التدريب الميداني - نصائحكم في مستشفى ممتاز (طلاب)

[angel--girl1991]

انا راح اتدرب ان شالله بالصيف في المساعديه بعد ماطلعو روحنا وبعد كم لفلفه في المستشفيات اللي عرفتو وفهمتو مع الاسف في وقت متاخر لازم قبلها حاجزه اقل شي 6 شهور علشان تخلصي امورك ادا ماكان اكثر بسبب زحمة الناس والسرى اللي قبلك عندكم مستشفى عرفان وبقشان والملك عبدالعزيز بس بعد حجز سنه والملك فهد كمان بعد حجز ومختبرات البرج وفقيه طبعا بعد حجز قبلها بكثير
عموما انا كمان نفسي اتدرب تطوعي احد يعرف فين واي مستشفيات والمراكز
انا في انتظاركم
وشكرا

[السمراء الحسناء]

انا قدمت في الملك فهد واتقبلت بس أبغى اسأل طلبو مني ملف التدريب من فين أجيبو من الجامعة
وكمان الفترة من 7/9 الى 8/9 وأستاذ وسيم قال تبداي 7/19 طيب كيف ح يكون الوضع ؟ انا مؤ فاهمه اي شي منهم ؟ ح تدرب من 7/19 الين 8/9 بس ولاكيف
الي أتدرب في فهد يساعدني وكيف ح يكون الدوام كل يوم ومن متى ل متى ؟؟ :( انا خائفه صراحة ومو عارفه شي :(

[السمراء الحسناء]

وايش ح اعمل ؟ ايش المكان الي ح كون فيه ؟ :(

[نــورهـ]

المشاركة الأصلية كتبت بواسطة السمراء الحسناء انا قدمت في الملك فهد واتقبلت بس أبغى اسأل طلبو مني ملف التدريب من فين أجيبو من الجامعة وكمان الفترة من 7/9 الى 8/9 وأستاذ وسيم قال تبداي 7/19 طيب كيف ح يكون الوضع ؟ انا مؤ فاهمه اي شي منهم ؟ ح تدرب من 7/19 الين 8/9 بس ولاكيف الي أتدرب في فهد يساعدني وكيف ح يكون الدوام كل يوم ومن متى ل متى ؟؟ :( انا خائفه صراحة ومو عارفه شي :(

- مرحبا السمراء الحسناء ،،

- بالنسبة للوقت ارجعي اتصلي و افهمي مضبوط متى تداومي و كم طالبة منك الجامعة ساعات حتى تجتازي التدريب ،،

- الدوام من الساعة سبعة الى اثنين بالنسبة للمتدربين و أحيانًا على الساعة وحدة يكون الشغل مخلص لكن ما نطلع الا اذا المسؤول قال خلاص تقدروا تطلعوا ،،

- لا تخافي ان شاء الله بيكون الموضوع سهل ،،

المشاركة الأصلية كتبت بواسطة السمراء الحسناء وايش ح اعمل ؟ ايش المكان الي ح كون فيه ؟ :(

- المكان حسب تخصصك لو كنتِ حيوي أو احياء بيكون مختبرات بيحدد المكان أستاذ وسيم في أول يوم يعطيكِ ورقة مكتوب فيها اسم القسم اللي بتكوني فيه و المسؤول عنك و تروحي لهم في المختبر و تبدأي معاهم ،،

- أذكر على فترة تواجدي بعض الطلاب كانوا ينقلوهم كل أسبوع مختبر حتى يكونوا ملمين بجميع الخبرات و هذا راجع لدكتورة المادة ،،

- لا تخافي و أثبتي وجودك بإهتمامك بالعمل و إلتزامك بالوقت مرهـ مهم و يأثر على تقيمك يعني وقت الحضور و الانصراف و خاصة الصباح + كوني واثقة من نفسك و من معلوماتك و اذا رجعتي البيت اعملي سيرش في النت عن الاجهزة و العمل عليها من باب ان يكون عندك خلفية و معلومات بتساعدك في عملك ،،

- اذا في شيء بستئلي عنه اتفضلي أنا تدربت هناك في قسم الطوارئ و أخذت شهادة خبرة لا تنسي تطلبيها من مدربك نهاية الفترة و الحمدالله أخذت99 في التدريب ،،

- موفقه يا رب ،،

[السمراء الحسناء]

ايوا كلمتو قلي السبت مؤ دا الي بعدو
ف ماعرف ح يكون الوقت كفايه صراحة أبغى أتعلم
ومرة شكرًا د/نوره على الرد

وأبغى اكون أسالك اذا احتجت اذا ممكن

[نــورهـ]

المشاركة الأصلية كتبت بواسطة السمراء الحسناء ايوا كلمتو قلي السبت مؤ دا الي بعدو ف ماعرف ح يكون الوقت كفايه صراحة أبغى أتعلم ومرة شكرًا د/نوره على الرد وأبغى اكون أسالك اذا احتجت اذا ممكن

- أهلًا عزيزتي ،،

- خلاص مدام أعطاكِ موعد محدد روحي و ربي يوفقك ،،

- ان شاء الله كافي انك تتعلمي مجرد ما يمر الاسبوع الاول بتتعود يدك على الشغل ،،

- العفو أختي و أكيد اسئلي متى ما تحبي حياك الله على العام أو الخاص يسعدني أجاوبك على استفساراتك ،،

- الله يوفقك و يسهل أمورك ،،

[السمراء الحسناء]

الله يسعدك يارب د/نوره

[strawberry18]

السلام عليكم
ابغى اسال كم سؤال
دحين فيه امكانيه اطلب تدريب ولا اتاخرت
لانه على اساس ابغى اخذ مواد صيفي بس ما نزلو اللي ابغاه فقلت اتدرب
ولو اني سويت الاوراق وزي كدا هل انزل المادة في الاودس ولا بعد ما اتدرب انزلها لاني موفاهمه الموضوع
وهل ممكن يقبلوني لاني مكمله 96 ساعه يعني سمعت اول يقولو ينفع تاخذي تدريب مع مواد عشان تكمليها 100
عارفه اسئلتي كثيره والله يعطيكم العافية

[Noory =)]

المشاركة الأصلية كتبت بواسطة noory =) بنآت بسألكم عن مستشفى الملك عبدالعزيز للآورام كيف ؟ اذا ممكن آحد قد تدرب فيه يعطينآ رآيه :$

^ مسحوب علي دايم سبحان الله

المهم سؤال لو سمحتو ولحد يسحب علي :(
آقدر اخذ بحث التخرج مع التدريب والا ماينفعش !؟
او اقدر اخذ صيفي مع التدريب والا لا !
وشكراً لكم ..

[نــورهـ]

المشاركة الأصلية كتبت بواسطة noory =) ^ مسحوب علي دايم سبحان الله المهم سؤال لو سمحتو ولحد يسحب علي :( آقدر اخذ بحث التخرج مع التدريب والا ماينفعش !؟ او اقدر اخذ صيفي مع التدريب والا لا ! وشكراً لكم ..

~مرحبا أختي نوري،،

- و الله لو أعرف كان جاوبتك و لا قصرت معك المعذرة ،،

~ ايوا ينفع مافي مشكلة تأخذيهم مع بعض،،

- و عادي تأخذي صيفي مع التدريب ،،

- الله يوفقك و يسهل أمورك ،،