(2)تجآرب الطآلبآت مع موآد الــEnglishالترم 2لعـآم 2010 with colors

[MISS_GUCCI]

^
^
^
the same q here

[حنين الود]

إش رآيكم عشآن مايصير الموضوع كلو إستفسآرآت بدون أجوبه أو تجارب.. أي وحده عندها إستفسآر تكتب أول حاجه تجربتها في ماده أو مادتين أو حسب رغبتها لو حآبه تكتب تجربتها في موآد السيمستر الي فآت وبعدين تسأل عن الموآد الي حابه تآخدهآ وأستآذآتهم كدآ أفضل صح ؟؟
عشان نوآزن بين الإستفسآرآت والأجوبه ..
لو حيزعلكم الشرط دآ بلاشي منو ..

[redcandle]

السلام عليكم
انا اليوم حابه اكتبلكم قصه حياتي مع اللغات الاوربيه بما انو الترم الجاي حايكون اخر ترم ان شاء الله ليه وكمان حابه تستفيدوا من تجربتي وعشان عيون حنين الود كمان
اول حاجه حبدا بمواد المستوى الاول
ريدنج 1 اخدته مع استاذة الاء المحمدي الله يذكرها بالخير كان المنهج او الكتاب احس ماله اي فايده بس هيه كانت تعطينا فوكابلري نحفظها وتختبرنا فيها كل اخر اسبوع ومررره استفدت من هادي النقطه واسئلتها في الاختبارات كانت سهله نوعا ما
ريدنج 2 كان مع استاذة سحر ناصيف كان الكتاب مو مره مفيد ماستفدت منه بس كانت تعطينا كتاب تاني حق فوكابلري اسمه 504 مررره روعه هادا الكتاب وبالنسبه للاختبارات كانت شويه صعبه لانو داك الترم صارت الاختبارات موحده
لسيننج 1 كان مع د خديجه باوازير الله يسعدها دنيا واخره كان المنهج هباره عن فوكابرلي نحفضها ونعمل عليها دكتيشن والفاينل كام فيه فراغات ودكتيشن برضو ونسيت اقولكم عملنا مسرحيه اخر الترم كانت مرره ممتعه
لسيننج 2 كان مع د صفاء المنصوري الله يحفظها ويطول في عمرها يارب كان المنهج افتكر برضو فوكابلري ودكتيشن وكمان برضو مسرحيه اخر الترم ومررره كان ممتع الكورس معاها
الرايتنج1 الكورس كان له كتاب بس مادري ايش فايده الكتاب مرره ماستفدت شي انا اخدته مع مس الاء المحمدي كان في اختبار في البدايه على جزئية السكلز وبعدين اختبارين على المقال
صراحه استاذة الاء انسانه مررره عادله وتعطيكي حقك ومريح الكورس معاها
الرايتنج 2 كان مع استاذة نسرين الحربي مرره احس ماستفدت شئ من الكورس لانو هيه بتشرح صح بس انا بصراحه ماكنت افهم منها بس والله اذا شافتك انك مهتمه وتبي تفهمي وتسلميها الواجبات وتساليها عليها مررره تهتم فيكي وتعطيكي حقك
كدا اكون خلصت مواد المستويات الاولى وان شاء الله اكمل الباقي بعدين لانوا تعبت دحين من الكتابه واتمنى تستفيدوا من اللي كتبته

[amoooona]

اهلين يابنوتات كيفكم
اتمنى من ربي انو ييسر لنا السنة هدي وتعدي على خير والكل ينجح
طبعن الترم الي فات كان مررة متعب لاني نزلت مواد متعبة شويه
اخذت فكشن مع مس ايمان الصراحة اكثر استاذة مخلصة شفتها في الجامعة مستحيييييييل تظلم اي بنت هي تبين انها شديدة لكن وربي انها عسسسسل الله يسعدها ويوفقها يارب
المادة التانية كانت ريسيرش اخدته مع مس نسرين درجتي ماكانت مرة تمام وصراحة الترم كله تتعبي وانا حسيت انها ظلمتني لاني والله تعبت ومالقيت تعبي في النهاية
اخذت مورفولجي مع د.مآثر مااحب المادة دي ولا احب اتكلم عنها لاني والله ماعجبتني الكلاسات لاني احب الاستاذة الي تشرح وتفهم من قلبها والدرجة ماكانت قد كذا
واخيرا اخذت فونتكس مع مس آلاء جوناااااااااااان الله يسعدها ويوصلها اعلى المراتب يارب مخلصة وشاطرة وماتظلم احد انا صح ماكانت عاجبتني المادة بس درجتي معاها روووعة وبس

