تدفع فلوس رسوم دراسة وتدفع تذاكر تعال شوف الظلم الي يتعرضه له طالب وطالبة الانتساب

[$ الـجـوهـرهـ $]

المشاركة الأصلية كتبت بواسطة أبو إبراهيم الرياض لا يا أختي ومن عنده هالمعلومه الأنتساب معترف فيها وأعرف واحد من سنه ما شاء الله عليه تخرج أنتساب ومعدله زين الحمد لله الحين قريب من الترشيح بوزارة الخدمة المدنية أبعدوا هالفكره هل الأنتساب معترف فيه أما لا ألي أنا أعرفه أن التعليم عن بعد هو الغير معترف فيه من قبل وزارة التعليم العالي ومن عنده علم أكثر بخصوص التعليم عن بعد يصحح كلامي والله يوفق الجميع يا رب ،،،

ربي يبشرك بكل خير يا ابو إبراهيم


ريحتني الله يبارك فيك


لاني قد سمعت هذا الكلام من قبل


وكمان جيت قريته هنا جن جناني


بس بجد ماقصرت الله يسعدك

[L O T U S]

المشاركة الأصلية كتبت بواسطة أبو إبراهيم الرياض لا يا أختي ومن عنده هالمعلومه الأنتساب معترف فيها وأعرف واحد من سنه ما شاء الله عليه تخرج أنتساب ومعدله زين الحمد لله الحين قريب من الترشيح بوزارة الخدمة المدنية أبعدوا هالفكره هل الأنتساب معترف فيه أما لا ألي أنا أعرفه أن التعليم عن بعد هو الغير معترف فيه من قبل وزارة التعليم العالي ومن عنده علم أكثر بخصوص التعليم عن بعد يصحح كلامي والله يوفق الجميع يا رب ،،،

والله ماعدنا نعرف
بس دام قلت كذا معناه اللي اسمعه ان شالله كلام فاضي

وبالنسبه للتعليم عن بعد قريت اليوم بموقع جريدة المدينه عنهم هاالخبر
http://www.al-madina.com/node/285986

[الـمـقـاول]

انا قترح عليهم انهم يرفعون المبلغ علينا بألف ريال يسمونه بدل اختبار مناطق .. ميخالف موافقين اهم شي مانتكبد خساير زود وارهاق سفر وسكن ماندري احنا نلقى سكن نظيف او نضطر ندفع زود

انا اول مادخلت شقتي بايدي اليمنى شنطتي وبايدي اليسرى كيس فيها كلوركس وديتول .. خليت الهندي ينظف الكرسي الفرنجي بالكلوركس .. وخليته ينظف الارضيه بالكلوركس والديتول .. وعروة الباب ايضا .. وريموت التلفزيون .. وكل شي كل شي

انا بالسنه التحضيريه كنت اختبر بالرياض تبعد عن بريده 300 كيلو اروح لها بالسياره وارجع وانا فرحان وسعيد وادعي لمدير الجامعه .. بس فعلا عانينا بالمستوى الثالث والرابع ماش الامر صعب وصرنا نروح بالشحاته من الاقارب والاهل عشان نغطي تكاليف الرحله

المشكله يبون ينعشون اقتصاد جده .. وش هالاقتصاد الي يطيره المطر بنص ساعه .. الله يعين بس

[mo0onm]

السلام
صح اللسانك ومع احترامي للاخوان المعارضين
جامعة فيصل اختبار مناطق لسنه التخرج وما في رسوم لدفع لاختبار المناطق
تدفع رسوم بس للمواد إلى نزلتها هذا الترم .......
بس عليهم تخصصات استغفر الله بس حليوه
للاخوان المعارضين (احنا مو من جماعت خالف تعرف) ولا طلبنا شي مستحيل .
تخفيف الرسوم ... قلنا اختبار مناطق وبدال الف اريال الفين يطلع علينا ارخص من السفر تذاكرومرمطه ..
ومع احترامي للمعارضين وتشكراتي للمؤيدين

[sugar-lips]

