][ تجمـع طـآلبـآت الإنتســآب :: مـــوآد - جـــدآول - استفسـآرات :: هُنـــآ ][

[white rose]

المشاركة الأصلية كتبت بواسطة طآلبة122 لو سمحتو عندي مشكلة ~ دحين انا مسجلة بجدولي اربع مواد مقدمة في العلوم الطبيعية - ليلى ابراهيم طيب الفكر الفلسفي في ضوء الاسلام - محمد ع. حبنكةالشهير بالميداني استماع وتحدث 1 وَ قراءة 1 عند ريم سائحي لمن جيت اعمل اضافة دورات تأهلية في دكتورتين ما لقيتهم القراءة بس اللي موجودة شادن مو موجود ريم سآئحي ايش اعمل انا هنا اختار دكتورة ثآنية ولا ؟ ونفس المشكلة مع مقدمة في العلوم الطبيعية انا مسجلة مع ليلى ابراهيم طيب بس الدكتورات اللي موجودات بالدورات على كثرهم بس ما لقيت ليلى :/ طيب الحل دحين اختار دكتورات ثانيات ولآ ما اختار دورة !؟

حياك الله عزيزتي

والمشكلة بالاضافة مع الكل صايرة

انتي سجلي مع اي استاذة متوفرة الحين عشان لا يقفل التسجيل وانتي ما عندك كلاس بالسنترا وبعد الحج ارسلي ايميل او روحي للجامعة واستفسري من مس جميلة عن شعبة القراءة وكيف تسجلي بشعبتك الاساسية مع مس ريم

اما المواد العامة زي العلوم والفكر الفلسفي ما تفرق مع مين تنزل لان الحذف اللي بالعلوم موحد لجميع الشعب والاختبارات تبعتهم موضوعية وتصحيح آلي فما تفرق اذا كنتي مع نفس المس الا وقت التصحيح (فيه استاذات تراعي واستاذات لا ) فلا تقلقي من هالناحية لان اللي راح تصحح لك هيا نفس المس اللي بجدول الاودس بلس

وفقك الرحمن :-)

المشاركة الأصلية كتبت بواسطة *ام حمودي* الله يعطيك العافيه وايت روز بس برضوو مالقيت جواب استفساري انا عندي ماده من مستوى وعندي ماده من مستوى اخر واذا صرت ابغى اضيف وحده منهم الثانيه تختفي معناتو فيه تعارض في اوقات السنترا طيب ايش الحل اصلا وحده من هذي المواد استاذتي اللي اخترتها في الجدول ما لقيت اسمها في السنترا جد احترت المادتين مهمه بالنسبه ليا ولازم احضرها مباشره واعرف اسلوب استاذاتي وايش الاسئله اللي حيجيبوها اتمنى الاقي عندكم رد الله لا يحرمني..

هلا عزيزتي

وارسلي ايميل لمس جميلة واستفسري منها عن الاختلاف اذا مصرة انك تنزلي المادتين

بس الظاهر من كلامك انو فعلا فيها تعارض فاذا وحدة منهم لقيتي اسم المس تبعتها افضل انك تضيفيها احسن من اللي ما لقيتي اسم المس تبعتها وفيها مشاكل واستخيري

ربي ييسر لك كل خير :-)

المشاركة الأصلية كتبت بواسطة بدايات فجر يابنات لما اجي ابغى اسجل في الدورات التأهيلية يقول لي غير متاح هل هي خاصة باأهل جدة ولا ايش والسنترا متى يفتح وهل لازم تسجيل ﻷني يوم كنت سنة تحضيري ماعمري دخلت علية كنت اصم الك واروح أختبر وايت روز الله يسعدك نا خايفة من الأستاذات وبغيت اسألك من خبرتك مين افضل دكتورة في الرايتينق والريدينق ومقدمة في العلوم ومادة الفرنسي واكون شاكرة لك من القلب والله بكتب أجرك على مساعدتك لنا وبالنسبة لإختبارات النهائي هل احنا نعتبر مع المناطق في 2/2 او في 14/2الخاص بكليتي الإقتصاد والأداب

حياك الرحمن

لا مو خاصة بأهل جدة حاولي من متصفح ثاني لانو احيانا تكون المشكلة من المتصفح للانترنت

التسجيل ايوه لازم تسجلي من بدري قبل لا ينقفل التسجيل والتحضيري غير عن التخصص
في التخصص لابد من حضورك لانو استفادتك اكبر منو وتقدري تسالي المس عن اي شي يصعب عليك فهمه غير عن التدريب على الكتابة بالانجلش في الشات مع المس يعني الكلاسات جدا مفيدة ومثرية لك

