2 >>حنفكر مع بعض كلللنـــا $$$ تابع لـ ليش الوظايف المحترمة اختلاط

[روعة طموح]

فكرتكم حلوة ومره مفيدة
بصراحة حلو تعاونكم وممكن حتى الطعام يكون شغل بنات يعني تدخلوا بنات عندهم خبرة في هذا المجال وتكزن لكم بصمه مميزة انا اعرف وحدة شغلها مره كويس بس للاسف هي ماشاء الله شغلها ماشي وعندها دخل كبير وحابة تعمل مشروع لوحدهاااا من غير مشاركة احد الله يوفقها
عموما المواهب كثيرة بس انتوا اعزموا وفي تدريب في عبد اللطيف جميل لوحابين تبدوا فلازم تكون مدربين مره كويس وتبدواااا بكل قوة ويكون التنظيم للاكل للمعاملة راقية جدا عشان البنات يقبلوا عليه

الله يوفقكم وممكن افكر ادخل معاكم اذا ممكن بس لازم افكر كويس بالموضوع موفقين ان شاء الله

[rubi]

اهلللين يا عسل

فكرة حلوة منك ان الاكل يتعمل على يد بنات سعوديات


احس اهم شي فالمقهى الديكور والاسم

نورينا دايما بافكار منك ياعسل وان شاء الله حنجتهد كلنا في سبيل اننا نعمل شي مررررتب ويكبر مع الوقت

وحنتعرف على بعض باذن الله


عموما لسا ما بدانا في شي جدي لفكرة المقهى

بس طبعا فكري براحتك انك تشاركي

نورتي ياقمر


يارب وفقنا وكتر عددنا بالخير يارب

[وهج المشاعر2009]

ايه الاسم لازم يكون ملفت للإنتباه ,,, والاكل هذا شئ ثاني .... انا اعرف ماشاء الله بنات يتفننوا في الطبخ

[яσσ7 тєƒℓα]

و وهج تقدر تساعدنا علشان محد يضحك علينا ممكن تسأليه عن الاماكن اللي قلت لك عليها وانتو اقترحوا امكان تعرفوها

أنآ رووح ^_^

أوووك بس قولولي متى أسأل

آلحين ولآ أستنى كمآن شوي ؟؟!


إن شآء الله بهآليومين رح أكلم أهلي بالموضوع

عشآن لآ يتفآجأون من سؤآلي خخخخ

وإن شآء الله نستفيد = )



سسسي يووو

[كونتيسه]

ماشاء الله

قريت كل الردود

مرررررره عجبني طموحكم


وربي يحقق كل امانينا

فكرة المقهى مره حلوه

لكن يبغالها خبره اكبر

يعني زي ماقلتي ياروبي نبداء بمشروع بسيط

وبعدين نسوي المقهى

عجبتني فكره وحده من الاخوات انو نعمل مكان للحفلات روووووووووووعه

وبنفس الوقت احنا الي نعمل الكوشات والحركات الحلوه

والبوفيه برضوا من عندنا بالاتفاق مع مطعم

ولو يبغوا مصوره ممكن تشاركنا فيه الي عندهم خلفيه بالتصور

-------------------------------

انا بصراحه احب العقار واتمنى من كل قلبي يكون عندي كذا عماره

وعشان احقق امنيتي لازم قرنقش

وهذي يبغالها وقت

ومن المشاريع الحلوه معاكم تقدر كل وحده تحقق امنيتها

الله يوفقناااااااااااا يارب

[~dreamy~]

اضيفوني على ايميلي واضيفكم
للجادين فقط

[rubi]

اهلا دريمي

حديكي ايميلي عالخاص اوك ياعسل

[rubi]

المشاركة الأصلية كتبت بواسطة كونتيسه ماشاء الله قريت كل الردود مرررررره عجبني طموحكم وربي يحقق كل امانينا فكرة المقهى مره حلوه لكن يبغالها خبره اكبر يعني زي ماقلتي ياروبي نبداء بمشروع بسيط وبعدين نسوي المقهى عجبتني فكره وحده من الاخوات انو نعمل مكان للحفلات روووووووووووعه وبنفس الوقت احنا الي نعمل الكوشات والحركات الحلوه والبوفيه برضوا من عندنا بالاتفاق مع مطعم ولو يبغوا مصوره ممكن تشاركنا فيه الي عندهم خلفيه بالتصور ------------------------------- انا بصراحه احب العقار واتمنى من كل قلبي يكون عندي كذا عماره وعشان احقق امنيتي لازم قرنقش وهذي يبغالها وقت ومن المشاريع الحلوه معاكم تقدر كل وحده تحقق امنيتها الله يوفقناااااااااااا يارب

اهلا بيكي كونتيسة


فكرة المصورة تكون سعودية من البنات وهوايتها التصوير

فكرة حلللوة الصراحة

احس اننا بكدا حنقضي عالبطالة خخخخخخ

يلا اجتهدي ياقمممر عشان تحققي حلمك زي ما كلللنا حنتعب ونجتهد عشان المقهى اللي نحلم فيه

يارب وفقنا امين

حاسة ان في بنات مبدعااات لكن ما عرفو عن الموضوع دا وعن افكارنا

ان شا الله الموضوع ينتشررررررر ويزيد عددنا بالبركة


نورتي كونتيسة

نورينا بافكار منك دايما

[وهج المشاعر2009]

والله يابنات اعرف نساء كثير يتمنوا يقضوا على وقت فراغهم !!

حتى لو بمرتب ضئيل ,,, حلوو كل وحده تطلع فكره.... بنات ترى مافيه وحده ماعندها افكار
كل وحده واكيد تدور في بالها فكره ,, لا تقولوا فكره بسيطه ماحد يتقبلها انتي قولي اللي في بالك
احنا بنعرفك ( لا ) انتي تعرفينا ( لا ) طيب ليه لما تدخلوا ع الموضوع تجيبوا اقتراح حتى لو كان بسيط
مو مشكله ...

الله يوفقنا ويحقق احلامنا ..

[rubi]

لكل الطموحاااات اللي يتابعو الموضوع

باذن الله كم يوم واسوي موضوع جديد

وفكرته نفسس فكرة الموضوع دا

بس الفرق

اننا حنفكر في مشروع بسيط

ومفيــــد

عشان نحقق هدفنا وحلمنا

اللي هوا

§ المقهى اللي نحلم فيه §


ايش رايكم في كلامي؟


ـــــــــــــــــــ

زعلت صراحة من بعض البنات اللي لمن اطرح الفكرة عليهم
يقولولي طيب لمن تنجحي لا تنسي توظفينا

!!!!!!
يعني انا والطموحات وكلللنا نتعب في وقت التاسيس والبداية
عشششان فالنهاية يجو بنات ماعندهم حلم او هدف فالحياة
ويتوظفو عالجاهز؟


ايش رايكم بصراحة؟