيدرسك فقط الجزء العملي والنظري على الطالب والجزء الاكبر من الاختبار بيكون على النظري + يضيف المشروعات العامة كامادة اختيارية pad432 إذا كانت عند طلعت سندي أو شمسان
للاسف اختيار الدكتور غير متاح لطلاب الانتساب ما فيه الاشعبة واحدة فقط بعكس الطالبات وطلاب الانتظام الخيارات متاحة بشكل كبير .

[الجبيل 1]

بالتوفيق للجميع ان شاء الله وعقبالنا

ان اخترت من المواد :-
1/ التخطيط الاستراتيجي
2/ ادارة محلية
3/ سلوك تنظيمي (محمول)
4/ موازنة ومالية عامة

والله يستر ونعدي على خير

[وطن.!]

هااام لكل طالب عنده مادة بحث وتدريب

ياشباب الطلاب اللي عندهم بحث وتدريب لازم يكونوا مسددين وجاهزين خصوصا الخريجين عشان اول ماتفتح الشعب يختارون دكاترة على راحتهم ولا يضطرون بعدين بالمزجاجي ولا حداد وذيك الساعه يفلقوني اذا تخرجوا !!

* الطلاب الذين لم يتبقى لهم الا مايقارب 9 ساعات ويتخرجوا عليهم تقديم منح اعفاء من الرسوم لانه من الممكن اعفائهم ، واللي باقي له مادة فهذا مؤكد اعفائة اما الاكثر فحسب حضه ( حضه يانصيبه) والاكيد راح يفيدنا فيه اخونا بتااال وصيناه وماندري وصار عليه
بس باذن الله تكون الاخبار زينه ويشمل الاعفاء 9 ساعات .

[مجنون الهلال]

اخوي وطن لك رساله على الخاص

[spiron]

مسجل ان شاء الله اقتصاد جزئي ومحاسبة حكومية وثقافة اسلامية 4

[منصور الشمري]

يا شباب انا ان شاء الله ناوي اخذ

1. التخطيط الاستراتيجي ( تنصحوني عند اي دكتور او من هو افضل دكتور وهل يكون في الصيفي ؟ )
2. بحوث العمليات ( اسمع الشباب يمدحون الحركان معكم إن شاء الله ) .
3. موازنة ومالية عامة ( تنصحوني عند اي دكتور او من هو افضل دكتور وهل يكون في الصيفي ؟ ) .

وياليت تجاوبوني والله محتاج اسمع رأيكم :(


يا ششششباااب رايكم وينكم وفيه ملخصات

[SMSM!!]

حاب أسأل ..

متى يكون سداد الترم الصيفي ...؟؟؟!!

[وطن.!]

المشاركة الأصلية كتبت بواسطة smsm!! حاب أسأل .. متى يكون سداد الترم الصيفي ...؟؟؟!!

بدا التسديد اخوي من الان

[انتسابي1]

ياشبااااب اتمنى تفيدوني انا لأول مرة باخذ ترم صيفي
الحين ابغا اضيف 3 مواد وسمعت انه الان نقدر نضيف 4 مواد يعني 12 ساعة هل الكلام صحيح ؟؟
وسؤال ايضا دخلت حذف والاضافة والبحث في الشعب اشوف مواد مكتوب عليها مغلق ومواد مكتوب عليها غير متاح للتسجيل
ومافي ولا مادة اقدر أأشر عليها
ايش السبب ؟؟
هل اذا سددت الرسوم تفتح معايا المواد اللي مكتوب عليها غير متاح للتسجيل ؟؟
وهل ذي المواد بتنزل ترم صيفي والا لا اخاف ادفع الرسوم وماتنزلي المواد المطلوب لانه المواد اللي اريدها
كلها مكتوب عليها غير متاح للتسجيل مع العلم اني مو مسدد
وكيف طريقة تسديد رسوم الترم الصيفي
وماهي اسهل المواد الاختيارية لتخصص العلوم الادارية

انا اخترت

سياسة عامة وصناعة القرار (تخصص)
ادارة القيادة الفعالة (اختياري)
ادارة العلاقات العامة (اختياري)

هل ينفع اخذهم مع بعض القيادة الفعالة والعلاقات العامة ؟

ياريت تنصحوني بالاسهل لاني محمل سياسة عامة :(

اتمنى تجاوبوني بأسرع وقت ومتى يبدأ وينتهي التسجيل واضافة المواد

ياشباب والله محتاج اجابة لجميع الاسألة فقط لأني اول مرة ومحتاج الترم الصيفي ضروري

آعتذر لاني بتعبكم في الاجابة

ولكم دعوة بظهر الغيب بالتوفيق لكم جميعا