افضل الاستاذات:
ريم سائحي ريدنغ وليسننغ

حنان جبر رايتنغ بس شدي حيلك في الجرامر وكثري من ادوات الربط انا اخذت معاها في المستوين راينتغ 1 و2 وكانت تجربة طيبة كنت اكتب لها ايسيهات واجي الجامعة اعطيها هيا وتصححها وارجع اخذها منها تعرفت على اخطائي وكل مرة كنت احاول اتلافى الاخطاء وما اكررها

الفرنسي مس ميرفت رائعة ربي يحميها مقدمة بالعلوم عندك مس سامية كوسا او بسمة الحقبي اعلى الدرجات للبنات كانت عندهم تصحيحهم تبارك الرحمن حلو

اختبارات المناطق فقط طلاب ومو متاحة للطالبات

ووقت الاختبار راح يكون في 14/2 مع كلية الاقتصاد

وادخلي على هالموضوع وراح يفيدك كثير :

~✿{ ما هية الدورات التأهيلية - الدليل الشامل لطالبات المستوى الثالث المتخصصات ✿❥~

فتح الله عليك :-)

[QUOTE]

المشاركة الأصلية كتبت بواسطة external المشاركة الأصلية كتبت بواسطة white rose;6143938 وعليكم السلام ورحمة الله وبركاته هلا فيك يا عسل والكتب بالنسبة للسوسيو حاولي طيب في جرير والعبيكان واذا مرة ما لقيتيه فيهم خذي مصور من الاصلاح او الامين في شارع الجامعة انا افتكر اخذتهم من هناك والنقد لازم مصورة لانها ملزمة فيها المدراس + الكتاب الاساسي فحاولي لو تكلمي الاصلاح وتأخذين عنوانهم وتشتريها من عندهم وهذا رقهمهم : [font=arial 026876463[/font] وفقك الرحمن هو كتاب النقد تغير عن السنة اللي راحت؟ مو هي الملزمة اللي مكتوب في اول صفحة د/ محمد شوكاني انا جالسة اذاكر منها . هل فيه شي غيرها وايش الكتاب الاساسي ؟ افيدوني الله يجزاكم خير عندي سؤال تاني ايش يعني AT اللي بتكون موجودة مكان الدرجة. هو انا كان عندي اختبار بديل بس للاسف ماقدرت احضر فهادي ATموجودة مانا عارفة ايش معاناها وهل يتطلب مني شي اسويه عشان انا ماحضرت الاختبار البديل عشان هادا الرمز يروح ولا هو كدا عادي؟

هلا عزيزتي ولا ما تغير نفس الكتاب ايوه تمام نفس اللي معاك هيا عبارة عن ملزمة فيها المدارس بعدها تلاقي كتاب فيه شابترات واخرو جلوسري في نفس الملزمة

at معناها اختبار بديل المفروض تكوني دخلتي الاختبار البديل بشهر شوال لكن اسالي مس نوف العنزي هيا المسئولة عن الاختبارات للانتساب وراح تفيدك :
رقمها : 026400000
تحويلة رقم : 63498
وايميلها :
nalenazi@kau.edu.sa

وبالتوفيق :-)

[قصة حب]

الف شكر ياعسل

ربي يووفقك اسعدتني دعوتك ولك بالمثل ربي يفكني من هالجامعه على خير

[زهرة لا تذبل]

بنات انا مستوى ثالث ومستجدة واخدت مواد العامة عربي 2 وثقافة 2
بس حابة اسال هل المواد العربي والثقافة اتغيرت عشان ابدا اذاكر
وهل محاضرات السنترا بدات ولا لا لانس سمعت انها حتتبدا يوم عشرة ذو الحجة وسمعت انها بدات الان فمني عارفة مين الصح

[قلم شاعرة]

زهره لاتذبل حبيبتي سنتراء لطالبات السنه التحضيري بدأت بالفعل أما طالبات المستويات الثالث-السابع تبداء بالفعل يوم 10 /12 في الحج

[نوره حمدان]

الدورة التأهيلية لطالبات كلية الأداب المستوى ( 3-7 ) - انتساب - سنترا 10/01/1434 28/01/1434
رحت اتأكد دورتنا راح تكون 10 محرم

[*ام حمودي*]

السلام عليكم صبايا..
كيفكم وكيف استعدادكم ي رب تكونوا بخيررر..
انا عندي استفسار اتمنى الاقي له اجابه عندكم الحين عندي مواد مضافه في الجدول بس ماظهرت لي وقت ما بغيت اسجل فيها لمحاضرات السنترا ايش الحل ما ظهرت لي نفس شعبتي اللي انا مسجله فيها ظهرت لي شعب اخرى اتمنى تكونوا فهمتو عليا وتساعدوني في اقرب فرصه جزيتم خيراا..