الله يسعدك يابتال والله قلت اللي في خاطري يفكونا بس ماعليه ندفع 3000 و 1000 اختبار مناطق ولا ندفع 10000 ولا 11000 في الترم ونتمرمط يخلونا بس اختبار مناااااااااااااااااااااااااااااااااااااااااااااااا اااطق يفكونا من جده خلاص طاب الخاطر والله من بعد ماشفنا هالترم ،،،،

[أبو إبراهيم الرياض]

كلنا مع ما ذكر أخونا بتال القوس ونؤيدك وبقوه ونتمنى النظر في موضوعنا ومعاناتنا بالسفر والمصاريف وتأخر صدور الجداول وأشياء كثيره ،،، ومن الناس هنا من رد بردود لا تليق منبر الموضوع وسبقوني زملائي بالرد عليهم ممكن من ردو بهالردود من كان ربي مغنيهم وماخذين الأمور سهالات يعني ندرس أن مشينا مشينا والا ما ما ضرنا شي وممكن أنهم من سكان جده ومنتسب يعني تعتبر الجامعه بالنسبه لمن يأتي خارج جده تعتبر جنب بيته يعني جالس بين أهله أكل شارب نايم ويدرس ما شال هم بعده عن عياله إذا كان متزوج أو ضروف ترهقه وتجعل من سداد وسفر وسكن وأكل وشرب هم يتمنى أن يزيل وهو يعاني منها في جده ولم يتذوق طعمها وهو يتحمل هذي الصعوبات وأضف عليها الأن الأمطار والمخاطر المحتمله على جده كل سنه لأن لا حل من أوضاع جده ولو وجد لها حل سوف نشيب وهي من لجنه ولجنه لأصلاح ما بقي من جده لاكن ما نقول الا الله المستعان ،،،

أنا كل ما أتمناه هو نقل الأختبارات كلن على مكان أقامته أختبر بين أهلي وعيالي والله أنها أستقرار للنفس وليس بالغربه والله أني أعتبرها غربه مع أن حنا في نفس البلد وبين أخواننا لاكن غصب عليك تقنع نفسك بهالحكم ومثل ما قال أخونا نعطيهم 2000 مهوب 1000 مثل السنه التحضيريه بس أختبر بمكاني ولا أتغرب ،،،

كل الشكر لك أخوي بتال القوس في الأول والأخير والله يجعل ما طرحته يوصل لمسامع المسؤلين بالجامعه مع أني أعرف وكلنا يعرف أنهم يعلمون بما نعانيه ولاكن لامن مجيب ولامن سامع يرد الصوت وموضوعك وموضوع من طرحه من الزملاء في هذا الموقع كل ما هو الا خواطر نتحملها ونعانيها ونتبادلها بين أخواننا بالمنتدى والله يجزاك خير أخوي بتال فضفضنا شوي ،،، وتقبل تحياتي ...

[حسب 101]

الله يعوضنا يارب بالصحة والعافية والنجاح يارب العالمين .............

[مبارك الشهراني]

الف شكر على الكلام الجميل ياخوي بتال ..وماقلت عين العقل...ومع احترامي لكلك الردود لكن الى يقول مادام تعرف الشروط ليش تدرس ولا الثاني مدرس ايش يقول ...يمكن من وجهت نظرك لان كل شخص وتفكيره...
المهم انا خريج الترم القادم والى الحين يمكنم تقدر الخساير تقريبا 35الف مابين رسوم وسفر وتذاكر وقيمة كتب هذا كله غير المدرسين الخصوصين..
وقبل فتره قرأت في عكاض عندماتم الغا نظام الانساب يقول التعليم العالي تم إلغاء الانتسام غير مدفوع الرسوم وستبداله بالتعليم عن بعد المدفوع الرسوم...يعني جالسين يكذبون على الناس ولا إيش ...!!!
المهم حتى لو مجرد كلام وينكتب في المنتدى يكفي نفضفض على بعض ....