انا محتارة ياحلوين مع مين اخذ بويتري ابغا احد ينصحني بأماانة الله يسعدكم

[Conscientious]

amona

don't take this course (poetry ) with Nareeman otherwise u will regret ur birthday the hole of ur life

this my advice

[amoooona]

ياااالطيف للدرجة هذي والله فجعتيني على عمري
طيب انا لازم اخد المادة ايش اسوي

[M!ss.cute]

amoona

أنا انصحك تاخدي البويتري مع د. سهام فطاني لسببين :

1. د. ناريمان اتغيرت صراحة انا اخدت البويتري معاها وكانت تماام بس في الصيف اخدت شكسبير معاها واتندمت وعلى حسب كلامها انها تبا تغير طريقتها وما تبا تنجح البنات كتير زي ما كانت تسوي والله أعلم .

2. د. سهام كتييير بنات ساروا يمدحوها وكم بنت أعرفهم أخدو بويتري معاها ومبسوطين وراضيين عن درجاتهم بس أهم شي تشدي حيلك وتزاكري وتحفظي وتحضري معاها .

إنتي استخيري وشوفي اللي يتيسرلك هوا الخير والله يوفقك

دعواتك لي بالتخرج

[الضمير المستتر]

بسم الله نبدأ ههههههههههه

دراما مع شادن <== غلطة عمري
انا اهملت بس والله هي اللي سدت نفسي بجد بجد بجد
مررررررررة كانت اوفر الله يصلحها
عشان كذه ما حاكتب تفاصيل أخذت معاها 64

ريسيرش مع ابتسام
حبوبة وتراعي ومتفهمة
صح طلباتها كثثثثثثثييير بس والله اللي تتعب تديها على قد تعبها
ماحسيتها ظالمة
عموما صح ماأديت فيها مرة
وموضوع مسرحيتي ما كان داخل مزاجها بس اخذت 78 وحسيتها مرة حلوة على غياباتي الكثير
وعدم التزامي بكل اللي تطلبه

<== تراها غيااااااااابة ههههههههه بس والله لأسباب صحية

ترجمة مع ناريمان قبل سنة ونص
وااي واااااي واااااااااااااااي على ذي الأستاذة
مرررررة حبوبة ومتفهمة
هي صح حقت سواليف أكثر من دراسة
بس كانت مرررة تراعي ومرررة مررررة مرررة ساعدتني عن جد
عارفة حتنصدموا من اللي قريتكم كاتبينه عنها
بس بجد الأستااااذة مرررررة رررررووووعة
أخذت عندها ... مستعدين ..... 96

رايتنج1 مع مايا اليافي
مرة حبوبة وتفهم وتوضح وتحسي قلبها معاكي
جبت فيها أعتقد 76<= الاودس مقفل مو متأكدة

رايتنج2 مع منى صابر
مرة عسولة وتشرح من قلب وتعيد لو الف مرة
وتراعي في الدرجات ومستوى كل طالبة
جبت عندها 87

ريدنق2 مع نسرين الحربي
دقيييييييييييقة واسئلتها تحسيها تحير
ومو اي اجابة تعجبها
والحضور والغياب عندها أزمة
وماتحل كل التمارن وما كانت تقول لنا اش حيجي او على ايش نركز
كنا قبل كل اختبار ندق على بنات أشواق بصنوي
والدرجة ماشي حالها في ال70 بس ماافتكر كم بالضبط

اورال2 مع رشا قزاز
عسسسسسسسولة الاستاذة ذي مررة
ومراعية لابعد الحدود
وعلى قد ماقالوا عليها في الدرجات حسيتها ماتظلم تدي كل وحدة حقها
بس ركزوا عالبرزنتيشن تحبه جديد ووفني وغريب وانترستنق قد ماتقدروا
جبت عندها اعتقد 89

وبس إن شاء الله أكون أفدتكم

[*waaw*]