[Mero ab]

الدورة التاهيليه مو مكتوب التاريخ او الوقت في الاودس الجديد :(
ممكن احد يقول لي كيف اعرف

في التقويم مكتوب 25/12/1433 ... صح كدا؟


تاني شي السنترا في ولا لغوهـ عندي فاضي مافي محاضرات !

[white rose]

المشاركة الأصلية كتبت بواسطة قصة حب الف شكر ياعسل ربي يووفقك اسعدتني دعوتك ولك بالمثل ربي يفكني من هالجامعه على خير

العفو عزيزتي

وامين واياك ربي يديم عليك اسباب السعادة ونشوفك احلى خريجة :-)

المشاركة الأصلية كتبت بواسطة زهرة لا تذبل بنات انا مستوى ثالث ومستجدة واخدت مواد العامة عربي 2 وثقافة 2 بس حابة اسال هل المواد العربي والثقافة اتغيرت عشان ابدا اذاكر وهل محاضرات السنترا بدات ولا لا لانس سمعت انها حتتبدا يوم عشرة ذو الحجة وسمعت انها بدات الان فمني عارفة مين الصح

حياك الرحمن يا عسل

وبالنسبة للمواد العامة اطلعي على هالموضوع وراح يفيدك :

طبعات جديدة لكتب الثقافة الإسلامية الأربعة+اللغة العربية2+وبعض المواد الإجبارية

السنترا ان شاء الله راح تكون في 10 محرم ان شاء الله تعالى حسب التقويم وهذا رابطو : [ من هنا ] واطلعي على هالموضوع وراح يساعدك كمان :

~✿{ ما هية الدورات التأهيلية - الدليل الشامل لطالبات المستوى الثالث المتخصصات ✿❥~

وفقك الرحمن :-)

المشاركة الأصلية كتبت بواسطة قلم شاعرة زهره لاتذبل حبيبتي سنتراء لطالبات السنه التحضيري بدأت بالفعل أما طالبات المستويات الثالث-السابع تبداء بالفعل يوم 10 /12 في الحج

حياك اختي

الدورة لطالبات المستوى الثالث وحتى المستوى السابع في 10 محرم كما افادتك الاخت نورة بارك الله فيها واجزل لها العطاء والمثوبة

اما

التحضيري خطة أ سنترا راح يبدأو في : 18-12- 1433 الى 7-1- 1434
التحضيري خطة ب سنترا راح يبداو في : 10-1-1434 الى 28-1-1434

وبالتوفيق :-)

المشاركة الأصلية كتبت بواسطة *ام حمودي* السلام عليكم صبايا.. كيفكم وكيف استعدادكم ي رب تكونوا بخيررر.. انا عندي استفسار اتمنى الاقي له اجابه عندكم الحين عندي مواد مضافه في الجدول بس ماظهرت لي وقت ما بغيت اسجل فيها لمحاضرات السنترا ايش الحل ما ظهرت لي نفس شعبتي اللي انا مسجله فيها ظهرت لي شعب اخرى اتمنى تكونوا فهمتو عليا وتساعدوني في اقرب فرصه جزيتم خيراا..

وعليكم السلام ورحمة الله وبركاته

حياك الرحمن

والحمدلله بخير ربي يسلمك

والاغلب اشتكوا من نفس المشكلة اللي عندك واطلعي على هالموضوع وراح يفيدك عن الاختلاف :
الاختيار بين الجدول الاساسي وجدول السنترا مع الشرح بالتفصيل للتسجيل بدورات السنترا

ربي يفتحها بوجهك :-)

المشاركة الأصلية كتبت بواسطة Mero ab الدورة التاهيليه مو مكتوب التاريخ او الوقت في الاودس الجديد :( ممكن احد يقول لي كيف اعرف في التقويم مكتوب 25/12/1433 ... صح كدا؟ تاني شي السنترا في ولا لغوهـ عندي فاضي مافي محاضرات !

عزيزتي
في التقويم تنكتب دورتكم تحت مسمى : الدورة التأهيلية لطالبات كلية الأداب المستوى ( 3-7 ) - انتساب - سنترا

انتي تدوري في الجدول على المستوى اللي انتي فيه وانتي بالمستوى الثالث يعني كلاساتك من المستوى 3 الى 7 سنترا لكلية الاداب طالبات

والسنترا راح تبدا في وقتها واطلعي فوق على الرابط الشارح لك

وفقك الرحمن :-)

[حلم قريب]

بنات في الريدينق1 تنصحوني بأي أستاذة ؟؟؟

[لصممتي حكممه]

المشاركة الأصلية كتبت بواسطة حلم قريب بنات في الريدينق1 تنصحوني بأي أستاذة ؟؟؟

أ/ ريم سائحي بدون تردد ..~