[أسامة الغامدي]

أنا أقول محد جبرك أنت وياه على الجامعة ومنكم من هو في المستوى الرابع أو أكثر الحين صار الوضع صعب؟؟
عجيب أمركم وربي وش هالمنطق في التفكير؟ انت الآن المفروض يكون عقلك مفتح داخل جامعة وتقول هالكلام؟
قبل الواحد ما يدخل الجامعة المفروض يكون عارف وش له وش عليه مو تتكلمون الحين؟
وبعدين اللي يقول المفروض يكون في إختبار مناطق، ياعالم مليون واحد في المنتدى قد شرح هذا الموضوع قضية يخلون إختبار في كل منطقة غير مجدي منطقياً ولى حتى مادياً يعني مو بالمنطق أطلع 5 دكاتره يشرفون على الإختبارات ويكون في التخصص 120 طالب بس!! هذا على أبعد تقدير في تخصصات ترى يختبر فيها 20 طالب بس عشان يكون ذا في علمكم!!

غير كذا الدكاتره اللي يجيون للمناطق هذي لهم بدلات ما راح يجي ببلاش!!

وعلى فكرة الجامعة تقدر ظروف الطلاب في شروط للإعفاء وفي بنات وشباب هنا بالمنتدى أعرفهم أخذوا الإعفاء ولو الشروط تنقبل علي كان أنا أول واحد يطلب الإعفاء

والله يوفقكم

[Nada AlWard]

-------------------------------------------------------------------------------- أنا أقول محد جبرك أنت وياه على الجامعة ومنكم من هو في المستوى الرابع أو أكثر الحين صار الوضع صعب؟؟ عجيب أمركم وربي وش هالمنطق في التفكير؟ انت الآن المفروض يكون عقلك مفتح داخل جامعة وتقول هالكلام؟ قبل الواحد ما يدخل الجامعة المفروض يكون عارف وش له وش عليه مو تتكلمون الحين؟ وبعدين اللي يقول المفروض يكون في إختبار مناطق، ياعالم مليون واحد في المنتدى قد شرح هذا الموضوع قضية يخلون إختبار في كل منطقة غير مجدي منطقياً ولى حتى مادياً يعني مو بالمنطق أطلع 5 دكاتره يشرفون على الإختبارات ويكون في التخصص 120 طالب بس!! هذا على أبعد تقدير في تخصصات ترى يختبر فيها 20 طالب بس عشان يكون ذا في علمكم!! غير كذا الدكاتره اللي يجيون للمناطق هذي لهم بدلات ما راح يجي ببلاش!! وعلى فكرة الجامعة تقدر ظروف الطلاب في شروط للإعفاء وفي بنات وشباب هنا بالمنتدى أعرفهم أخذوا الإعفاء ولو الشروط تنقبل علي كان أنا أول واحد يطلب الإعفاء

معليش يااخ اسامه

المسأله مو مسألة انتو عارفين ولا انتو مو مجبورين
كل سنه الطلاب يشتكون لكن هل احد سمعهم
حتى لو وصلنا لمرحلة التخرج نبي نتكلم ونتكلم
الين مايوصل صوتنا على الاقل على اللي بعدنا
عشان مايتعبون زي ماتعبنا
على الاقل نخفف عنهم
لان مو كلنا مقتدر

واللي جبرنا نبي نرتقي للافضل
مو كل العالم عندها فلوس يعني اللي ماعنده فلوس يقعد في البيت احسن له
ليه انت تفكر في نفسك
فكر في ناس تبي تشتغل تبي يزيد راتبهم تبي ..............اللي يكون

تكلم بموضوعيه وواقعيه احسن
واذا على اختبار المناطق
عادي يكلفون اي جامعه او اي معهد يختبرون فيها الطلاب وخلي الدكاتره في مقرهم
زي السنه التحضريه يعني الدكاتره جو للمعاهد واشرفو عليها ؟؟؟

يرسلوا الاوراق للجامعه وهم يشووفون لو تأخرت رصد الدرجات شهر شهرين ماعندنا مشكله
بس اهم شي يريحون من المصاريف اللي فوق طاقة الواحد

واذا 20الف ريال في السنه قليله عندك
فعند غيرك يسوي اي شي عشان يجيبها ويجي يختبر في جده

لاتحسب الناس مثلك في مقتدر
ولكن انظر للمصلحه العاااااااااامه

ويعطيك الف عافيه اخوي بتال على الموضوع
وان شااءالله يوصل صوتك للمسؤووليييييييين
لرفع الظلم والمعاناة لطلاب الانتسااااااااب