ماذا بعد حياة ( الهكوناإأآ متاإأآتإأآ )

[~Me~]

المشاركة الأصلية كتبت بواسطة r_d شوف فيه حاجة اسمها نسبة عامة و نسبة خاصة ... النسبة الخاصة هذي طريقة حساابها على حسب الكلية اللي انتا تباها فمثلا نحسب نسبة الطب الخاصة : يبغو مجموع درجاتك في الكيمياء و الاحياء و الفيزياء و الانجليزي و تضرب درجة كل مادة في عدد ساعاتها و تقسم على مجموع عدد الساعات في النهاية يبغو المجموع حقها يكون فوق 85 !! و حساب النسبة الخاصة لكلية الهندسة نفس الطريقة لكن المواد هي الفيزياء و الرياضيات و الانجليزي ! اما النسبة العامة و هي المعدل من 5 يتم حسابها بنفس طريقة النسبة الخاصة لكن هنا بتحسب جميع المواد كمهارات الاتصال و الحاسب و والاحصاء !! ان شاء الله تكون الصورة اتضحت عندك و اكون وضحتلك مزبوط !!

أها مشكور يعطيك العافيه ... وفهمت الهرجه

المشاركة الأصلية كتبت بواسطة khalid al اهنيك على الموضوع بس مافهمت حاجه ههههههههههههههههههه

ههههههههههههههههه

أفا يا مهندس يعني تخصص كلو فهم المفروض تفهمها ع الطاير


نورت

[~Me~]

دحين مهارات الاتصال ومهارات الحاسب الآلي واللغه الانجليزيه

في الاداري والعلمي زي بعض ولا مختلفه !!

[احمد ربيعة]

يواد اش الحشيش دا هههههههههههههههههه

[~Me~]

المشاركة الأصلية كتبت بواسطة احمد ربيعة يواد اش الحشيش دا هههههههههههههههههه

إيش تعرف يا حبيبي حشيش خالي من الكحول طال عمرك

نورتنا والله

[هنبرنقع]

يا مرحبا
اشوفك جبت اسمي مالموضوع
عاعموم هكونا متاتا

[~Me~]

المشاركة الأصلية كتبت بواسطة هنبرنقع يا مرحبا اشوفك جبت اسمي مالموضوع عاعموم هكونا متاتا

ههههههههههههههههههههههههههه أكلت المقلب يا حبيبي


ترا كل واحد يظهر له إسمه لا تصدق نفسك بس ههههههههههههههه


يعطيك العافيا حبيبي

[همس الوفآ]

هههههههههههههه تنحت لوهله لما شفت اسمي
المهم قبل ما اعرض تجربتي المتواضعة في هالسنة للصبايا اللي وصلتني للهندسة الحمدلله

بقولكم كلمتين من القلب للقلب
قبل كل شي لازم تكون علاقتك طيبه مع ربي وما تقطع القرأن ولا الاذكار ابدا
كل يوم وانت جاي الجامعة الصباح اقرأ لك وجه وقول اذكار الصباح صدقني ربي بيوفقك وبيفتح عليك
النقطة الثانيه امك وابوك من جد شفت اثر دعوتهم.. الاختبار اللي اروحه وامي ما دعت لي فيه
تكون درجتي مو مره .. علشان كذا انا اقولكم ان ربي رازقنا بنعمة احنا مو مقدرينها

- مستواكم بالانجلش حيتحسن لا تشيلوا هم ممكن تتنحوا في بداية الامر بس في النهاية حتصير المصطلحات سهله بالنسبة لكم
-المذاكرة أول بأول لا تهملوا ولا ماادة
-لاااازم يكون لك هدف من هالسنة تسعى انك تحققه مثلا معدل عالي تخصص معين ...الخ
-تفاااءلوا و قولوا الحمدلله دائما مهما كانت الصعوبات الي بتمروا فيها وخلوا ثقتكم بربي كبيرة وحاولوا قدر الامكان ترتبوا وقتكم
وعمووما التحضيري مو صعبه بس لانها شي جديد نكون خايفين منها

طيب ببدأ اقولكم على تجربتي ومعليه يعني موجهة للبنات بس خذوا منها المفيد "فرع السليمانية"
1- الفيزياء/ انا هالمادة بالثنوي كنت اكرهها ولا افهمها بس هالسنة غيييييير حبييتها وبصراحة اول مره افهم الفيزيا
وطبعا ذا بفضل ربي ثم د:سناء اباضة رااااائعه جدا اهم شي لا تفوتي اي محاضره و في المذاكرة محاضرات سناء اباضة سهله وواضحة وقليله ونصيحة
حتى لو ما كنتي عندها ذاكري من محاضراتها وموجوده هنا ولو ما فهمتي شي ارجعي للدكتوره + راجعي ملخص هناء فرحان لو فيه فكره مو موجوده في المحاضرات اكتبيها في دفترك
+حلي النماذج والاسئلة والسكشن وهالشي جدا مهم ما ينفع مذاكرة بدون تدريب

2-الرياضيات/ - مستوى الدكتورات متقارب بس كلهم كويسات الحمدلله
- في المذاكرة انصحك ترجعي لدفاترك حقت العام علشان تفهمي خاصة لو كانت معلمتك كويسة لان المنهج تقريبا نفس العام بس انجلش..
ذاكري من الكتاب وحلي كل التمارين اللي معاك في الخطه + ملخصات اشرف بركات مرره تفيد
في شي اسمه الورك شوب يقولوا مهم اسئلة كثيره بس انا عن نفسي ما مسكتها