أضع بين يديكم تجربتي المتواضعة واتمنى ان تفيدكم
الفونتكس أخذته مع ألاء المحمدي المادة نص ونصفي أجزاء سهلة وأجزاء يعني الأستاذة من ناحية التعامل ما شاء الله عليها ومن ناحية الشرح ما شاء الله تمام إنسانه مرتبه مواعيد الاختبارات غالبا تحددها من بدري والشرح من السلايدات تقسيم الدرجات كان حلو 3 دوريات 2 عليهم 15 وواحد عليه 20 و10 مقسمه على واجبين سهله و نضمني فيها درجات بالنسبة للأسئلة فهي منوعه و متفاوتة في السهولة والصعوبة مو صعبة لدرجة التعجيز ولا سهله مررررة يعني المطلوب منك تذاكري السلايدات بتركيز شديد و تقرأي الكتاب لان في مقارنات و تعاريف تحتاج للكتاب " يعني الكورس معاها مريح جدا ما تشيلي همه "
أبلايد: منال التاودي المادة كلامها كثير ويحتاج لها حفظ بتركيز عالي وطريقة الاستاذة أنها تقرأ وتخطط فقط لان المادة بصراحة ما تحتاج أكثر من كذا لأنها حفظ بحت تقسيم الدرجات 3 اختبارات كل واحد عليه 20 و الفاينل 40 أسئلتها فراغات واختياري وسؤال واحد تعداد أو شرح بسيط الاختيارات سهله و واضحة بس الفراغات يبغا لها حفظ كويس تكون كلمة أما الي باللون الأسود الغامق أو مصطلح أو أي شي يكون مرتبط بالموضوع يعني الأسئلة مو صعبه أبدا ما فيها لف ودوران يحتاج لفهم وتحليل لكن مشكلتها أنها نصيه من الكتاب ولما تقرأي السؤال تكوني فاكره انك قرأتي الجزئية بس ممكن تضيع منك الكلمة المطلوبة من كثر المعلومات تنسي وين قريتيه بس للأمانة مو زي ما يقولو البنات أن الكلمة المطلوبة تكون مو متوقعة وصعبة لا لما تذاكري ركزي على الي قلت عليه فوق وحاولي تربطي أي كلمه تحسيها لها علاقه بالموضوع بشكل عام لان الدرو كلها مرتبطة ببعض و ركزي ع الاسبلنق لان الفراغ عليه واحد والاسبلنق نص واخر شي الاستاذه تهتم بالحضور والغياب "
قفلة : في موضوع مستقل نزلوه البنات مشكورين فيه تجميع للأسئلة اقريها قبل تذاكر وتعرفي طريقتها وبأذن الله تاخذو درجات عالية معاها " ا
لفكشن مع ايمان حمزة المادة عبارة عن 3 روايات طريقتها أنها تقسم الشابترز علينا وطوال الترم كل وحده تاخذ شابترين وتشرحهم من الرواية طبعا الشرح مو ذاك الشرح نقاط بسيطة وهي تكمل الشرح مهم جدا تكتبي كل شي تقوله لان ما يخرج عنها الاختبار [/تقسيم الدرجات: اختبارين كل واحد عليه 20 و10 درجات على الشابترز الي قسمتهم علينا 5 كل واحد ويبقى 10 درجات تكون على قصة قصيرة توزعها علينا نهاية الترم نسوي عليها بحث صغنون وبرزنتيشن
المادة حلوه والأستاذة طريقتها في التقسيم والتصحيح أروع تراعي كثييير "ا
لمورفولوجي مع منال التاودي المادة سهله ومذاكرتها كمان سهلة تقسيم الدرجات 3 اختبارات كل واحد عليه 20 طريقة الأسئلة فراغات على أشكال متعددة الفراغ الطبيعي أو تكون في جداول لان أسئلتها الإجابة عليها ما تزيد عن كلمة وحده وهذا عيبها إنها قلييييلة والدرجات تروح بسرعة ع الفاضي واغلب أسئلتها من الكتاب أو تمارين هي تمليها لنا ولا يهون الأسبلنق بس عموما المادة حلوه والمذاكرة افهمي واحفظي أكثر وبس
دعواتــــــكم

[عصفورة الحب]

هآآآآآآآآآآي الترم اللي فات اخذت رايتينق 1 مع مس الاء كانت كويسه عرفت حاجات ماكنت اعرفها في الرايتينق كانت تشرح وتفهم واخلاق بصراحه
ليسنينغ 2 مع اشواق بصنوي كان ممتع الكلاس معها اسئلتها كانت حلوه وتشرح وتفهم ومرا متفاهمه
ريدنق 2 مع نسرين الحربي تحب الحضور والغياب وتحب كمان انو تقرأي قبل ماتجي الكلاس بصراحه هيا تشرح لكن الكتاب مالو داعي في الاختبارات تصحيحها اذا ناقشتي اجابتك معها واقنعتيها انها قريبه من الصح ممكن تعديها لك