تجمع بنات كلية الإقتصاد المنزلي (غذاء وتغذية) هناااااآآآآ

[الحياه]

آآآآآآآآه آآآآآآآآآآآه
وأخيرا قررت اني اسوي الجدول

لأني اكتشفت انه لمن اختار المادة تطلع لي شعب بأيامها واوقاتها

بنااات مرررره نفسيتي متحطمه تخيلوا بس الشعب الي لقيها فاضية لمادتين والباقي ما فيه شعب يعني تملت لكن أملي في الله كبييير وان شا الله اقدر اضيف كمان مواد لأنه اداوم سمستر كامل على 5 ساعااات من أصل 18 ساعة مرررره تعب بالفاضي

[جليد القمر]

يابنــــــــــات صاحبتي هذي اول سنهـ لها تخصص تغذيهـ
ومانزل جدولها الى الان ..
ايش الحل ؟؟؟؟؟؟؟؟؟؟؟

[سحابه غرور]

بنات طيب هوا مكتوب قدام الكليه العلوم الطبيه التطبيقيه
والتخصص مكتوب تغذيه اجل المشاط ليه يقول نداوم في الاقتصاد
وربي ترى حوست حوسه ما يعلم بيها الا الله واللى كنت فاهمتوا طار مع اللخبطه اللى صارت
اخر كلام وين نداوم ؟؟؟؟؟؟؟؟؟؟؟؟؟؟؟
وايش هرجه الجدول ترى بديت افقد الامل

[الفراشة الورديه]

بنااااااات ساعدووني الجدول ما نزل وجيت انزل الجدول ما نزل غير ماده وحده اش اسوي وكل المواد التانيه مالها وقت ولا شعب

[smsm . z]

حتى أنا مانزل جدولي لسسسة
جيت أضيف أنا بنفسي مالقيت ولا شعبة لولا مادة
إذا كانو ماحينزلولنا جدول يتكلمو عشان نلحق قبل مايخلص زي ماصار دحين
يارب ياكريم

[الفراشة الورديه]

من جد دحين ماندري اش نسوي

[الفراشة الورديه]

بناااااااااااااات لازم نرفع احتجاااااج انو جداولنا ما نزلت
لحد يسكت الكل يداوم يوم السبت ونروح عند عميدة الكليه ونحتج

[فروووحه]

حبايبي كمان انا نزلت لي ماده وحده ريحو بالكم ما في شي يسوى
يوم السبت نتفاهم معاهم بس انتو فين بتروحو؟؟؟ الجامعه ولا كلية الرحاب؟؟؟؟ ردووو ضروري

[Mis$ lolo]

اووووووووووووووووووووووووووووووووووووووووووووف

طفششششششششششششششت

اش اسووووووي بنات مااضفت غير ماااااده وجده واحد وثلوث شكلي مرااااح اداوم غيرهااا

ولا اقدر اروحلهم انا مو ف جده ولا اقد اداوم الاسبوع هذااا

كل الشعب مقفله

اشششششششششششششش هذاااااااااااااااااااااااااااااااا

يارب اسسسستر

[الفراشة الورديه]

بنات انا ارسلت لي د. أماني عليوي الرشيدي
عن الجدول والتخصص ردت لي بهذا الرد

مرحبا وعليكم السلام ورحمة الله وبركاته في البداية أرحب بك في الكلية وأهنك على النجاح والقبول أريد أن أوضح لك بعض الأمور الهامة ، بعد أن أطلعت على الخطة الدراسية المرفقة : لازال القسم تحت مسمى قسم التغذية وعلوم الأطعمة والخطة الدراسية المعتمدة هي خطة قسم الغذاء والتغذية بجامعة الملك عبدالعزيز بجدة . تم إجراء تعديل على الخطة الحالية لتلائم السنة التحضيرية ويمكنك أخذ نسخة من القسم لدينا بالكلية حيث أنها مختلفة عن الخطة المرفقة مع رسالتك . بالنسبة لقسم التغذية الصحية يتم حاليا دراسة الخطة الدراسية للقسم والتي سيتم إعتمادها بمشيئة الله العام الدراسي القادم 1431-1432هـ بخصوص الجدول الدراسي أتوقع أنه سيتم تسجيل المواد الدراسية للطالبات المستجدات الأسبوع القادم ان شاء الله ، لا تقلقي ، وأسئلي عن المرشدة الأكاديمية في القسم في بداية الدوام لتساعدك في تسجيل المواد ، . مواد المستوى الثالث بعد السنة التحضيرية هي : الكيمياء العضوية ، الأحياء الدقيقة ، أسس التغذية ، مهارات لغوية ، ثقافة إسلامية ، علم النفس العام . تمنياتي لك بالتوفيق والنجاح د. أماني عليوي الرشيدي

اللي فهمتو منها انو جداولنا تنزل الاسبوع الجاي