شوفي الفيزيا والرياضيات الافضل تكوني مذاكرة من بدري لانك لما تذاكريهم من قبل تعرفي ايش المهم وايش اللي ياخذ وقت ..
قبل الاختبار ما عندك وقت تجلسي تطبعي ورق ولا تجيبي شي جديد تذاكري منه مافي داعي تلخبطين نفسك وتوترينها زيادة
فالافضل تكوني مرتبة وضعك من قبل ووقت الاختبار محدده لنفسك ايش بتذاكرين بالضبط هالشي بيخليك تدخلين الاختبار وانتي مركزة مو حايسه والافكار ضايعة في راسك

3-الحاسب/سهل بس اول باب نظري بحت الباقي عملي ..وهو عبارة عن اختبارين في كل دوري عملي ونظري والنهائي بس نظري
المهم العملي لا تفكري ابدا انك بتاخذين الدرجة عالجاهز زي المدرسه فركزي في كل فقره وعموما سهل جدا بس ركزي وراجعي قبل ما تطلعي (=
النظري اختبار الكتروني واغلب الاسئله عمليه يعني يجيك بالغلط سؤال او اثنين نظري بحت..
حاولوا تختبروا العملي قبل النظري حيصير تذاكروا مره وحده وعالنظري تراجعوا بتركيز
-في المذاكرة لازم تطبقي كل شي في الكتاب سواء كان الاختبار عملي او نظري علشان تثبت المعلومة براسك ..

4-مهارات الاتصال / د:اميرة النمر رائعة
الاختبارات تنحط من قسم الطلاب فمرررررره سهله
التكاليف سهله بس لا تراكمينها على نفسك سويها اول باول وحطيها بالملف
-ذاااكري بفهم لانك لو فاهمه المنهج مزبوط حتحلي الاسئلة وعموما اهم شي بطلوا فلسفه العلمي
الوسوسه اللي تجي في الصح والخطأ هو يقصد كذا ولا في الكتاب مو زي كذا \= انتي ما يهمك الا العبارة اللي قدامك صح ولا خطأ وانتهينا

5-الكيمياء / ما في دكتوره معينه كل وحدة لها اسلوبها بس بشكل عام كويسات والمادة سهله بس مذاكرة اول بأول
وأفضل سلايدات هي سلايدات أستاذة نهى الوزان ممتازة جدا وما ذاكرت من غيرها وما رجعت للكتاب الا علشان اشوف كم سؤال
ودرجتي بالكيمياء كانت حلوة الحمدلله

6-الاحصاء/ كنت عند أستاذة ريم الحربي تجنن تشيل همنا اذا ما فهمنا وشرحها مرره حلوو
في المذاكرة الكتاااب ثم الكتااب ثم الكتااب و لا مانع من مخلصات السعدي او اشرف بركات شوفي اللي يناسبك
بس اهم شي تكوني فاهمه تماااااااام قبل الاختبار وتحلي الاسئلة اللي أخر كل باب واللي ما تعرفي تحليه تروحي لاستاذتك تفهمك طريقة الحل ..
باختصاار الاحصااء لااازم تكوني فاهمتها تمااام ومذاكرة اول باول زيه زي الرياضيات والفيزياء حتى انا اشوفه اهم لانه جديد وفيه كيرف أب أخر الترم

7- الأحياء/ هذه المادة تعتمد عليك ما يهم الاستاذه ولا المحاضرة المهم انك قبل الاختبار تكوني مختمتها كذا مره
الله يرضى علييكم لا تسووا نفس غلطتي طنشتها الدوري الاول وابداا ما رحت الاختبار مواصلة ولا راجعت وفي ناس ما خلصوا الجزئية من بداية الترم ذاكريها

بس خلصت معليه طولت بس اذا تبغوا انزل لكم توزيع الدرجات لكم مادة قولوا لي

نصيحة أخيرة توكلي على الله وخلي امك وابوك يدعولك لان من جد ربي ييسرلك الاختبار بدعواتهم
ووقت الاختبار ابعدي عن الناس القلق اللي تحسسك انك ما فتحتي الكتاب وتجيب لك اسئله مدري من وين
وتلخبط اهلك هالنوعية وقت الاختبار لا تعطينها وجه ابدا لحد يزعل بس ماله داعي تحوسيني معاك وتوتريني زيادة والبلا ممكن تجيب درجه حلوه و في المقابل نكبت خلق ربي
ختاما هالسلسه من الفيديوهات جميله وحتفيدكم ان شاء الله
وبالتوفيق وسنة ممتعة ان شاء الله

[Lady Nado]

الله الله
ايه دا الموضوع الكامل و المتكامل والمتميز < كيف بس المدح أعجبكم انا
المهم يا جمييل
ما شاء الله موضوعك كامل و كدا يفتح النفس
و يحمس الواحد ع الدراسة و حسيت انو التحضيري ان شاء الله حتكون سنة حلوة عليا
متفائلين انتو بدرجة مش طبيعيه تعجبوني و اللهي يا زينكم بس
و مجهود تشكر عليه صراحتن و يعطيك ألف عافية

[~Me~]

يا شباب في سؤال يدور في مخيلتي من أسبوع ماني قادر انام منه


طلاب الجامعه يلبسو شنط

وظهر ولا كتف ولا إيش نظامهم


أنا اتكلم عن الجامعه بشكل عام يعني إلي تشوفو بعينك مو إلي إنت تسويه

[سملّق :)]

مالي دخل في الموضوع

لكن ، ياسيدي انت حاط سركيبت الجافا في الصفحة عشان يطبع ( أسم ) قارئ الموضوع

معليش ، بس حاب أقول سكريبتك فاشل ياعسل :)

أنا مسجل دخول ، وقاعد أقرأ أسم ( نور العمر ) !!!!!!